Көш бастады Нұр ағам
Кіріспе сөз
Құрметті ұстаздар мен оқушылар! Бүгін 7-сынып оқушылары арасында өткізілетін «Елін сүйген Елбасы» тақырыбындағы ақындар мүшайрасына қош келдіңіздер!
Бір апта бойы мектебімізде осы атаулы мерекеге орай түрлі іс-шаралар өтіп жатыр. Бүгін 7-сынып оқушылары да өз үлесін қосып, елге, жерге және Елбасына деген сезімдерін, ризашылық көңілдерін өлең жолдарымен жеткізеді.
Жас ақындардың талабын бағалайтын қазылар алқасы төмендегідей:
Ғ. Ниязымбетов
Оқу ісінің меңгерушісі
Б. Изтелеуова
Тіл маманы
Г. Көшербаева
Жас ақын, мұғалім
Қатысушылар
- Оралбек Ақнұр
- Шарапова Диана
- Кәдірбай Перизат
- Бұхарбай Мақпал
- Мықтыбай Бақнұр
- Зинелабдин Сымбат
- Алмат Гүлім
- Дүйсембай Айжан
- Руллон Еркінай
Қатысушы ақындарға сәттілік тілейміз!
Мүшайрадан үзінділер
Төменде оқушылардың елге, тәуелсіздікке және елдік мұратқа арналған өлең жолдарынан ықшамдалған үзінділер берілді.
«Елін сүйген Елбасы»
Астана — асқақтаған асқар қала,
Елімізді болашаққа бастар қала.
Сапалы білім берген жастар қала.
Тәуелсіздік жарығын жандандырған ғаламат,
Өзге елден қалыспай еңбектенген, тер төккен.
Көгінде желбіреп тұр көк байрағы,
Өркендеп, өсіп-өнген еліміздің — Бәйтерегі басты айғағы.
Ел болып еңсемізді түзеу еді — тәуелсіздік басты арманым,
Таймасын әрдайымда бастан бағың.
Мықтыбай Бақнұр — «Ел және Елбасы»
Жалықпайды ел басқару — салтымыз,
Ұмытпайды барша халық — антымыз.
Елін сүйген Елбасы — Нұрсұлтандай атамыз,
Үлгі тұтар Нұр ағаны бәріміз.
Аялаймын Қазақстан — елімді,
Ұмытпаймын мәңгі жасар жерімді.
Кәдірбай Перизат — «Көш бастады Нұр ағам»
Ертеңін ойлап халқының — көп тер төкті Нұр ағам,
Есілдің сыңғыр суымен жайқалған гүл боп — Астанам.
Абыройын Алаштың ол көтерді әрқашан,
Танытқан жайсаң қазақты ғажап әлемге.
Келешекке жол бастап алға қарай жетеміз,
Ерлігі биік, күші мол — Елбасына сенеміз.
Дүйсембай Айжан — «Елбасы»
Елін сүйген әрқашан — Елбасымыз,
Әрқашанда аман болсын Елбасымыз!
Тәуелсіздік бүгінде елімізде,
Толғанып жатыр далам, жеріміз де.
Теңесіп алуан жұртпен тереземіз,
Кеңейді қанат жайып керегем де.
Ер Нұрсұлтан атамыз бақытты бол —
Көк туды желбіреткен елімізде.
Қорытынды ой
Шарапова Диананың ойы бойынша, президент әрдайым елмен бірге, қамқорлығы мен ықыласы ерекше. Осындай көшбасшысы бар елдің болашағы айқын, сондықтан Елбасына кәміл сенім арту — ортақ ұстаным.
Жанжал мен дау-шары жоқ құрыш елің,
Арман мен аңсары көп дұрыс елің.
Әманда оған менің күмәнім жоқ —
Өзіңе артады ғой ұлы сенім!
Болашағымызға сеніммен қадам басайық! Өнерлі, ақын оқушыларымызға алғыс айтып, шығармашылық шабыт тілей отырып, «Елін сүйген Елбасы» тақырыбындағы мүшайрамызды аяқтаймыз.