Қазақша рефераттар

Халық музыкасы және опера

Сабақтың тақырыбы: Халық музыкасы және опера

Бұл сабақта қазақ халқының халық музыкасы мен опера жанрының өзара байланысы қарастырылады. Өткен тақырыптар қайталанып, жаңа білім мазмұнды түрде толықтырылады.

Сабақтың мақсаты

1) Білімділігі

  • Өткен тақырыпты қайталау арқылы оқушылардың білімін тиянақтау.
  • Евгений Брусиловскийдің шығармашылығы туралы мәлімет беру (өмірі, еңбектері, «Қыз Жібек» операсы).

2) Дамытушылығы

  • Опералық шығарманың мазмұнын эмоциялық тұрғыда сезіне білуге баулу.
  • Көркемдік талғамды қалыптастыру.
  • Музыкалық сауаттылықты дамыту.

3) Тәрбиелігі

  • Опера жанрының құндылықтарын оқушы бойына сіңіру.
  • Өнерді бағалай білуге, құрметтеуге тәрбиелеу.

4) Қажетті ресурстар

  • Баян аспабы
  • Слайд-шоу
  • Үнтаспа
  • Интерактивті тақта

Сабақтың түрі

Аралас сабақ.

Сабақтың әдістері

Сұрақ-жауап, түсіндіру, музыка тыңдау, СТО элементтері.

1) Ұйымдастыру бөлімі

Оқушылардың назарын тақтаға аударамыз. «Жеті саз» тапсырмасы арқылы өткен музыкалық ұғымдарды еске түсіреміз: жеті дыбысқа байланысты сұрақтарға жауап беріледі.

До

Оратория дегеніміз не?

Ре

С. Мұхамеджановтың ораториясын ата. Ол неше бөлімнен тұрады?

Ми

Оркестровка (аранжировка) дегеніміз не?

Фа

Күйді хорға өңдеген композиторды ата.

Соль

Симфония дегеніміз не?

Ля

Симфониялық поэма дегеніміз не?

Си

Алғаш рет симфониялық поэма жазған композиторды ата.

Дыбыс жаттығуы және үй тапсырмасы

  • Жеті дыбыс бойынша қысқа дыбыс жаттығуын орындау.
  • Үйге берілген әндерді орындау: «Отаным Қазақстан», «Қазақстан ұландары».

2) Жаңа сабақ: Халық музыкасы және опера

Қазақ халқы — ән мен жырға бай халық. Батырлар жырымен қатар, оқиғалары махаббат тақырыбына құрылған «Қыз Жібек», «Қозы Көрпеш — Баян Сұлу» сияқты лиро-эпостық жырлар кең таралған.

Бұл мұралар көптеген жазушылар мен композиторларға шабыт беріп, олардың негізінде әдеби-музыкалық шығармалар дүниеге келді.

Е. Брусиловский және «Қыз Жібек» операсы

Композитор Евгений Брусиловский «Қыз Жібек» жырының негізінде «Қыз Жібек» операсын жазды. Ал операның либреттосын көрнекті жазушы Ғабит Мүсірепов әзірлеген.