Қазақша рефераттар

Мәтінді бір оқушыға оқыту

Сабақ тақырыбы: «З» дыбысы мен әрпі

Сілтеме

Ш. Әуелбаев, Ә. Наурызбаева, Р. Ізғұттынова, А. Құлажанова. «Әліппе», 1-сынып оқулығы. Атамұра, 2012 жыл. Слайд материалдары, көрнекіліктер, сабақ жоспары.

Жалпы мақсаты

  • «З» дыбысы мен әрпін таныту.
  • «З» дыбысына қатысты сөздерге дыбыстық және буындық талдау жасату, оның дауыссыз дыбыс екенін меңгерту.
  • «З» әрпінің баспа және жазба түрлерін, бас және кіші әріптерін таныту.
  • Мәтінмен жұмыс жасату және оқылым дағдыларын дамыту.

Қажетті ресурстар

Слайд және көрнекі суреттер: зымыран, жұлдыз, қарбыз, зырылдауық.

Жұмыс парақтары, дәптер, тақта.

Сергіту сәтіне арналған музыка.

Сабақ барысы

1) Ұйымдастыру кезеңі

Психологиялық тренинг

Айтыңдаршы, балалар,

Болашаққа жол ашар,

Іші толған әріпке —

Білімдіге жарық не?

Топқа бөлу

«Жұлдыз», «Ай», «Күн», «Бұлт» суреттері арқылы 4 топқа бөлу.

2) Үй тапсырмасын тексеру

  • I топ

    Сөздерді оқу, буынға бөлу.

  • II топ

    Сөздерді оқу, дыбыстық талдау жасау.

  • III топ

    Мәтінді тізбектей оқыту.

  • IV топ

    Мәтін мазмұнын сұрау.

3) Қызығушылықты ояту

Жұмбақ

От шашады жалындап,

Қатты ұшқанда зымырап.

Жауабы: зымыран

Топтастыру

Төрт топ «зымыран» туралы білетіндерін жинақтап, қағазға түсіреді.

Ой қозғау

  • Қазақ ғарышкерлері кім?
  • Олар туралы не білесіңдер?
  • «Егер мен ғарышкер болсам…» — оқушылар өз ойларын айтады.

4) Топтық жұмыс

Әр топқа сурет беріледі: зымыран, жұлдыз, қарбыз, зырылдауық. Тапсырма: сөздерді буынға бөлу, дыбыстық талдау жасау.

5) Оқулықпен жұмыс

Топтарға төмендегі сөздер беріледі. Оқу, буынға бөлу және дыбыстық талдау жүргізіледі.

I топ

  • Таза
  • Тазы
  • Қозы

II топ

  • Зығыр
  • Қызыл
  • Қымыз

III топ

  • Жалбыз
  • Қарбыз
  • Жұлдыз

IV топ

  • Қобыз
  • Тоғыз
  • Сызғыш

Мәтінмен жұмыс

  • Мәтінді іштей оқыту.
  • Мәтінді бір оқушыға дауыстап оқыту.
  • Мәтін мазмұнын төрт оқушыға айтқызу.

6) Сергіту сәті

Музыка қосып, қимыл-қозғалыс арқылы қысқа би жаттығуын орындату.

7) Дәптермен жұмыс

  • Партада дұрыс отыру ережесін еске түсіру.
  • «З» әрпін тақтаға жазып көрсету.
  • Ауада жазу арқылы қол қимылын қалыптастыру.
  • Дәптерге үлгі бойынша жазу.

8) Қорытынды

«Сиқырлы таяқша» әдісі

Оқушылар таяқшаны кезекпен ұстап, ішінде «з» дыбысы бар сөздерді айтады.

Мадақтау

Топ мүшелері бір-біріне «жұлдыз», «төртбұрыш», «үшбұрыш» белгішелерін таратып, кері байланыс береді.

9) Үй тапсырмасы

  • Сөздерді және мәтінді оқып келу.
  • «З» әрпін жазып жаттығу.
  • Жалбыз туралы толық мағлұмат жинап келу.