Бүгінгі сабақта көпір тапсырмасы
Сабақ туралы мәлімет
- Аймақ
- Маңғыстау облысы, Бейнеу ауданы
- Мектеп
- Үстірт орта мектебі
- Мұғалім
- Қаржаубаева Зәуреш, бастауыш сынып мұғалімі
- Сабақтың тақырыбы
- Зат есім. 13–18-жаттығулар
- Сабақтың түрі
- Аралас
- Құрылымы (кезеңдер)
-
- I кезең: 5 минут
- II кезең: 25 минут
- III кезең: 15 минут
Сабақтың мақсаты
Білімділік
Оқушылардың зат есімнің түрлерін және жасалу жолдарын өз бетімен анықтауына жағдай жасау; зат есімнің жасалуындағы ерекшеліктерді өзіндік жұмыстар арқылы меңгерту; жаттығуларды орындау барысында алған білімін өздігінен қолдана білуіне мүмкіндік беру.
Тәрбиелік
Оқушыларды дербес жұмыс істеуге, жауапкершілікті сезінуге, нәтижеге жетуге ұмтылуға баулу; шығармашылық ізденімпаздыққа, еңбекқорлыққа тәрбиелеу; жергілікті және ұлттық ерекшеліктерді, ана тілінің құндылығын ескертетін тапсырмалар арқылы күнделікті өмірде тіл мәдениетін қолдануға бағыттау.
Дамытушылық
Үш деңгейлік тапсырмаларды біртіндеп орындату арқылы әр оқушының қабілетіне сай жеке құзыреттілігін дамыту.
Сабақтың мазмұны
Сабақ мазмұны I–III кезеңдік тапсырмаларға негізделеді. Тапсырмалар оқушының жұмыс дәптерінде беріліп, мұғалімге арналған жауап кілтімен толықтырылады.
Әдіс-тәсілдер мен жұмыс формалары
Әдіс-тәсілдер
- I кезең: сұрақ-жауап.
- II кезең: оқулықпен өздігінен іздену, дискуссия, практика арқылы бекіту.
- III кезең: үш деңгейлік тапсырмаларды біртіндеп орындату арқылы бағалау.
Жұмыс формалары
- I кезең: фронтальды және жеке жұмыс.
- II кезең: топтық, фронтальды және ұжымдық жұмыс.
- III кезең: жеке жұмыс.
Көрнекіліктер
I кезең
- Жұмыс дәптері
- Тақтадағы ашық журнал
- Мұғалім мен оқушылардың жеке журналдары
II кезең
- Оқулық
- Слайдтар
- On-line тақта
- Тақта, бор
- Жұмыс дәптері
III кезең
- Жұмыс дәптері
- Тақтадағы ашық журнал
- Мұғалім мен оқушылардың жеке журналдары
Сабақтың өту барысы
I кезең (5 минут): ұйымдастыру және «көпір» тапсырмасы
Сюжеттік негіз
Бұл сабақта оқушылар Дара мен Ботимен бірге саяхатқа шығады. Саяхат басталмас бұрын «қақпадан өту» үшін үй тапсырмасы тексеріледі.
Негізгі қадамдар
- Ұйымдастыру жұмысы.
- Үй тапсырмасын тексеріп, ашық журналға белгілеу.
- «Көпір» тапсырмаларын тексеру (өткен тақырыпты жаңа тақырыппен байланыстыру).
Бағалау тәсілі
Оқушылар жұппен бірін-бірі тексереді. Дұрыс орындалса — қызыл, шала болса — жасыл сигнал таяқшасымен белгі береді. Нәтиже ашық журналға тіркеледі.
II кезең (25 минут): жаңа тақырыпты өз бетімен меңгеру
а) Өздігінен іздену
Оқушылар топпен жұмыс дәптеріндегі жетелеуші тапсырмаларға оқулықтан жауап іздейді: мәтінді оқып, зат есімдерді табады және сызбаны толтырады.
Осы сәтте мұғалім алдыңғы тақырып бойынша жиналған жалпы ұпайды ашық журналдан жеке журналына және сынып журналына баға түрінде тіркейді.
б) Дискуссия және түсіндіру
Мұғалімнің бағыттауымен зат есімнің түрлері және жасалу жолдарының ерекшеліктері бойынша талқылау жүргізіледі.
Тақтамен және оқулықпен жеке жұмыс ұйымдастырылады.
в) Практикада бекіту
Мәтінмен жұмыс
Мәтінді оқып, зат есімдерді анықтау.
Сызбамен жұмыс
Сызбаны толтыру, қорытынды жасау.
Көптік жалғауы
Бағыт сызықтары арқылы көптік жалғауларын тауып, дұрыс жалғау.
Тапсырмаларды орындаған сайын оқушыларға ынталандыру ретінде жұлдызша беріледі. Дара мен Боти «саяхатты жалғастыруға» белгі алады.
III кезең (15 минут): деңгейлік тапсырмалар және бағалау
Жұмыс тәртібі
- Оқушы орындаған деңгейлік тапсырманы мұғалім тексереді.
- Тексерілгеннен кейін оқушы ашық журналға белгі қояды.
- Жиналған ұпайлар қорытындыланып, жеке журналға тіркеледі.
- Қалған тапсырмалар үйде аяқтауға беріледі.
Қосымша мүмкіндік
Үш деңгейді толық орындаған оқушыға төртінші деңгей ретінде олимпиадалық немесе ғылыми жоба тапсырмаларынан фрагмент ұсынылады. Сонымен бірге келесі тақырыптың I кезеңіндегі «көпір» тапсырмалары да алдын ала беріледі.
Сергіту сәті және «Троль» тапсырмасы
Саяхат жолында кедергі ретінде «Троль тапсырмасы» беріледі: сөздің құрамын (түбір мен қосымша) ескере отырып, сөзге қойылатын сұрақтар мен құрылымында қандай өзгеріс болғанын өз ойымен жазу.
Оқушылар тапсырманы аяқтаған соң сигнал таяқшаларын көтереді; ашық журналға белгі қойылып, жұлдызшалар таратылады.
Шығармашылық деңгей: «Үңгір» және жол кедергілері
Үшінші кезеңде оқушылар Дара мен Ботимен саяхатты атпен жалғастырып, «үңгірден өту» үшін I деңгей тапсырмасын орындайды. Одан кейін «жолдағы ірі тастардан» өту үшін келесі тапсырмалар беріледі. Әр кезең аяқталған сайын сигнал таяқшалары арқылы белгі беріліп, жұлдызшалар үлестіріледі.
Қорытынды және бағалау
Нәтижені дәлелдеу
Сабақ қорытындысы ашық журналдағы «+ / −» белгілері арқылы көрінеді: оқушылар Дара мен Ботимен бірге жүріп, жаңа тақырыпты меңгереді.
Баға қою өлшемі
- 12 балл — «5»
- 9 балл — «4»
- «3» бағасы қарастырылмайды.
- 5 балл алған оқушылардың нәтижесі келесі сабақтағы «көпір» тапсырмасымен толықтырылады.
Үй тапсырмасы
3-деңгей тапсырмаларын орындап, келесі сабақтың I кезеңіндегі «көпір» тапсырмасы бойынша бағалануға дайындалып келу.
Қоштасу
Сабақ соңында Дара мен Боти оқушылармен қоштасады.