Бас әріппен басталып жазылатын сөздер

Ақтөбе облысы,
Ақтөбе қаласы, Сымбат жеке мектебі
Курмалова Асель Агисовна
Сабақтың тақырыбы: Бас әріппен басталып жазылатын сөздер. С. Көбеев Екі соқа

Сабақтың мақсаты: Бас әріптен басталып жазылатын сөздер туралы түсінікті кеңейту. Мәтіннің негізгі идеясын ашу.
Сабақтың міндеттері:
Білімділік: Жер – су аттарының бас әріппен жазылатындығын ұғындыру, мәтінді дұрыс, түсініп оқуға үйрету.
Дамытушылық: Түрлі тапсырмаларды орындату арқылы оқушылардың іскерлік, танымдық қабілеттерін арттыру.
Тәрбиелік: Оқушыларды еңбекқорлыққа, сауаттылыққа, тазалыққа тәрбиелеу.

Әдіс-тәсілдері: Проблемалық, ішінара ізденіс, өзіндік жұмыс, салыстыру, сұрақ-жауап.
Көрнекілігі: Карта, суреттер, тор басқан және тот баспаған темірлер, сызбалар, карточкалар т. б.
Пәнаралық байланыс: Дүниетану, математика
Сабақтың барысы.
І. Ұйымдастыру кезеңі.
Құрал – жабдығын ретке келтіру, оқушылардың назарын сабаққа аудару.

ІІ. Өткен материалдарды еске түсіру.
1. Бас әріптен басталып жазылатын қандай сөздерді білесіңдер?
2. Ендеше, балалар Кісі аттарын жалғастыр ойынын ойнайық.
3. Олжас
Назерке Осы балалар қайда тұрады?
Ернар
- Қапшағай ненің аты?
- Қапшағайда қандай су қоймасы бар?
- Қапшағай су қоймасына қандай өзен құяды?
- Іле өзені қай көлге құяды?
Картадан көрсету.
Қапшағай
Іле Ненің аты? (Жер – судың аты)
Балқаш

ІІІ. Жаңа сабақ.
1. Мақсат қою
- Ендеше, балалар бүгін сабақта жер-су аттарының қалай жазылатынын білеміз.
2. 135 – жаттығу (оқыту, жаздырту, талдау, сұрақ-жауап арқылы қорыту)
- Алматы ненің аты?
- Балқаш ше?
- Медеу ненің аты?
- Жер-су аттары қандай әріппен жазылады? (Ережені шығарту оқушылардан сұрау)
3. Салыстыру. Ережені хормен оқыту.
4. 136 – жаттығу (ауызша)
5. Топпен жұмыс.
6. Ұнаған жердің, судың атын қатыстырып сөйлем құрату.

ІV. Сергіту сәті.
Қане, қанат жазайық,
Қарлығашқа ұқсайық,
Қарлығаш болып
Ұшып – қонып,
Ұшып – қонып алайық.
1. – Қарлығаш қандай құсқа жатады?
– Көктемде жүргізілетін қандай жұмыс түрлерін білеміз?
– Жерді немен жыртады?

2. Спандияр Көбеевтің Екі соқа атты шығармасын оқиық.
а) Сөздік жұмыс (соқа, тот)
ә) Мәтінді мәнерлеп оқып беру.
б) Сұрақ-жауап арқылы қорыту.
- Екі соқа қайдан істеліп шықты?
- Біреуі кімнің қолына түсті?
- Егінші соқамен не істеді?
- Ал, екінші соқа не істеді?

3. а) Еңбек туралы қандай мақал-мәтел білесіңдер?
ә) Мақалды оқыту, түсіндіру.
адамның атын шығарады
Еңбек білім береді
өнерлі етеді

4. Ойын: Кім тапқыр?
Қанат, Марат екеуі,
Қамшы өре алады
Талғат, Талап екеуі
Тамаша ән салады
Самат, Сағат екеуі
Төгілтіп күй шертеді.
Бабақ, Барақ екеуі,
Біледі көп ертегі.
Балаларды өнерлі
Есептеп көр, сен енді? ! (8)
(Балалардың атын атап бер)

V. Қорыту.
Бас әріптен басталып жазылатын қандай сөздерді білдік?
VІ. Бағалау.