Ешкі төлі лақ

Халқымыздың төрт түлігі

Бабаларымыз төрт түлікке ерекше мән берген. Ол — әрі ас-ауқаты, әрі киімі, әрі көлігі. Қымыз — ем, ал мал — ағайын-туыспен жасайтын алыс-берістің де, тұрмыстың да тірегі болған. Сондықтан қазақ үшін төрт түлік — аса қымбат қазына.

Қазақ қай жерде кездессе де, бірін-бірі танысын не танымасын, «Мал-жан аман ба?» деп амандық-саулық сұрасқан. Бұл сөздің астарында тұрмысқа қажет байлықты ғана емес, береке мен тыныштықты да тілеген ниет жатыр.

Қазақтар малды тек пайдаланып қана қоймаған. Олар төрт түліктің бабын тауып бағып-күтудің жолын, қасиеті мен ерекшелігін жақсы біліп, тәжірибемен шыңдаған.

Төлді қалай шақырады?

Төрт түліктің төлін шақыруға арналған дәстүрлі сөздер қазақтың тұрмыс-тіршілігімен бірге қалыптасқан. Әр төлдің өзіне тән шақыруы бар.