Қазақша рефераттар

Жүсіповтар отбасы

Іс-шараның мақсаты

  • Балалардың арасында салауатты өмір салтын қалыптастыру.
  • Күш-қуат пен секіргіштікті дамыту.
  • Балаларды достыққа, ұйымшылдыққа және инабаттылыққа тәрбиелеу.

Жүргізушінің кіріспе сөзі

Құрметті балалар, ата-аналар және қадірлі қонақтар! Бүгін біздің «Айгөлек» тобында ерекше мереке. Балаларымыздың ата-аналары арасында спорттық жарыс өтеді.

Бірге өнер көрсететін отбасылардың жылдам, епті, ұйымшыл әрі көңілді екенін көру — үлкен қуаныш. Барша қатысушыларға сәттілік тілейміз!

Сайысқа қатысатын ата-аналарға:

Келіп, реттік нөмірлеріңізді таңдап алуыңызды сұраймыз.

Сайыс бағдарламасы

  1. Қатысушылармен жеке-жеке таныстыру.
  2. Құрсауды бір-біріне беру (соңғы сайыскер құрсауды беліне киеді).
  3. «Кім жылдам?» ойыны.
  4. Қаппен секіру (баласы — бір аяқпен секіреді).
  5. Допты шеңберге лақтыру.
  6. Асық ату.
  7. Арқан тарту.

Қатысушы отбасылар

Жүсіповтар отбасы

Біз ананың қуанышымыз,

Бала кезден шыныққан.

Болашақта есейіп,

Біз жеңімпаз боламыз!

Кабышовтар отбасы

Қатар өскен құрдасқа,

Жарыс ұнап тұрмас па?

Қуып жету жақсы ғой,

Озып шығу — бір басқа.

Нұрғалиевтер отбасы

Қане, қане жарысуды

Айналдырайық әдетке!

Денемізді шынықтыру —

Денсаулыққа қажет те.

Умизақовтар отбасы

Қане, босқа қарап тұрмайық,

Қажырланып, намысты қолдан бермей!

Балалармен бірге күш қосып,

Бүгін біз де бағымызды сынайық.

Ойындар мен ережелер

II. Құрсауды жеткізу

Екі отбасының мүшелері бір-біріне қарама-қарсы, арақашықтығы шамамен 2 метр болып тұрады. Мәреде әр отбасының топ басы жанында 10 құрсау қойылады.

Белгі берілгенде топ басшылары құрсауды тез-тез бір-біріне береді. Ең соңғы сайыскер құрсауды беліне киеді. Құрсауды бірінші әрі дұрыс кигізген отбасы жеңімпаз атанады.

Музыкалық үзіліс

Өнерсіздік — зор айып, ән мен күйге басайық. Арасында тағы бір әнмен шашу шашайық.

Даярлық тобының орындауында:

«Түркістан» биі.

III. «Кім жылдам?» ойыны

Екі отбасының алдында қатарынан төрт құрсау қойылады. Топ басының қолында көкөніс салынған төрт себет болады. Қатысушылар жол бойындағы көкөністерді жинап, себеттерге ұқыпты орналастыруы керек.

Кім тез әрі мұқият жинаса, сол отбасы жеңеді.

IV. Қаппен секіру

Екі топтың сайыскерлері мәреге тұрады. Бірінші қатысушы қап киіп, сөреге дейін секіріп барып қайтады да, қапты келесі сайыскерге береді.

Балалар кезеңді бір аяқпен секіріп өтеді. Уақытынан бұрын аяқтаған отбасы жеңімпаз болады.

Бағалау:

Әділқазылар алқасы ұпайларды есептеп, нәтижені жазып отырады.

Би: Айжан қыз.

V. Допты шеңберге лақтыру

Бұл кезеңде сайыскерлердің ептілігі мен мергендігі анықталады. Отбасылардың алдында шамамен 2 метр қашықтықта, биіктігі 1,5 метрге жуық темір шеңбер орнатылады.

Әр отбасының сайыскерлері допты 2 реттен лақтырады. Шеңберге дәл тигізген сайын ұпай саны артады.

VI. Асық ату

Белгіленген мәреде шеңбердің ішінде асықтар қойылады. Қай отбасының сайыскері асықты құлатып, шеңберден шығарса — сол топ көп ұпай жинайды.

Көркем үзіліс

Қошеметтеп жеңіп шыққан отбасын қол соғайық, жеңісімен құттықтап. Жастық әнін шалқыта, енді міне, көшейік айтысқа.

Даярлық тобы оқушыларының өнерімен:

Біржан–Сара айтысынан қысқаша сахналық көрініс.

VII. Арқан тарту

Екі топ арқанды бойлай ұстап, бір-біріне қарама-қарсы тұрады. Белгі берілгенде әр отбасы арқанды өзіне қарай бар күшін салып тартады. Бұл кезеңде күш пен бірлік сыналады.

Егер топ сайыскерлері белгіленген сызықтан шығып кетсе, сол отбасы жеңіледі.

Қорытынды

Ендігі сөзді әділқазылар алқасына береміз. Жеңімпаздар марапатталады.

Сайыс аяқталды.

Барша қатысушыларға белсенділігі мен ұйымшылдығы үшін алғыс білдіреміз!