Сөмкені жинап үйрен
Сабақтың тақырыбы: «Сөмкені жинап үйрен». Бұл жоспар оқушылардың оқу-құралдарын дұрыс атап, күнделікті өмірде сөмкені ретімен жинауды ауызекі тілде практика арқылы меңгеруіне бағытталған.
Сабақтың мақсаты
- Білімділік: алған білімді қолдана отырып, оқу-құралдарын атау және сөмкені ауызекі тілде, практика жүзінде жинауды үйрету.
- Дамытушылық: есте сақтау қабілетін арттыру, ауызекі сөйлеу дағдысын, ойлау қабілетін, жылдамдық пен сөздік қорды дұрыс қолдануды дамыту.
- Тәрбиелік: жинақылыққа, ұқыптылық пен тазалыққа, өзара сыйластыққа тәрбиелеу.
Әдіс-тәсілдер
Теориялық
Түсіндіру, әңгімелесу.
Теория-практикалық
Сұрақ-жауап, көрнекілік әдісі.
Практикалық
Ойын әдісі, жаттығумен жұмыс.
Ресурстар мен байланыс
Көрнекіліктер
- Интерактивті тақта
- Суреттер, слайдтар
- Оқу-құралдары
Сабақ формасы
Білімді пысықтап қолдану.
Пәнаралық байланыс
Тіл дамыту, математика, орыс тілі, дене шынықтыру.
1) Ұйымдастыру кезеңі
Амандасу, оқушыларды белгілеу, тілдік орта қалыптастыру.
Тілдік орта
Мұғалім: Сәлеметсіңдер ме, балалар?
Оқушылар: Сәлеметсіз бе!
Күнге қараймыз, Айға қараймыз,
Саған қараймыз, Маған қараймыз.
Сәлем, сәлем, сәлем!
Жедел сұрақтар
- Қазір қай жыл мезгілі?
- Көктем айларын атайық.
- Бүгін қай күн? Аптаның қай күні?
- Кім кезекші?
- Сынып қандай? Сыныпта не бар?
- Қазақ тілі сабағына не керек?
Фонетикалық жаттығу
Кітап жатыр сөмкеде,
Қалам жатыр үстелде,
Дәптер жатыр партада —
Бәрі-бәрі орнында.
- Сурет орнына сөздерді қойып оқу.
- Қазақ тіліне тән дыбыстары бар сөздердің астын сызу.
- Қазақ әріптеріне сипаттама беру.
Лексикалық жаттығу
Не білеміз?
Не үйренеміз?
Бүгінгі мақсат: сөмкені дұрыс жинап үйрену.
«Дымбілместің» аудио-тыңдалымы тыңдалады және тапсырмалардың реті таныстырылады.
2) Үй тапсырмасын тексеру
1-тапсырма. Жұптық жұмыс арқылы ауызекі сөйлеуді белсендіру.
- 1-жұп: Қаламсауытта не бар?
- 2-жұп: Сөмкеңде не бар?
- 3-жұп: Неше сызғыш бар?
- 4-жұп: Неше қалам бар?
- 5-жұп: Қаламсауытқа нені салмаймыз?
3) Өткен сабақты пысықтау
2-тапсырма. Дәптермен жұмыс және деңгейлік тапсырмалар.
1-деңгей
- … зын сыз… ыш
- Әдем… с… мке
2-деңгей
- Қызыл… рындаш
- К… шкентай өшірг… ш
3-деңгей
- … аламсауыт
- Д… птер
Қосымша: «Ойындар әлемі»
3-тапсырма. «Кім жылдам?» ойыны.
Үш топтан шыққан оқушылар оқу-құралдарын дұрыс ретпен сөмкеге салуы керек.
4) Бекіту кезеңі
4-тапсырма. Оқулықпен жұмыс және мәнерлеп оқу.
Ораторлық қабілетті тексеру
- 1-топ: қуанышпен оқу
- 2-топ: ренішпен оқу
- 3-топ: күліп оқу
Мәтін (48-бет)
Ақмарал мектепке бар.
Оқу-құралдарын ал:
Кітап, қалам, өшіргіш,
Қарындаш, дәптер, сызғыш.
Сергіту сәті
Қолым менің қалам боп жазу жаза алады.
Көзім менің сызғыш боп, түзу сыза алады.
Басым менің өшіргіш — кәне бәрін өшірейік.
Аяқ-қолым қайшы боп, қағаздарды қияды.
5) Қорытындылау
5-тапсырма. Топпен жұмыс: өз газеттерін қорғау.
1-топ
«Оқу-құралдары»
2-топ
«Сөмке»
3-топ
«Қаламсауыт»
6) Үй тапсырмасы
- Нәтиже сабаққа дайындалу.
- Сөмкенің суретін салу.
7) Бағалау
Бағалау тәсілдері
- Бағалау парағы арқылы смайлик жинап, топпен бағалау.
- Өзіндік бағалау.
Сабақ аяқталды. Сау болыңдар!