Қазақша рефераттар

Оқушыларға компьютерлік графика негізі ұғымдары қабаттармен жұмыс жасауды үйрету

Сабақ туралы мәлімет

Ақтөбе облысы, Алға қаласы, Алға ауданы, №3 Алға қазақ орта мектебі. Информатика пәні мұғалімі: Қаржауова Оразгүл Джумабаевна.

Пән: Информатика
Сынып: 7
Тақырып: Қабаттар, мәтінмен жұмыс

Білімділік

Оқушыларға компьютерлік графиканың негізгі ұғымдарын түсіндіру және қабаттармен жұмыс істеуді үйрету.

Дамытушылық

Ақпараттық қоғамда қолданылатын заманауи графикалық бағдарламаларды тиімді пайдалануға дағдыландыру.

Тәрбиелік

Әдептілікке, мақсатшылдыққа, эстетикалық талғамға тәрбиелеу; мұқияттылық пен өз-өзіне сенімділікті қалыптастыру.

Сабақтың форматы

Сабақтың түрі

Теориялық элементтері бар практикалық сабақ

Сабақтың типі

Жаңа сабақ

Технологиялар мен әдіс-тәсілдер

Проблемалық оқыту, жоба жасау әдісі

Көрнекілік

Бейнесабақ, презентация

Құрал-жабдықтар

Компьютер, Paint.NET графикалық редакторы

Пәнаралық байланыс

Бейнелеу өнері, геометрия, шетел тілі

Негізгі ұғым: «Қабат»

Қабат — кескіннің әртүрлі бөліктері орналасатын мөлдір парақ тәрізді компьютерлік метафора. Бір қабатқа бірнеше объектіні орналастыруға болады.

Талқылауға арналған сұрақтар

  • Қабат дегеніміз не?
  • Сурет жасауда қандай қабаттар кездеседі? (мысалы, фон және негізгі объект)

Қабатпен не істеуге болады?

  • Редакциялау, мөлдірлігін өзгерту
  • Жою, көшіру, өшіру
  • Қатарын реттеу (алдыңғы/артқы жоспарға жылжыту)
  • Атын беру және орын ауыстыру

Қайда қолданылады?

  • Photoshop-та: Layer мәзірі және Layer палитрасы
  • Paint.NET-та: қабаттармен және мәтінмен жұмыс құралдары

Еске түсіру: компьютерлік графика бойынша тірек ұғымдар

Файл форматтары

PSD, PDD, GIF, JPG

Кескін өлшемдері

Сурет өлшемі, кенеп өлшемі, кенепті бұру

Түстер режимі

Grayscale, RGB, CMYK

Құралдар мен әрекеттер

Ерекшелеу, өшіру, «кері қадам», тарих палитрасы

Маска режимдері

Жылдам және қалыпты режим

Өрнектеу

Кескінді түрлендіру және безендіру

Ескерту: қабаттары бар жоба файлдары көбіне PSD форматында сақталады.

Сабақ барысы

I. Ұйымдастыру

  • Амандасу, сыныпты сабаққа ұйымдастыру.
  • Оқушыларды педагогикалық-психологиялық тұрғыдан сабаққа дайындау.
  • Өзге ұлт өкілдерімен жұмыс элементтері (ЖЕСО модулі).

II. Үй тапсырмасын тексеру

Оқушылар «Растрлық графика» тақырыбы бойынша жасаған ребус немесе сөзжұмбақ жұмыстарын ортаға шығып қорғайды (ТжДБО модулі).

III. Жаңа сабаққа кіріспе (Білу кезеңі)

Тақырыпты анықтау: сөздердің алғашқы әріптері арқылы сабақтың тақырыбын табу.

Жауабы: «ҚАБАТ».

IV. Ақпаратпен жұмыс (Түсіну кезеңі)

Қабаттардың мәні, олардың реті, мөлдірлік, объектілерді бөлек басқару және өңдеу мүмкіндіктері түсіндіріледі (ОЖТ модулі).

V. Практикалық жұмыс (Қолдану кезеңі)

№1 тапсырма — Paint.NET

  • 1-жұп: «Бетті әрлеу (макияж)» практикалық жұмысы.
  • 2-жұп: Коллаж жасау практикалық жұмысы.

№2 тапсырма — Мәтінмен жұмыс

Paint.NET бағдарламасында «7-сынып» мәтініне әртүрлі эффектілер қолдану: Effects → For Photo → Distort (искажение).

VI. Қорытынды талдау

Диалогтық жұмыс: бірінші жұп екінші жұпқа сұрақ қояды, орындалған жұмыстар бойынша пікір алмасады.

VII. Үй тапсырмасы

  • «Қабаттар, мәтінмен жұмыс» тақырыбын оқу.
  • Практикалық жұмысты аяқтау және нәтижесін дайындау.

VIII. Бағалау

Оқушылардың теорияны түсінуі, практикалық тапсырмаларды орындауы, жұмыс сапасы және топтық/жұптық әрекеттегі белсенділігі бойынша бағаланады.