Қазақша рефераттар

Отан өлеңін жатқа сұрау

Сабақ тақырыбы

Ана тілі пәні. Тақырыбы: «Қазақстан — Республикам менің». Жаттығулар: 72, 73.

Сабақ түрі

Интерактивті сабақ. «Білім шыңына саяхат» форматы.

Пәнаралық байланыс

Дүниетану, музыка.

Сабақтың мақсаты

Білімділік

  • Қазақстан Республикасы туралы әңгімелеу, түсіндіру.
  • Тасымал туралы түсінік беру, білімді кеңейту.

Тәрбиелік

  • Оқушыларды отансүйгіштікке, адамгершілікке тәрбиелеу.
  • Елдің Туын, Елтаңбасын, Әнұранын қастерлеуге баулу.
  • Халық тарихын білуге қызығушылық қалыптастыру.

Дамытушылық

  • Сөздік қорды молайту.
  • Танымдық және ізденімпаздық қасиеттерді дамыту.
  • Шығармашылыққа баулу, өз ойын еркін жеткізуге дағдыландыру.

Көрнекіліктер мен әдіс-тәсілдер

Көрнекіліктер

  • Қазақстан Республикасының мемлекеттік рәміздері
  • Қазақстан картасы
  • Елтаңба бейнесі
  • Төлеген мен Мәншүк портреттері
  • Абай Құнанбаев, Сәкен Сейфуллин портреттері
  • Тапсырма парақтары

Әдіс-тәсілдер

  • Түсіндіру
  • Сұрақ-жауап
  • Шығармашылық жұмыс
  • СТО технологиясы

Сабақ барысы: «Білім шыңына саяхат»

I баспалдақ — Ұйымдастыру және үй тапсырмасын тексеру

Ұран: «Ойымызды ашайық, алға қарай басайық»

Үй тапсырмасы

  1. «Отан» өлеңін жатқа айту.
  2. Сұрақ-жауап арқылы түсінігін тексеру.

Негізгі сұрақ

Отан дегенді қалай түсінесіңдер? Отан — біздің еліміз, туып-өскен жеріміз, ата-анамыз, ауылымыз. Біздің Отанымыз — Қазақстан Республикасы.

II баспалдақ — Жаңа сабақ

Ұран: «Ой қозғайық, шаршамайық»

Кіріспе мазмұны

  • Қазақстан — тәуелсіз, көпұлтты мемлекет.
  • Елорда — Астана қаласы.
  • Мемлекеттік тіл — қазақ тілі.
  • Мемлекеттік рәміздер: Ту, Елтаңба, Әнұран.

Сұрақ-жауап

1) Қазақстан Республикасының Президенті кім? ҚР Президенті — Нұрсұлтан Әбішұлы Назарбаев.

2) Республикамыздың қандай рәміздері бар? Ту, Елтаңба, Әнұран.

3) Тудың түсі қандай? (Оқушы жауабы.)

4) Бас қала қай қала? Бас қала — Астана қаласы.

Оқулықпен жұмыс (85-бет)

  1. Өлеңді тыңдау.
  2. Өлеңді тізбектей оқу.
  3. Мазмұнын талдау.

Өлеңде аталған тұлғалар

  • Төлеген, Мәншүк — Отанды жаудан қорғаған батыр ұл мен қыз.
  • Абай Құнанбаев — ұлы ойшыл, дана тұлға.
  • Сәкен Сейфуллин — жазушы, сұлулықты жырлаған асқақ ақын.

Сергіту сәті: «Таудың тасында дем аламыз»

Тауға шықтым өрмелеп,
Шаршап талай бөгелдім.
Жан-жағыма мен кенет,
Қарап едім не көрдім?

Балалардың жауаптары: аспан, күн, тас, гүл, құз, құстың ұясы және т.б.

III баспалдақ — Дәптермен жұмыс және шығармашылық тапсырма

Ұран: «Біліммен шыңдалайық»

Тасымал ережесі

Тасымал ережесін еске түсіру, мысалдар келтіру.

72-жаттығу (үлгі)

Құ-ры-лыс-шы-лар

  1. Құ-рылысшылар
  2. Құры-лысшылар
  3. Құрылыс-шылар
  4. Құрылысшы-лар

Шығармашылық тапсырма

Керекті сөздерді пайдаланып, сөйлемдерді толықтырыңдар.

  1. Қазақстан Республикасының Туында … бейнеленген.
  2. Оның астында қалықтап ұшқан … көрінеді.
  3. Күн, шұғыла және қыран бейнесі … түсті.

IV баспалдақ — Қорытындылау

Негізгі ой: Отанға тілек — елге құрмет

Тілек айту

«Елімізге, жерімізге қандай тілек білдіресіңдер?» сұрағына оқушылардың жауаптары:

  • Елімізде тыныштық болсын!
  • Еліміз бай болсын!
  • Соғыс апаты болмасын!
  • Бейбітшілік болсын!

Бағалау

Оқушылардың жұмысына баға беру, мадақтау.

Үй тапсырмасы

  • 85-бет: өлеңді жаттау.
  • 73-жаттығу.