Бүгінгі тәуелсіздікке қалай қол жеткізгенін зерделеу
Сабақтың мақсаттары
Бұл сабақтың негізгі мақсаты — еліміздің тарихы туралы түсінік беру, Отанға деген сүйіспеншілікті тәрбиелеу және мемлекеттік рәміздерді қастерлеуге үйрету. Сонымен қатар ана тілін, әдет-ғұрпын, салт-дәстүрін сақтаудың маңызын ұғындыру, егемендіктің мәнін түсіндіру және бүгінгі тәуелсіздікке қалай қол жеткізгенімізді зерделеу.
Тәрбиелік бағыттар
- Өз Отанын сүюге және қорғауға баулу.
- Қазақстан Республикасының рәміздерін құрметтеуге тәрбиелеу.
- Ана тіліне, ұлттық мәдениетке, салт-дәстүрге адалдықты қалыптастыру.
- 1986 жылғы Желтоқсан оқиғасының тарихи мәнін түсіндіру.
- Желтоқсан құрбандарының ерлігін еске алып, тағзым ету.
Көрнекілік және мазмұн өзегі
Көрнекіліктер
Қазақстан Республикасының мемлекеттік рәміздері, Желтоқсан оқиғасының құрбандары туралы материалдар.
Негізгі ой
Тәуелсіздік — елдің тірегі. Ол күреспен, табандылықпен және құрбандықпен келген қастерлі құндылық.
Тәрбиешінің кіріспе сөзі
Құрметті ұстаздар, балалар! Бүгінгі сабағымыз дүниені дүр сілкіндірген 1986 жылғы Желтоқсан оқиғасына арналады. «Тәуелсіздік — ел тірегі» атты ашық сабағымызды бастаймыз.
Амандасу
Армысыз, қайырымды Аспан-ата!
Армысыз, мейірімді Жер-ана!
Армысыз, шұғылалы нұрлы күн!
Сәлеметсіздер ме, апайлар!
Желтоқсан оқиғасы: тарихи сабақ
Тәуелсіздік бізге оңай келген жоқ. 1986 жылы 16 желтоқсанда елімізде үлкен көтеріліс болды. Ол кезде қазақ халқының кең байтақ жеріне, тіліне, мәдениетіне қатысты әділетсіздікке қарсы жастар үн қатты. Өз тілін, өз мәдениетін дамытам деген ұмтылысқа мүмкіндік берілмей, қақтығысқа ұласты.
Ерлікпен есте қалған есімдер
Сол күндері алға шыққан жастардың қатарында Қайрат Рысқұлбеков, Ербол Спатаев, Сабира Мұхамеджанова, Ләззат Асанова болды. Олар Отан үшін, туған жер үшін, ана тіліміз үшін және болашақ үшін ерлікпен құрбан болды.
Тәуелсіздік ұғымы
Тәуелсіз мемлекет — ішкі және сыртқы мәселелерін ешкімге тәуелді болмай, өздігінен шешуге қабілетті, дербес әрі еркін ел. 1991 жылы 16 желтоқсанда Тәуелсіз Қазақстан Республикасының мемлекеттік тәуелсіздігі туралы заң қабылданып, тарихымыздағы жаңа кезең басталды.
Өлең жолдары мен үндеу
«Желтоқсан әні»
Әлі есімде ар мен намыс пәк мәңгі,
Еш аяусыз аяқасты тапталды.
Саперлердің күрегінен соққы жеп,
Қып-қызыл қан бояп жатты ақ қарды.
Халифаның сөзі
Әнұраным — жан ұраным,
Айтар әнім — сөйлер сөзім.
Туған жерім — сағынарым,
Мәңгі бақи шырқалады Республика әнұраны.
Әнұран орындалады.
Айсамалдың өлеңі
Намысымның шырағындай — Желтоқсан,
Тәуелсіздік пырағындай — Желтоқсан.
Тарихымда із қалдырып, жаңғырып,
Аңыз болдың жыр-жағындай — Желтоқсан.
Асланның түйіні
Бірлік түбі — береке,
Береке түбі — мереке.
Егеменді ел болдық,
Тәуелсіздікке енді ендік.