Пысықтау сабақ

Сабақтың тақырыбы

Аралас сандар

Сабақтың мақсаты

Білімділік

Оқушыларға аралас сандар туралы жалпы түсінік беру.

Дамытушылық

Бұрыс бөлшекті аралас сан түрінде, ал аралас санды бұрыс бөлшек түрінде жаза білуге үйрету.

Тәрбиелілік

Оқушылардың ой-өрісін дамыту, сабаққа жауапкершілікпен қатысу дағдысын қалыптастыру.

Сабақ туралы мәлімет

Сабақтың әдісі: Сұрақ-жауап, деңгейлеп оқыту, ойлау қабілетін дамыту.
Сабақтың түрі: Біліктілік пен дағдыны игеру және қалыптастыру сабағы.
Көрнекілік: Интерактивті тақта, магниттік тақта, кеспе қағаз, электрондық оқулық.

Сабақтың барысы

1) Ұйымдастыру кезеңі

Сәлемдесу.
Оқушыларды түгендеу.
Сабаққа дайындықтарын тексеру.
Оқушылардың зейінін сабаққа аудару.

2) Үй тапсырмасын тексеру

Өткен тақырыптарды қайталау және түсінікті нақтылау үшін сұрақтарға жауап беріңдер:

Квадраттың қандай бөлігі боялған?
Жай бөлшек дегеніміз не?
Жай бөлшектің негізгі қасиетін тұжырымдаңдар.
Жай бөлшекті қысқарту дегеніміз не?
Қандай бөлшек қысқартылмайтын бөлшек деп аталады?
Қандай бөлшек дұрыс бөлшек деп аталады? Мысал келтіріңдер.
Дұрыс бөлшек пен 1 санын салыстырыңдар.
Қандай бөлшек бұрыс бөлшек деп аталады? Мысал келтіріңдер.
Бұрыс бөлшек пен 1 санын салыстырыңдар.

Қосымша тапсырма: бөлшектерді қысқартыңдар (тапсырма мұғалім ұсынған парақша бойынша орындалады).

3) Пысықтау сабағы (кеспе қағазбен жұмыс)

Ереже

Бұрыс бөлшекті аралас санға айналдыру

1 Бөлшектің алымын бөліміне бөл.
2 Толымсыз бөлінді аралас санның бүтін бөлігі болады.
3 Қалдық — бөлшек бөліктің алымы, ал бөлгіш — бөлімі болады.

Ереже

Аралас санды бұрыс бөлшекке айналдыру

1 Бүтін бөлікті бөлімге көбейтіп, шыққан нәтижеге алымды қос.
2 Шыққан қосынды — жаңа алым болады.
3 Бөлім өзгеріссіз қалады.

Назар аударайық

Екі түрлендіру де жиі қолданылады: біріншісі — есептің жауабын ықшам әрі түсінікті ету үшін, екіншісі — ортақ бөлімге келтіру, қосу/азайту және басқа амалдарды орындау үшін қажет.

Материал: сабақ жоспары (редакцияланған нұсқа).