Қазақша рефераттар

Айша мен Әсемнің ұшқыштың қызы еместігі және Әсем мен мұғалімнің қызы екеуі көрші тұратыны белгілі болса, қыздардың әкелері кім

Тақырыбы: «Жүзден жүйрік»

Мақсаты

  • Оқушыларды тапқырлыққа баулу.
  • Ой-өрісін, зейінін дамыту.
  • Білімге құштарлығын арттыру және білімдерін сарапқа салу арқылы жеңімпаз топты анықтау.

Форматы

Қатысушылар
4 топ
Бағыт
Логика, тіл, шығармашылық
Нәтиже
Жеңімпаз топты анықтау

Барысы

  1. 1

    Ұйымдастыру

    Сыныпты 4 топқа бөлу.

  2. 2

    Топ атауын анықтау және таныстыру

    Әр топ өз атауын таңдап, қысқаша таныстырады.

  3. 3

    Логикалық тапсырмалар

    Әр топқа логикалық тапсырма беріледі.

    1-тапсырма

    Арман, Аян, Абзал — үш ағайынды. Олар әртүрлі сыныпта оқиды. Абзал Арманнан кіші, ал Аян Абзалдан кіші емес. Осы үйдің үлкені, ортаншысы, кішісі кім?

    2-тапсырма

    Айша, Әсем, Жамалдың әкелері — дәрігер, мұғалім, ұшқыш. Айша мен Әсем ұшқыштың қызы емес. Әсем мен мұғалімнің қызы көрші тұрады. Қыздардың әкелері кім?

    3-тапсырма

    Майра, Камила, Сания көк, сары, ақ түсті көйлектер киген. Майраның көйлегі ақ емес. Камиланың көйлегі ақ та, сары да емес. Қыздардың көйлектерінің түсі қандай?

    4-тапсырма

    Ойынға қызыл, көк, қара түсті үш тақия дайындалды. Ержан көк пен қараны кимейтінін айтты. Ермекке көк тақия жарасатынын айтты. Самат «таңдамай-ақ кие беремін» деді. Әр бала қандай түсті тақия киді?

  4. 4

    Қазақ тілі тапсырмасы

    Әр топқа бір сөз беріледі: сөзге дыбыстық талдау жасап, сол сөзбен сөйлем құрау.

    1) Кітап

    2) Дәптер

    3) Қалам

    4) Мектеп

  5. 5

    Шығармашылық жұмыс

    Тақырып: «Тәуелсіз елім — тірегім»

    Топтар эссе жазып, жазған жұмыстарын кезекпен оқиды.

  6. 6

    Жаңылтпаш айту

    Әр топ жаңылтпашты дұрыс әрі жатқа айтуы керек.

    1-жаңылтпаш

    Ықылық тиді, ықылық, түйілдім қатты тұтығып. Ықылық қалды тұтылып, сытылып шықтым құтылып.

    2-жаңылтпаш

    Қайрақтыда Қайратты қайраттан деп қайрапты. Қайрат — біздің қайратты, құрыш қазан қайнатты.

    3-жаңылтпаш

    Асан бақша жақтан ақ сабақ асқабақ әкелді. Басқа жақтан басқарақ асқабақ әкелді.

    4-жаңылтпаш

    Көк бұйра бір бұлақ тіл қатар былдырлап. Тастарды ұрғылап, ағады құлдырап.

  7. 7

    Сөзжасам тапсырмасы

    «Қайырымдылық» сөзінен жаңа сөздер құрастырып жазу.

  8. 8

    Ребус шешу

    Төрт топқа төрт ребус беріледі. Әр топ ребусты шешіп, жауабын қорғайды.

  9. 9

    Қорытынды

    Сайыс нәтижесі шығарылады, жеңімпаз топ анықталып, қорытынды жасалады.