Жұмбақ сурет сайысы

Сайыстың тақырыбы: Информатика және өмір
Сайыстың мақсаты: Сыныптан тыс жұмыс жүргізудің бір түрі танымдық - ойын
кештерін өткізу.
Көрнекілігі: плакаттар, компьютер, парақшалар, сөзжұмбақ.
Әдісі: сайыс сабақ
Кештің жүрісі: I. Таныстыру рәсімі, эмблема туралы сөйлеу.
II. Кім шапшаң? сайысы.
III. Жұмбақ сурет сайысы.
IV. Құрастыру сайысы.
V. Тәжірибе жұмысы сайысы.
VI Сөзжұмбақ шешу сайысы.
VII. Мен айтар едім ойшылдар сайысы.
VIII. Сайыскелердің өнерін тамашалау.
IX. Қортынды.

1 - жүргізуші:
Өмір деген көк мұхиттың толқыны
Бір - бірімен жатқан шулап, жалғасып,
Бір - бірімен жатқан тулар арбасып
О толқындар, арпаласып алға шық
Өмір деген мәңгі гүлдер жататын
Құшақтарлықтың толғағы мен көктемі - деп Айбергенов жырлағандай өмірдің өзі сайыс. Бүгін информатика пәнінің алғырлары білімдерімен күш сынасуға келіп отыр. Ортаға жарысушы топ тапқырларын шақырамыз.

2 - жүргізуші:
Мінекей залда тыныштық,
Естілмейді дыбыс түк.
Мұны біз де қоштаймыз,
Кешіккендерді тоспаймыз.
Ғылымдардың жаңасы,
Дегенмен бала - данасы.
Информатика тойында,
Жарысымызды бастаймыз.

1 - жүргізуші:
Құрметті қонақтар, ұстаздар, оқушылар 7 - сынып оқушыларының қатысуымен өткізілетін информатика "Информатика және өмір" атты сайысын бастауға рұқсат етіңіздер.

2 - жүргізуші: "Монитор" тобының сәлемдесуі.
1 - жүргізуші: "Принтер" тобының сәлемдесуі.
2 - жүргізуші: Қазылар мүшесінен сәлемдесу және эмблема таныстыру сайысына баға берулеріңізді сұраймыз.

1 - жүргізуші: Біздің күнделікті іс - әрекетімізді білімге, оқуға, үйренуге бағытталған. Бірақ менің ойымша бұл қасиеттерге қоса адамға шапшаңдық та өте қажет. Келесі сайыс түрі - "Кім шапшаң?". Бұл сайысымыздың басты шарты қоржындағы кубикте сауалнамалық сұрақ бар. Соған екі командадан кезек - кезек дұрыс жауабын айту керек.

Сауалнамалар:
1. Компьютердің негізгі бөліктеріне жатпайтын құрылғы.
а) пернелік
б) тышқан
в) жүйелік блок

2. Компьютер неше бөліктен тұрады?
а) бір
б) екі
в) үш
3. Информацияның өлшем бірлігі?
а) м, см
б) мин, сек
в) бит, байт
4. Қай фирманың шығарған компьютерлері кейіннен дербес компьютер деп аталады?
а) Мicrosoft
б) ІВМ
в) Pentium
5. Қай жылдары ЭЕМ алғаш пайда болды?
а) 1847
б) 1930
в) 1946
6. Арнайы пернелерге жатпайтын перне?
а) Enter
б) ІВМ
в) Alt
7. Ақпарат қандай мағына береді?
а) баяндау, түсіндіру
б) көрсенту, түсінік
в) беру, баяндау.
8. ХVII ғасырда сандарды қосатын механикалық құрылғыларды ойлап тапқан кім?
а) С. А. Лебедев
б) Б. Паскаль
в) Атанасов
9. 1981 жылы ІВМ компаниясы не ойлап тапты?
а) компьютер
б) механикалық құрылғы
в) дербес компьютер

2 - жүргізуші: Қазылар алқасынан - "кім шапшаң?" сайысына баға берулеріңізді сұраймыз.
1 - жүргізуші: Ән: Асанның орындауында "Ауылым"
2 - жүргізуші: Келесі сайыс - "Жұмбақ сурет " деп аталады. Тақтадағы жұмбақ суреттің артынан компьютер құрылғысының суреттері берілген. Нөмірленген қағаз бойынша құрылғының атын, атқаратын қызметін айту керек.