Қазақша рефераттар

Қу түлкі

Сабақтың тақырыбы: «Қу түлкі»

Бұл сабақ аралас форматта өтеді: түсіндіру, оқу, терме диктанты, сергіту жаттығулары және слайдтар арқылы жұмыс жүргізіледі.

Мақсаты

Оқушылардың мәтіндегі негізгі ой мен идеяны түсінуі арқылы мәтіннің мазмұнын меңгерту.

Міндеттері

  1. Түлкі туралы түсінік беру.
  2. Оқушыларды белсенді шығармашылық жұмысқа баулу, өз бетімен еңбектену дағдысын қалыптастыру, ойлау қабілетін дамыту.
  3. Зейінді шоғырландыру, ұқыптылық пен дәлдікке, ой қорытуға дағдыландыру.

Құрал-жабдықтар

  • Слайдтар
  • Оқулық, дәптер, қалам

Сабақтың түрі

Аралас сабақ

Әдіс-тәсілдер

Түсіндіру, оқу, терме диктанты, сергіту жаттығулары, слайдтар

Сабақтың барысы

1) Ұйымдастыру кезеңі

Сабақ басталарда сыныптың назарын жинақтап, оқу құралдарының түгелдігін тексереміз.

Мұғалімнің кіріспе өлеңі

Қара, достар, жан-жаққа,

Дайынсың ба сабаққа?

Орнында ма, қараңдар:

Кітап, дәптер, қаламдар.

Одан кейін оқушыларды психологиялық тұрғыдан дайындау үшін хормен «Әліппе» өлеңі айтылады.

2) Үй тапсырмасын тексеру

Үй тапсырмасы барлық оқушыдан сұралып, қысқаша қорытындыланады.

Сергіту сәті (слайд)

Слайдтан бұтақта тығылып отырған жануарлардың ішінен 5-еуін табу.

3) Жаңа сабақ

Бүгінгі сабақтың тақырыбы — «Қу түлкі». Алдымен оқушылардың бастапқы білімін анықтаймыз: «Түлкі туралы не білеміз?» деген сұраққа балалар өз ойларын ортаға салады.

Талқылау сұрақтары

  • Түлкі қандай аңдарды алдап жүреді?
  • Ертегілерде түлкі қандай кейіпкер ретінде кездеседі?

Түсіндіру (слайд арқылы)

Түлкі — жабайы аң. Ол өзінен кіші аң-құстармен қоректенеді. Өте қу әрі айлакер болады: жүрген ізін құйрығымен сипап, білдіртпей кетеді деген түсінік бар. Сонымен қатар түлкі — ақылды аң; кез келген қиындықтан аман-есен шығудың жолын таба алады.

Оқулықпен жұмыс

  • Мәтінді мұғалім оқып береді.
  • Мазмұнын талдап, негізгі ойды анықтайды.
  • Тізбектеп оқу ұйымдастырылады.

Дәптермен жұмыс: терме диктанты

Тапсырма: жануарлардың ішінен тек жабайы жануарларды теріп жазу.

Дұрыс отыруды еске салу

Парта саған төсек емес — жататын,

Түзу ұста, тік отыр сен партада.

Бойды түзе, көтер басты жоғары,

Сымбаттылық болсын әркез бойыңда.

Сергіту сәті

Орнымыздан тұрамыз,

Шапалақты ұрамыз.

Бір отырып, бір тұрып,

Бір тынығып аламыз.

1, 2, 3 — бойға жинап күш,

1, 2, 3 — қанат қағып ұш.

Сабақты қорытындылау

Оқушылардың түсінігін бекіту үшін сөзжұмбақ шешіледі:

  1. 1)

    Қоянмен достасқан аң.

  2. 2)

    Кірпігі болмағандықтан, көзін жұмбай ұйықтайтын аң.

  3. 3)

    Түлкінің артынан ерген аң.

  4. 4)

    Жолбарыс қай аңның алдауына түсіп қалды?

Бағалау

Оқушылардың оқу белсенділігі, мәтінді түсінуі, жазу дәлдігі және тапсырмаларды орындау сапасы бойынша бағаланады.

Үй тапсырмасы

Үйде «Қу түлкі» мәтінін оқу.