Қазақша рефераттар

Жаңа сабақта білуге тиіс өлшемдері

Қазақ тілі • 7-сынып

Тақырыбы: Шартты рай

Мақсаты: оқушылардың білімді меңгеруіне мүмкіндік беру және өздігінен білім алуға бағыттау.

Оқыту әдіс-тәсілдері

  • Жеке, жұптық, топтық жұмыс
  • «Мен… білдім, сен ше?»
  • БББ кестесі
  • «Тосын сый»
  • «Шығу парағы»

Модульдердің кіріктірілуі

  • Оқыту мен оқудағы жаңа тәсілдер
  • Оқыту үшін бағалау және оқуды бағалау
  • Оқытуды басқару және көшбасшылық
  • Сыни тұрғыдан ойлау (СТО)

Күтілетін нәтиже

Сыныпта ынтымақтастық атмосферасы қалыптасады. Оқушылар топпен жұмыс істеуге, білімін пысықтауға, талдауға, жинақтауға, көшбасшылыққа, өзара және өзін-өзі бағалауға дағдыланады.

Сабақ кезеңдері

I. Ұйымдастыру

  1. 1Сәлемдесу.
  2. 2Топқа бөлу.
  3. 3«Мен жасаған жақсы іс» әдісі: оқушылар өздері жасаған жақсы іс туралы айтады.
  4. 4«Сендерге кімнің жақсы ісі ұнады?» сұрағы қойылады.
  5. 5Оқушылар кімнің ісі ұнағанын айтып, пікір білдіреді.

II. Үй тапсырмасын тексеру

«Білемін! Мен… білемін, сен ше?» әдісі:

  • 1-топ үй тапсырмасы бойынша не білетінін айтады.
  • Қалған топтар тыңдап, өздері білетінін түртіп отырады.

III. Жаңа сабақ

Жаңа сабақта меңгерілетін өлшемдер (5 тармақ)

  1. 1Шартты райдың неге бұлай аталатынын түсіну.
  2. 2Қандай жұрнақтар арқылы жасалатынын анықтау.
  3. 3Шартты рай тұлғасының тиянақты бола алатынын және бола алмайтынын ажырату.
  4. 4Қандай сөздермен тіркесетінін білу.
  5. 5Жіктелу үлгісін меңгеру.

Жұмыс форматы

Оқушылар өлшемдер бойынша жаңа сабақты өз бетінше оқиды, кейін жұпта талқылайды.

Топтық баяндау

2-топ жаңа сабақты топ болып баяндайды. Қалған топтар мұқият тыңдап, не үйренгенін жазып отырады.

Жаттығу жұмысы

187-жаттығу

Шартты рай тұлғасындағы етістіктерді теріп жазыңдар, жіктік жалғауын бөліп көрсетіңдер.

188-жаттығу

Шартты райлы етістіктерді тауып, қай жақта тұрғанын анықтаңдар.

IV. Сабақты бекіту

«Тосын сый» әдісі: қорапшада сыйлыққа арналған кәмпит болады. Қорап ішінде тапсырма да беріледі. Оқушылар парақшадағы мақал-мәтелді ыммен, қимылмен көрсетеді. Мақалды тапқан топ сыйлыққа ие болады.

Мақал-мәтелдер

  • Не ексең, соны орасың.
  • Қорқақты көп қусаң, батыр болады.
  • Көп түкірсе, көл болар.

V. Сабақты қорытындылау

«Шығу парағы» (Сабақтан алған әсерім): оқушылар төмендегі сұрақтарға жауап жазады. Жауаптарының ішінде кемінде бір сөйлем шартты райда болуы керек.

  • Сабақ саған ұнады ма?
  • Несімен ұнады?
  • Сен үшін қандай тәсіл тиімді болды?

VI. Үй тапсырмасы

189–190-жаттығу.

VII. Бағалау

  • Мұғалім оқушыларды бағалайды.
  • Оқушылар топтарды өзара бағалайды.