Қай құстың мойыны ұзын
Ұйымдастырылған іс-әрекеттің технологиялық картасы
Білім беру салалары
- Таным
- Шығармашылық
Білім бөлімдері
- Қоршаған ортамен таныстыру
- Сурет салу
Тақырыбы
Құстар – біздің досымыз
Мақсаты
Жас бүлдіршіндердің құстар туралы білімін толықтыру: олардың немен қоректенетінін, қайда мекендейтінін түсіндіру. Табиғатты қорғауға, құстарға қамқорлық жасауға тәрбиелеу.
Сөздік жұмыс
Сабақ барысы
Ұйымдастырушы-қозғаушы кезең
Балалар шеңбер құрып тұрады. Тәрбиеші балалардың көңіл-күйін сұрап, бір-біріне қарап күлімдеуді ұсынады. Осы сәтте құстардың дауысы естіледі.
Сұрақ-жауап
- — Балалар, бұл ненің дауысы?
- — Қандай құстарды білесіңдер?
- — Құстың дене мүшелерін атаңдар.
- — Қанат не үшін керек? Адам ұша ала ма? Неге?
- — Сендер құс болғыларың келе ме?
Тәрбиеші ойын элементін енгізеді: «Мен қазір сиқыршы боламын. Сиқыр жасап, сендерді құсқа айналдырамын.»
Ұйымдастыру-ізденушілік кезең
Музыка ойнайды. Балалар тапсырмалар арқылы құстардың тіршілігі, мекені мен қорегі туралы білімін толықтырады.
Дидактикалық ойын: «Құстың мекені»
Тапсырма: Жемсалғыштың жанында әртүрлі тағамдар мен заттар жатады. Балалар құстарға жарайтын қоректі таңдап, жемсалғыштың ішіне салады.
Тәжірибе: «Құмырадағы су»
Тәрбиеші: «Су ішкілерің келе ме? Құмыраның ішінде су бар екен, ішіп көріңдер.»
Балалар құмыраның ішіне тас салса не болатынын бақылайды да, судың деңгейі өзгеретінін анықтайды.
Оқиғалы сәт: «Тордағы тотықұс»
Тәрбиеші жәшікті көрсетіп: «Қараңдар, мына жәшіктің ішінде не бар?» — деп ашады. Ішінен торда отырған тотықұс көрінеді.
Сол кезде мысық шығып: «Мяу, бұл менің құсым!» — дейді.
Тәрбиеші: «Неге тотықұсты жәшікке салып қойдың? Оның иесі іздеп жүрген шығар.»
Мысық: «Мяу, жарайды. Егер менің жұмбақтарымның шешімін тапсаңдар, тотықұсты жіберемін.»
Жұмбақтар
- Қай құстың мойыны ұзын?
- Қандай құс күндіз ұйықтап, түнде тышқан аулайды?
- «Орман дәрігері» деп қай құсты атайды?
- Қай құс бәрінен жоғары ұшады?
- Қандай құстың тұмсығы үлкен?
- Аяғы ұзын құсты атаңдар.
Мысық: «Мяу, жарайды, бәрін таптыңдар. Енді тоты сендердікі.»
Шығармашылық жұмыс: «Құстарды тірілтейік»
Тәрбиеші балалардың назарын тотықұсқа аударады: оның көңілі жоқ сияқты. Балаларға: құстың достарын жауыз сиқыршы дуалап қойғанын, ал оларды бояса — «тіріліп», әдемі құстарға айналатынын айтады.
Балалар құстардың бейнесін бояп болған соң, тәрбиеші қорытынды жасайды: «Енді олар шынайы құс болды. Біз де шынайы бала болайық.» Сосын балаларды қайтадан «сиқырлап», бала қалпына келтіреді.
Мекеме туралы мәлімет
Қостанай ауданы білім бөлімінің «Алтын бесік» балабақшасы (КМҚК)
Тәрбиеші: Кеңес Н. Қ.