Бүгінгі сайысымыз аяқталды, Сөз кезегі қазылар алқасында
«Жүзден жүйрік, мыңнан тұлпар» — оқушылардың білімін, тапқырлығын және шапшаң ойлауын шыңдауға арналған танымдық сайыс. Шара барысында әртүрлі дидактикалық және логикалық тапсырмалар арқылы оқушылардың зейіні мен ойлау үдерістері дамытылып, шығармашылық қабілеті қолдауға алынады.
Мақсаты
- Оқушылардың қызығушылығын арттыру, ойлау қабілетін дамыту; алған білімдерін тереңдету, кеңейту және дағдыларын жетілдіру.
- Дидактикалық, логикалық ойындар арқылы ақыл-ой белсенділігін тәрбиелеу.
- Зейінді, ойлауды және зерде үдерістерін дамыту; қиялын ұштап, қабілеттерін шыңдау; шығармашылықты қолдау.
Кіріспе әңгіме
Мұғалім оқушыларға бүгінгі шараның «Жүзден жүйрік, мыңнан тұлпар» деп аталатынын айтып, осы тіркес қандай адамға қатысты қолданылатынын сұрайды. Оқушылардың жауаптары тыңдалып, бұл ұғымның адамның алғырлығы, білімділігі, біліктілігі, тапқырлығы, таланты және еңбекқорлығы сияқты қасиеттерімен байланысты екені түсіндіріледі.
Сайысқа жігер берер шумақ
Қазылар орнықтырар әділдікті, Кімдердің жауаптары кәміл шықты. Білім мен тапқырлықтың жарысында, Жеңіске жетер дейміз нағыз мықты.
Сайыс басталар алдында әділ бағалау үшін қазылар алқасы таныстырылады. Қатысушыларға тапсырмаларға шапшаң әрі дұрыс жауап беру, мұқият болу және тәртіп сақтау талаптары ескертіледі.
Қазылар алқасы
- Бердалина Н. Н. 2-сынып мұғалімі
- Бақытжанова Л. Е. Орыс тілі пәнінің мұғалімі
- Улыкпанова А. З. Оқу ісінің меңгерушісі
Сайыс кезеңдерінің жоспары
- 1-кезең: Жедел жауап
- 2-кезең: Төртінші артық
- 3-кезең: Көңілді санау (кесте бойынша 700-ден 940-қа дейін)
- 4-кезең: Есіңе сақта, ретімен жаз
- 5-кезең: «Өлең — сөздің патшасы, сөз сарасы»
- 6-кезең: Телефон
- 7-кезең: Шапшаң есепте
Негізгі бөлім
Ал, қанеки, келіңдер, Біріңе-бірің еріңдер. Біліміңді тексеріп, Ойынға қатысып көріңдер.
Қатысушыларға сәттілік тілейміз!
1-кезең: Жедел жауап
Жылдамдық, тапқырлық және жалпы білім тексеріледі.
- 1. Мектептегі бір сабақ неше минутқа созылады?
- 2. Шарты мен сұрағы бар шағын мәтін қалай аталады? (есеп)
- 3. Жаңбыр жауып тұрған кезде қарға қандай ағашта отырады? (су ағашта)
- 4. Елімізде қандай айтулы оқиға болып жатыр?
- 5. Ауаның қозғалысы қалай аталады? (жел)
- 6. Биыл тәуелсіздікке неше жыл толды?
- 7. Қазақтың бас ақыны кім?
- 8. Қазақтың бейнелеу өнерінің негізін салған кім?
- 9. Бір өрмекшінің 8 аяғы бар. 5 өрмекшінің неше аяғы бар? (40)
- 10. Қалталы жануарды ата.
- 11. Қазір қай ғасыр? (ХХІ)
- 12. Демалыс аптаның қай күндері болады?
- 13. Алғаш ғарышқа ұшқан қазақ кім?
2-кезең: Төртінші артық
Топтастыру және салыстыру дағдысы бағаланады.
- 1) Сағат, минут, бейсенбі, жыл
- 2) Қашаубаев, Қастеев, Құрманғазы, Қалдаяқов
- 3) Аққу, тауық, үйрек, қаз
- 4) Қар, жаңбыр, найзағай, бұршақ
- 5) Зат есім, сан есім, баяндауыш, етістік
- 6) Шаршы, шеңбер, қосынды, үшбұрыш
- 7) Жер, Ай, Күн, жұлдыз
- 8) Емен, қайың, шырша, терек
- 9) Дүйсенбі, сәрсенбі, қаңтар, жұма
- 10) Килограмм, сантиметр, грамм, тонна
3-кезең: Көңілді санау
Кесте бойынша 700-ден 940-қа дейін санау тапсырмалары.
Сандар қатары
4-кезең: Есіңе сақта, ретімен жаз
Сөздерді мұқият тыңдап, есте сақтап, берілген санаттар бойынша ретімен жазыңдар.
Оқылатын сөздер
Есік, терек, тон, шаңсорғыш, сызғыш, банан, шымшық, Марс, Семей, қызғалдақ, тұман, кірпі.
Реттеу тәртібі
- 1) Киім
- 2) Аң
- 3) Үй бөлігі
- 4) Гүл
- 5) Планета
- 6) Тұрмыстық техника
- 7) Құс
- 8) Оқу құралы
- 9) Қала
- 10) Жеміс
- 11) Табиғи құбылыс
- 12) Ағаш
Қонақтарды сергіту
Шарада (жұмбақ-тапсырмалар).
5-кезең: «Өлең — сөздің патшасы, сөз сарасы»
Мәнерлеп оқу сайысы.
Сайыскерлер өлең оқиды. Бұл кезеңде тіл тазалығы, мәнерлеп оқу шеберлігі және дауыс ырғағы бағаланады.
6-кезең: Телефон
Ауызша есептеуге арналған қысқа тізбек тапсырмалар.
- 4 + 3 − 2 × 3 − 5 × 3
- 6 + 20 − 4
- 7 × 9 + 100
- 6 + 2 − 4 × 5 − 10 × 4
- 5 + 40
- 8 × 4 + 200
- 7 + 3 − 2 × 4 − 30 × 10
- 4 + 30
- 7 × 9 + 300
- 5 + 4 − 6 × 4 − 10 × 8
- 4 + 50
- 9 × 7 + 400
7-кезең: Шапшаң есепте
Жылдам әрі дәл есептеу тапсырмалары.
- 8 × 4 − 30
- 8 : 4 × 9
- (140 − 40) × 3
- 5 × (17 + 13)
- (15 + 25) : 3
- 16 : 4 × 6
- 8 × (40 + 30)
- (13 + 47) × 2
- 36 : 4 × 3
- (28 + 17) : 9
- 8 × (432 − 430)
- 542 : 542 + 99
Қорытынды бөлім
Нәтиже шығару және марапаттау.
Білімнің мініп алып тұлпарына, Қиналмай шықты білім шыңдарына. Бүгінгі сайысымыз аяқталды, Сөз кезегі қазылар алқасында.
Сайысты қорытындылау үшін қазылар алқасына сөз беріледі. Жеңімпаздар анықталып, марапатталады.
Құрметті ұстаздар мен оқушылар! Бүгінгі сайысымыз осымен аяқталды. Жарыс болған соң жеңіс пен жеңіліс қатар жүреді. Жарыста ұтылсақ та, өмірде әрдайым жеңіске жете берулеріңе тілектеспін. Жеңімпаздарды құттықтаймыз!
Дайындаған:
Айбасова Күміс Маралқызы