Немере қыз

Білім беру саласы: Таным
Ұйымдастырылған оқу қызметі: Құрастыру
Тақырып: Тостаған (қиылған бөліктерден құрастыру)
Мақсаты: Балаларды қағазбен жұмыс жасауға үйрету, олардың пішінін, көлемін ажырата алуға дағдыландыру.
Сөздік жұмыс: Тостаған.
Әдіс тәсілдер: Түсіндіру, көрсету, әңгімелесу, сұрақ - жауаптар, ғажайып сәт, дидактикалық ойын, слайд.
Көрнекіліктер: Тостаған, тостағанның суреттері, қорапшалар, сынған тостаған
Билингвалды компонент: Тостаған - деревянные чаши

Балаларды ізденушілікке қызықтыру
Шаттық шеңбері
Қайырлы таң - көк аспан,
Қайырлы таң - жер ана
Қайырлы таң - достарым
Жылуыма жылу қос
Міне менің қолым бос.

Әңгімелесу:
Үлкен кіші тостағанның суретін көрсетіп түсін, пішінін, қай тостағанның үлкен, қайсысы кіші екенін сұрау.
- Балалар менің қолымдағы ыдыс қалай аталады?
- Дұрыс айтасыңдар, бұл тостаған екен. Тостағанды ағаштан ойып жасайды. Қараңдаршы, қандай әдемі!
- Тостағанның түсі қандай?
Тостаған сүт, көже құйып ішуге ыңғайлы ыдыс екен.

Венн диаграммасы:
Тостаған мен Кесе салыстыру.

Ғажайып сәт:
Тәрбиеші: Балалар бізге қонаққа атамыз бен әжеміздің немере қызы қонаққа келіпті.
Балалар немере қызбен амандасайық.
– Сәлеметсің бе немере қыз, қош келдің
Балалар немере қыздың көңіл күйі жоқ екен? Қолындағы не екен?
Немере қыз: - Сәлеметсіңдер ме балалар, менің қолымдағы тостаған, мен оны сендерге алып келе жатып, сындырып алдым. Сол себепті менің көңіл күйім жоқ.
Тәрбиеші: - Балалар біз немере қызға көмектесеміз бе?

Билингвалды компонент: тостаған - деревянные чаши
Сөздік жұмысы: тостаған, қонақ

Құрастыру: Қиылған суреттерді қалай құрастыруға болатынын көрсетеді.
2 бөлікке қиылған суреттер.

Сергіту сәті: Балалар біздер немере қызға сынған тостағанын құрастыруға көмектестік, шаршаған шығарсыңдар, ал енді біздің сүйікті мультфильміміз Айя мен Әлидің қошақаным әніне билеп сергіп алайық.

Дидактикалық ойын: Үлкен және кіші тостағандар
Балалардың алдына үлкен және кіші тостағанның суреті беріледі. Балалар үлкен тостаған бейнеленген суретті үлкен қорапқа, кішкентай тостаған бейнеленген суретті кішкентай қорапшаға салуы керек.
- Жарайсыңдар балалар, сендер өте жақсы қатыстыңдар, сендерді жұлдызша арқылы бағалағым келіп тұр.
Немере қыз: - Балалар сендерге көп рахмет. Маған сынып қалған тостағанымды құрастырып бердіңдер, сендер өте ақылды балалар екенсіңдер. Ал енді менің атам мен әжеме кететін уақытым болды, мен сендерге әжемнің беріп жіберген кәмпитін берейін, сау болыңдар.
Тәрбиеші: немере қыз саған көп - көп рахмет. Сау бол.

Тостаған. жүктеу