Қазақша рефераттар

Жазба жұмысының мәтінімен таныстыру

Сабақ туралы мәлімет

Қарағанды облысы, Қарағанды қаласы, Октябрь ауданы, №74 ЖББОМ орыс сыныптарындағы қазақ тілі мен әдебиеті пәндерінің мұғалімі Зарубаева Лилия Елеуханқызы (6-сынып).

Сабақтың тақырыбы

Диктант: «Жыл мезгілдері»

Сабақтың түрі

Білімді тексеру сабағы (жазба жұмысы).

Әдіс-тәсілдер

  • Сұрақ-жауап
  • Мәтінмен жұмыс
  • Грамматикалық тапсырма

Көрнекілік және пәнаралық байланыс

Көрнекілік: мәтін, тақта.

Пәнаралық байланыс: табиғаттану, орыс тілі.

Сабақтың мақсаты

Білімділік

  • Модуль бойынша өткен лексикалық және грамматикалық тақырыптардан білім деңгейін тексеру.
  • Оқушылардың тілдесім әрекеттерін арттыру.
  • Емле және тыныс белгілері ережелерін сақтап, сауатты жазу дағдысын жетілдіру.

Дамытушылық

Көру және есте сақтау қабілетін дамыту арқылы қазақ сөздерін дұрыс жазуға үйрету.

Тәрбиелік

  • Жазба жұмысы кезінде тәртіпті қатаң сақтауға баулу.
  • Бір-біріне кедергі жасамай, жауапкершілікпен жұмыс істеуге тәрбиелеу.
  • Табиғатты сүюге және қорғауға үйрету.

Сабақтың барысы

1) Ұйымдастыру кезеңі

  • Оқушылармен амандасу, оқу құралдарын тексеру.
  • Жазба жұмысқа психологиялық дайындық қалыптастыру.

2) Жаңа сабаққа кіріспе

Сабақтың тақырыбы, мақсаты және жұмыс кезеңдері түсіндіріледі.

Тақырыпты ребус арқылы анықтау

Ж — жылан

Ы — ыдыс

Л — лақ

М — мысық

Е — есік

З — зәкір

Г — гүл

І — із

Л — лилия гүлі

Д — доп

Е — ет

Р — радио

І — ілгіш

Алдын ала білімді тексеру (сұрақ-жауап)

  1. Бір жылда неше жыл мезгілі бар?
  2. Бір мезгілде неше ай бар?
  3. Қыс айларын атаңдар.
  4. Көктем айларын атаңдар.
  5. Жаз айларын атаңдар.
  6. Күз айларын атаңдар.

3) Диктант мәтіні

Жыл мезгілдері

Бір жылда төрт мезгіл — көктем, жаз, күз және қыс бар.

Көктем айлары — наурыз, сәуір, маусым. Қар наурыз айында ери бастайды. Сәуір айында барлығы көктей бастайды.

Жаз айлары — маусым, шілде, тамыз. Жаз маусымнан басталып, қыркүйекке дейін созылады. Шілде — ең ыстық ай. Тамызда кейде жаңбыр жауады.

Күз айлары — қыркүйек, қазан, қараша. Қазан мен қараша айлары жауынды және салқын болады.

Қыс айлары — желтоқсан, қаңтар, ақпан. Қыстың ең суық айы — қаңтар. Желтоқсанда күн қысқарып, түн ұзарады.

Мазмұнын түсінуді тексеру сұрақтары

  1. Жыл мезгілдерін атаңдар.
  2. Қай айда қар ери бастайды?
  3. Қай айда барлығы көктей бастайды?
  4. Жаз қай айдан қай айға дейін созылады?
  5. Қазан мен қараша айларында ауа райы қандай болады?
  6. Қыстың ең суық айы қайсы?

4) Жазба жұмысындағы талаптар

  • Мұғалімнің диктантқа байланысты берген тапсырмаларын мұқият орындау.
  • Сабақ барысында зейін қойып тыңдап, асықпай, қатесіз жазуға тырысу.
  • Түсінбей қалған тұсты жанындағы оқушыдан сұрамай, басқаларға кедергі келтірмеу; қажет болса мұғалімнен сұрау.
  • Таза әрі ұқыпты жазуды ұмытпау.

5) Тілдік дайындық

  • Қазақ тілінің төл дыбыстарының емлесі.
  • Тәуелдік және септік жалғаулары.

6) Жаңа сөздермен жұмыс

ери қысқарады ұзарады

7) Грамматикалық тапсырма

Мәтіннен тәуелдіктің III жағында тұрған сөзді тауып, оны септеңдер.

8) Үй тапсырмасы

Өтілген ережелерді қайталау.