Сендердің білімдеріңді сынамақпын
Ақтөбе қаласы • №8 орта мектеп
Убайтжанова Айсулу
«Білім жарығы — Әліппе»
Мақсаты
- Оқушылардың сабақтан тыс іс-әрекеттері арқылы икемділігі мен қабілетін танытып, шығармашылық мүмкіндіктерін ашу.
- Алған білімін көпшілік алдында көрсетуге мүмкіндік беріп, ой-өрісін, тіл байлығын, тапқырлығы мен ізгілік қасиеттерін дамыту.
- Ата-ана, Отан, ел, болашақ алдындағы борышты сезінуге, елін сүюге және қорғауға тәрбиелеу.
Көрнекілігі
Мерекелік бағдарлама оқушылардың өнерін, оқу сауатын және ұлттық құндылықтарға деген құрметін бір арнаға тоғыстырады.
Өту барысы
Төмендегі бөлімдер сценарийдің негізгі желісін сақтай отырып, мәтіндік жағынан ықшамдалып, әдеби тіл нормасына келтірілді.
Кіріспе сөз (жүргізушілер)
1-жүргізуші
Қуаныш бүгін — мереке,
Шуағын шашып тұр әлем.
Тойға келген қонақтарға
Мың сәлем!
2-жүргізуші
Бүкіл қазақ баласы дәріптеген,
Қоштасамыз сүйікті Әліппемен.
Ризамыз бәрімізді таныстырған
Сөз бен дыбыс, әр алуан әріптермен.
3-жүргізуші
Құрметті қонақтар, қымбатты ұстаздар, қадірлі ата-аналар!
Бүгінгі мерекеміз сүйікті Әліппеге арналады.
Бәрі бірге: Бүгінгі мерекемізге қош келдіңіздер!
Хор: «Әліппе»
1-шумақ
Үйретеді Әліппе қырық екі әріпке,
Ең алғашқы кітабың — Әліппені дәріпте.
Қайырмасы
А дегенім — ана, Ә дегенім — әке,
Б дегенім — бала, естіп жүрме шала.
А дегенім — ата, Ә дегенім — әже,
Б дегенім — бата, мұны есте сақташы.
2-шумақ
Әліппені алайық, парақтап біз қарайық,
Әріптерді үйреніп, әсем әнге салайық.
Сұрақ-жауап: «Балалар, біз қандаймыз?»
Мың бұралған бишіміз
Өнерге жақын, қимылы ширақ.
Бұлбұл құстай әншіміз
Әнмен көңіл көтереміз.
Ізетті, қамқор баламыз
Үлкенге құрмет, кішіге қамқор.
Көп оқимыз, терең тоқимыз
Білімге ынтамыз зор.
Рәміздерімізді құрметтейміз
Елтаңба, Ту, Әнұран — айбынымыз.
Бәрі бірге
Біз — қазақ елінің болашағымыз!
Ақындар жырлағандай, әрбір әріп — жаңа сөздің бастауы. Ендеше, әріптердің өздері не дейді? Құлақ түрейік.
Көрініс: «Әріптер таласы»
А: Алфавиттің басында А тұрады.
Б: А-дан кейін Б тұрады қасында.
Ә: Кім айтады, Ә — оның қасында! Орнымнан тұр, басынба!
Т: Сені кім «әріп» дейді? Әлібек емес — Алибек дейді. Әсия емес — Асия дейді.
Ә: Рас қой… «Әсем» емес — «Асем» дейді, «Әйгерім» емес — «Айгерім» дейді. Мені елемей жатады.
Алфавит:
Ренжіме, қарағым, аман болсын қазағым.
А-дан кейін ауыспастай қадамың.
Аты өзгерген арулар мен ауылдар
Ә дыбысын қабылдап, ажарлана түсер.
Әкесі бар, әжесі бар адамдар
«Ә» бар сөзді енді дұрыс жаза алар.
Осы сөзден кейін «Б» дыбысы да, орынға таласқандар да сабасына түседі.
«Әріптер әлеміне» саяхат
Оқушылар әр әріптен басталатын жолдарды айтып, бір ортақ ұғымға келіп түйіндейді.
Т: Тәуелсіз елде тұрағым, тәуелсіздік — жыр-әнім.
Ә: Әспеттеп салт пен әдепті, боламыз бала әдепті.
У: Уәдеге берік боламыз, досқа серік боламыз.
Е: Елім деп жар салам, еліммен мақтанам.
Л: Лайым болсын ел аман, несібесі мол заман.
С: Сенімін елдің ақтаймыз, жақсы істер жасаймыз.
І: Ізгілік нұрын шашатын — жасасын Қазақстаным!
З: Зейінге бәрін тоқимыз, сабақты «5»-ке оқимыз.
Д: Даламыздай кең пейілді, мақтан тұтам елімді.
І: Ізетті бала боламыз, үлкеннің тілін аламыз.
К: Келешекке нық басқан — біз бақытты балдырған!
Сұрақ
Қандай сөз шықты, балалар?
Жауап: Тәуелсіздік.
Сұрақ: Биыл тәуелсіздігімізге неше жыл толды?
Жауап: 24 жыл.
Хор: «Отан» және «Әліппеге алғыс»
Хор: «Отан»
Бар кітапқа бас болған Әліппе — ғылым анасы.
Әліппеден басталған — даналықтың данасы.
Өлең: «Әліппемен қоштасу»
Әліппе, сауатыңмен санамды аштың, достарыммен теңдес араластым.
Үйреніп әріптер мен әңгімені, күн сайын алға қарай қадам бастым.
Әліппе, жарты жылдай жолдас болдың, ана тілге жетелеп жалғастырдың.
Әр әріпті қостырып, сөзін құрап, хат танытып, алғаш сен көзімді аштың.
Қош бол, Әліппе, анамдайсың, «жақсы бол» деп біздерге алаңдайсың.
Орындаймыз ақылыңды: ғылымға құштарлықты арттырамыз.
Хормен
Рахмет саған, Әліппе!
Көрініс: «Шырша түбіндегі белгі»
Ортада шырша. «Қояндар! Жақын маңда түлкі жүр» деген ескерту ілінген. Шырша жанында аю отыр.
1-қоян: Міне керемет! Іздеп жүрген шыршамыз осы екен!
2-қоян: Алақай! Тауып алдық!
Аю: Көжектерім, мұнда не істеп жүрсіңдер? Жазуды көрмедіңдер ме?
1-қоян: Жоқ… Біз әлі оқи алмаймыз.
Аю: Оқи алмау ұят, балалар. Қазіргі заман — білімділердікі. Тіпті шет тілін де білу керек.
2-қоян: Иә, Қоңыр аю, біз «шет тілін» білеміз!
Аю: Қай тілді білесіңдер?
1-қоян: Иттердің тілін түсінемін: «аф-аф».
2-қоян: Мысықтардың тілін білемін: «мяу-мяу».
Аю: Жақсы. Бірақ оқып-жазуды үйрену — ең маңыздысы.
Осы кезде алыстан түлкінің дауысы естіледі
«У-у-у…»
Түлкі (келіп): Қорбаңбай, мына жазуды тағы іліп қойғансың ба? Мұнда көжектер жүр ме?
Аю: Жоқ, көрмедім.
Түлкі: Онда арт жағыңдағы шырша түбінде не жатыр? Қарашы!
Аю (айла): Меніңше, ол — ит. Ал ар жағында аңшы да келе жатқан сияқты.
Түлкі: Ит пе? Аңшы ма? Онда кеттім!
Түйін
Аю балаларға: «Егер оқи білсеңдер, ескертуді оқып, түлкінің жүргенін алдын ала білер едіңдер», — деп түсіндіреді. Қояндар оқу мен жазудың маңызын ұғып, барлық әріпті үйренуге уәде береді.
Ертегі кейіпкерімен ойын
Кейіпкер: Балалар, мені танисыңдар ма?
Балалар: Иә!
Кейіпкер: Бүгін мерекелеріңе келдім. Білімдеріңді сынап көрейін. Дайынсыңдар ма?
1-тапсырма
Орындары ауыстырылған әріптерден сөз құрастыру.
Қорытынды: Жарайсыңдар, балалар!
Ұстаз сөзі
Құрметті ата-аналар! Бүгін сіздер балаларыңыздың Әліппені аяқтап, білімнің кең жолына қадам басқанына куә болып отырсыздар.
Балалардың төрт ай ішінде қиын да жауапкершілігі мол кезеңнен өтуіне демеу болып, қолдау көрсеткендеріңіз үшін үлкен алғыс айтамын.
Сіздер де балалармен бірге оқып-жазып, түрлі тапсырмаларды орындадыңыздар. Сондықтан бұл күн — сіздер үшін де ерекше.
Ата-аналарға ойын
Ойын шарты: жұмбақтарды шешіп, әріптерден сөз құрастыру.
- 1) Темірден ТАҒА соғар.
- 2) Оқушы БАҒА алар.
- 3) Ата берер БАТА.
- 4) Нан көметін ТАБА.
Мерекелік нөмірлер және құттықтаулар
Би
«Көңілді балалар»
Ән
«Ұстазым» (Радия)
Құттықтау
Мектеп басшысы Айсұлу Берікқызы
Ән
«Мен қазақтың қызымын» (Даяна)
Ата-аналарға сөз
«Бұл мереке сенің арқаң, ата-ана: бір мен үшін керектіні табасың. “Балаң жақсы” деген сөзді естісең, күлімсіреп бір қуанып қаласың».
Қорытынды тілек
«5» болсын алар бағамыз, білімнен бақыт табамыз.
Өнер-білім көп тоқып, өсе берсін санамыз!
Хормен:
Таныстырып әріппен, тақылдатып сөйлеткен,
Рахмет саған, Әліппем!
Ән: «Ардақты ұстазым» (Ернар)