Ыдысты ағып тұрған кран астына емес арнайы ыдысқа жуған абзал
Судың да сұрауы бар
«Су – тіршілік көзі», «Судың да сұрауы бар» деген даналықты тура мағынасында ой елегінен өткізіп көрейік. Сусыз өмір жоқ екенін теориядан білеміз. Ал іс жүзінде сол тіршілік көзі – суға деген құрметтің бәсеңдеп бара жатқаны жасырын емес.
Нақты дерек
Әлемдегі судың тек 3%-ы ғана тұщы су
Демек, қолжетімді таза су қоры шектеулі. Әр тамшының бағасын түсіну – бүгінгі күннің талабы.
Денсаулыққа әсері
2 литр су жетіспесе, өнімділік 20%-ға төмендейді
Су азайса, ойлау қабілеті мен жұмыс істеу қарқыны бәсеңдейді. Су – күш-қуаттың да негізі.
Ағза құрамы
Ер адамның ағзасы шамамен 70% судан тұрады
Бұл көрсеткіш судың адам өміріндегі рөлін айқын көрсетеді: су – тек ресурс емес, өмірдің өзі.
Өзімізден бастайық
Күн сайын өзіміз де байқамай көп суды ысырап етеміз. Мысалы, дәрет алғанда қанша литр су кететінін есептеп көрдіңіз бе?
Күнделікті астан кейін ыдыс жуған кезде қанша су ағызатыныңызды байқап көрдіңіз бе?
Суды үнемдеу арқылы тек табиғатты ғана емес, өз қаражатыңызды да үнемдейсіз.
Пайдалы кеңестер
-
1
Кірді үнемдеп жуыңыз
Аз-аздап жуғанның орнына кірдің жиналуын күтіңіз. Сонда су да, шығын да азаяды.
-
2
Ванна орнына душ қабылдаңыз
Бұл суды үнемдеумен қатар денсаулыққа да пайдалы: қан тамырлар жүйесін нығайтып, сергітеді.
-
3
Ыдыс жууда тәсілді өзгертіңіз
Ыдысты ағып тұрған кранның астында емес, арнайы ыдысқа (легенге) су толтырып жуған дұрыс. Бұл үнемдеуді шамамен 3 есе арттырады: суға да, ыдыс жуатын құралға да қаржы үнемдейсіз, әрі экологияның ластанбауына үлес қосасыз.
-
4
Таза ауыз суды босқа төкпеңіз
Ауыз суды орнымен пайдалану ақша үнемдеуге дағдыландырады және табиғатқа құрметпен қарауға үйретеді.
Қорытынды
Суды үнемдей білейік, табиғатқа құрметпен қарайық!