Дәулеткерейдің күй Қос алқа орындайтындар
Өткеннің қазынасы – болашаққа
Бұл кештің мақсаты – өсіп келе жатқан жас ұрпақты ата-бабаларымыз қалдырған мәдени қазына мен рухани байлық үлгілеріне қанықтыра отырып, жеке адамның да, тұтас қоғамның да рухани жетілуіне ықпал ету.
Кеш бағдарламасынан
- «Шашу» биі
- «Өзбек биі» (салтанат бишілер тобы)
- Күйлер: Дәулеткерей – «Қос алқа», халық күйі – «Тепең көк»
- Әндер: «Атамекен толғау», «Алатау», «Әлия–Мәншүк», «Қаһарман», «Балдәурен», «Егеменді Қазақстан»
Жүргізуші сөзі
Құрметті музей қызметкерлері, мектеп мұрағатшылары, оқушылар, ұстаздар мен қонақтар! Көктемнің шуақты күндерінде атап өтілетін 18 мамыр – Халықаралық музей күніне арналған «Өткеннің қазынасы – болашаққа» атты кешке қош келдіңіздер!
Жасында да кейде біреу сұрамай ма,
Жиырма бес жыл біздің мынау мұражайға.
Көненің көзіне ыстық ордасы осы,
Кісіні жетелейтін кілең ойға.
Бұл үйге өзгеше бір өрісі кең,
Кіруге именесің кебісіңмен.
Төрдегі бар бұйымы – тәбәріктей,
Баяғы бабалардың тері сіңген.
Бұйым көп мұнда маған сыр ұқтырған,
Жандаймын жеті атасын жолықтырған.
Осында келген сайын, көрген сайын,
Тарихқа бойлай берем тұнып тұрған.
Музей ұғымы және мәні
Музей (грек. mouseion) – «музаға арналған орын», «муза ғибадатханасы» деген мағынаны білдіреді. Ежелгі гректерде музалар өнер мен шабытты айшықтайтын ұғым ретінде қабылданған.
Музей – тарихи-ғылыми деректерді, көне ескерткіштерді, олардың үлгі-нұсқаларын, өнер туындыларын және мәдени құндылықтарды жинақтайтын, зерттейтін, сақтайтын әрі оларды ұрпақтан ұрпаққа жеткізу арқылы қоғамға тәлім-тәрбие беретін ғылыми, мәдени және рухани мекеме.
Жинақтау
Тарихи және мәдени мұраларды жүйелі түрде іріктеп, қор қалыптастыру.
Сақтау
Экспонаттарды қорғау, құжаттау, қалпына келтіру мәдениетін орнықтыру.
Түсіндіру
Экспозиция, көрме, дәріс арқылы мағынаны ашып, ұрпақ санасына жеткізу.
Тәуелсіздік және мәдени мұраға жаңаша көзқарас
Тәуелсіздікпен бірге тарихқа, тарихи-мәдени мұраға деген көзқарас жаңарды. Ғылым, білім, ақпарат салаларының бағыт-бағдары да ұлттық құндылықтарды қайта жаңғыртуға, орталық саясат кезеңінде жоғалтқан мұраларды қалпына келтіруге және ұлттық мәдени үстемдікті нығайтуға бет бұрды.
Осы үдерісте музей қызметкерлерінің көтерер жүгі ерекше: олар өткеннің дәлелі мен бүгіннің сұранысын тоғыстырып, мәдени мұраны қоғам игілігіне айналдырады.
Мектеп музейі: тәрбие мен танымның тірегі
Музей – жас ұрпаққа тәлім-тәрбие беретін ғылыми-мәдени және рухани мекеме. Сондықтан тәуелсіз еліміздің болашағы болған жастардың ұлттық сана-сезімін қалыптастыруда және оларды отаншылдық рухта тәрбиелеуде ғылыми негізде жүйеленген мектеп музейлерінің атқаратын қызметі зор.
Музей жұмысының өзегі – тарих арқылы тарихи-мәдени ескерткіштерді, маңызды оқиғаларды насихаттау. Сол арқылы жас ұрпақтың рухани, адамгершілік және патриоттық болмысын шыңдау.
Негізгі бағыттар
- Экспозиция және көрме
- Көрнекі баяндау, тақырыптық желіні құрастыру, аудиториямен диалог.
- Қор (фонд) жұмысы
- Қабылдау, тіркеу, сақтау тәртібі, ғылыми сипаттама.
- Мәдени-ағарту
- Экскурсия, дәріс, кездесулер арқылы білім мен құндылық тарату.
Музей – өткен мен болашақты жалғаған түйін
Музейлер мәдениеттің ерекше өрісін қалыптастырады: мұнда рухани құндылықтарды құрудың негізі ретінде адам іс-әрекетінің заттық нәтижелері мен табиғат нысандары қызмет етеді. Тарихқа қызығушылық артқан сайын музейлердің қоғам алдындағы міндеті де ұлғаяды.
Жас ұрпақ дүние сырын ашуға ұмтылып, бүгінгі күннің көкейтесті сұрақтарына жауап іздейді, қоғам заңдылықтарын түсінгісі келеді. Осы таным кеңістігінде музей өткен мен болашақты жалғастырушы түйінге айналады. Өйткені әрбір экспонат – ата-бабалар жүріп өткен жолдың айғағы, тарихтың нақты дерегі. Сондықтан музейге тарихи куәгер ретінде қараған жөн.
Бүгінде әлемде музейі жоқ елді кездестіру қиын. Бұл – адамзаттың ортақ жадына деген құрметтің белгісі.
Қазақстан музейлері: жаңару мен талап күшеюі
Қазақстандағы музейлердің қызметі тәуелсіздікпен бірге елеулі өзгеріске ұшырады. Музей – арнайы жабдықталған, қоғамдық маңызы бар құндылықтарды сақтап, ұрпақтан ұрпаққа жеткізетін, әлеуметтік ақпарат құжаттарын жинайтын, эстетикалық мәні жоғары мекеме. Сондықтан оларға қойылатын талап та күшейді.
Музей ісінің негізгі арқауы – экспозиция, көрме, қор жұмысы және мәдени-білім беру қызметі. Осы бағыттардың әрқайсысы бірін-бірі толықтырып, мұраның өміршеңдігін қамтамасыз етеді.
Із қалсын деп ілкіден,
Іздестірген болар да.
Бізге мирас күлкімен,
Алдымда тұр ақ орда.
Темір түгіл інжуді
Тұтыныпты бабамыз.
Жұқанасын мың жылғы
Музейден тек табамыз.
Алдағы мақсат: әлемдік тәжірибе және ұлттық мұрат
Музейдің бүгінгі жетістіктерін нарық заңдылықтарына бейімделген даму кезеңдерінің бірі деп бағалауға болады. Алға қойылған мақсат – халықаралық музей ісімен терең танысып, ұлттық мұраттарымыз бен мүдделерімізге үйлесетін озық үлгілерді өмірге енгізу; XXI ғасыр талабына сай музейлер қатарына қосылып, өлке тарихының алтын қазынасын келесі мыңжылдықтарға жеткізу.
Бұл жолдағы қызмет – еліміздің биік руханиятын, озық мәдениетін әлемге танытудың сенімді көпірі.
Өлке-тану музейі – өлі, тірі замандар.
Өлке-тану музейі – өлі, тірі адамдар.