Қазақша рефераттар

Қазақстанның өсімдік шаруашылығы

География • 9-сынып

Бөлім тақырыптары

  • АӨК құрамы және маңызы. Кластерлер.
  • Қазақстанның өсімдік шаруашылығы.
  • Қазақстанның мал шаруашылығы.
  • Тамақ өнеркәсібі.

Тақырып: Қазақстанның өсімдік шаруашылығы

Бұл сабақта оқушылар Қазақстандағы өсімдік шаруашылығының даму деңгейін, дәнді дақылдардың шаруашылықтағы орнын және олардың таралу аймақтарын қарастырады. Бидай алқаптары, жүгері, күріш және басқа да дәнді дақылдардың егіс айналымы, сондай-ақ сергітпе, крахмалды дақылдар, дәмдеуіштер мен дәрумен өнімдері бағытындағы өндіріс туралы түсініктері кеңейтіледі.

Негізгі екпін

  • Өндіріс көлемі және экспорт–импорт арақатынасы арқылы саланың экономикалық маңызын түсіну.
  • Сандық деректер мен тақырыптық карталарды талдау дағдысын дамыту.

Күтілетін нәтиже

  • Өсімдік шаруашылығы ауыл шаруашылығының өзегі екенін дәлелдермен сипаттай алады.
  • Елдің табиғи-экономикалық ерекшеліктерімен байланыстырып қорытынды жасайды.

Мақсаты

Оқушылардың Қазақстандағы өсімдік шаруашылығы туралы білімін тереңдету: дәнді дақылдардың (бидай, жүгері, күріш және т.б.) маңызы мен таралуын, егіс айналымын, сондай-ақ өндіріс көлемі мен сыртқы сауда көрсеткіштері (экспорт–импорт) арқылы саланың экономикалық салмағын түсіндіру. Алған білімдері негізінде сандық мәліметтер мен тақырыптық карталарды талдай білуге бейімдеу және өмірдегі практикалық маңызын ұғындыру.

Білімдік бағыт

  • Өсімдік шаруашылығының бағыттарын және дақыл топтарын жүйелеу.
  • Негізгі дақылдардың таралу аймақтарын карта арқылы талдау.
  • Өндіріс пен сауда көрсеткіштерін салыстырып, қорытынды жасау.

Тәрбиелік бағыт

  • Ел экономикасындағы ауыл шаруашылығының рөлін бағалай білу.
  • Дерекпен жұмыс істеп, сыни тұрғыдан ойлау дағдысын дамыту.
  • Жауапкершілік пен азаматтық ұстанымды қалыптастыру.

Міндеттері

Түсіну және жүйелеу

  • 01 «Өсімдік шаруашылығы туралы не білеміз?» тақырыбында топтама жасап, қызығушылықты ояту.
  • 02 Өсімдік шаруашылығының мәдени түрлерге бөлінуін тірек-сызба ретінде дәптерге түсіру.
  • 03 Семантикалық картаны толтыру арқылы негізгі дақылдардың таралу аймағы мен өсіру жағдайын түсіну.

Талдау және қолдану

  • 04 Ауыл шаруашылығы өнімдерін диаграмма арқылы пайызбен көрсетіп, арақатынасын анықтау.
  • 05 Ауыл шаруашылығына жарамды жердің жалпы көлемін есептеу арқылы ойлау қабілетін дамыту.
  • 06 Ауыл шаруашылығы дақылдарын диаграммаға түсіріп, салыстырмалы талдау жасау.
  • 07 РАФТ әдісі арқылы қорытындылап, білімді бекіту.

Сабақтың барысы

I. Ұйымдастыру кезеңі

  1. Амандасу.
  2. Сынып журналымен жұмыс.
  3. Оқушылардың назарын сабаққа аудару.

II. Үй тапсырмасын тексеру

Лездемелік сұрақтар арқылы

  1. АӨК дегеніміз не?
  2. Қазақстан Республикасының жалпы жер қоры қанша?
  3. Жайылым және егістік жер дегеніміз не?
  4. Жер реформасы бойынша ауыл шаруашылығы қанша санатқа бөлінеді?
  5. Кластер дегеніміз не?
  6. Кластердің кезеңдерін ата.
  7. АӨК-тің құрамы қандай?
  8. АӨК-тің негізгі құрамдары қандай?
  9. Қазақстанда АӨК-ті дамыту жолдары қандай?
  10. АӨК-тің негізгі мақсаты қандай?

III. Жаңа сабақ

1) Қызығушылықты ояту

«Өсімдік шаруашылығы туралы не білеміз?» сұрағы бойынша оқушылар білетін ақпараттарын топтама арқылы ортаға салады.

2) Мағынаны тану (мәтінмен жұмыс)

Ауыл шаруашылығы өндірісінің құрылымын анықтау және үлестерін салыстыру.

Өсімдік шаруашылығы

50,7%

Өндіріс құрылымындағы үлесі.

Мал шаруашылығы

49,3%

Өндіріс құрылымындағы үлесі.