Электромагниттік толқындар қатары

Сабақтың тақырыбы: Электромагниттік толқындар тарауын қайталау
Сабақтың мақсаты:
Білімділік: Электромагниттік толқындардың қасиеті, таралуы, қолданылуы және тарау бойынша негізгі заңдылықтарды оқып үйрену.
Дамытушылық: Оқушылардың өз бетімен жұмыс істеу біліктіліктерін дамыту, есте сақтау, логикалық ойлау қабілетін дамыту, шығармашылықпен жұмыс істеуге дағдыландыру.
Тәрбиелік: Оқушыларды адамгершілікке, тез ойлауға үйрету.
Еңбек сүйгіштікке тәрбиелеу.
III. Сабақтың типі: Іскерлік - ойын, қайталау сабағы.
IV. Сабақтың түрі: Жаңа технологиялық жүйемен жасалған шығармашылық сабақ
V. Оқыту әдісі: түсіндірмелі, көрнекілік әдіс
VI. Оқу жұмысын ұйымдастыру формалары: оқушылармен топтық және жеке жұмыс жүргізу
VII. Пән аралық байланыс: математика
VIII. Сабақтың көрнекілігі: графиктер, тест тапсырмалары, слайдтар, мультимедиалық оқулық, кинофильмдер, интерактивті тақта.

Сабақтың жоспары:
1. Ұйымдастыру бөлімі
2. Блиц - турнир. Теңге алу ойыны (сұрақ - жауап).
3. Арқан тарту ойыны (ТИ кестесі)
4. Шығармашылық жұмыс. Радиотолқындар
5. Тест жұмысын орындау Сұрақтар сыры
6. Қорытындылау
7. Оқушылар білімін бағалау
8. Үйге тапсырма

Сабақтың барысы.
Оқытушының кіріспе сөзі.
1862 жылы Максвелл электромагниттік толқындардың бар болуы жөнінде болжам ашты. Оның есептеуінше олардың таралу жылдамдығы жарықтың ауадағы таралу жылдамдығына тең. Г. Герц тәжірибелерінен кейін электромагниттік толқындардың жаңа жиіліктегі түрлері ашыла бастады. Электромагниттік толқындардың әртүрлі диапазондары әртүрлі атауға ие болды, бірақ барлық сәулелердің табиғаты бір және толқын ұзындығымен ерекшеленеді. Электромагниттік толқындар қатары:

1. Төменгі жиіліктегі толқындар.
2. Радиотолқындар
3. Ультра - қысқа толқындар
4. Инфрақызыл - сәулелер
5. Көрінетін сәуле шығару
6. Ультракүлгін сәулелер
7. Рентген сәулелері
8. Гамма сәулелері

Электромагниттік өріс
Біз электромагниттік индукция құбылысын оқығанда магнит өрісінің өзгеру электр өрісінің пайда болуына әкеліп соқтыратынын байқаған едік. 1865 жылы Максвелл осыған кері құбылыстың, яғни электр өрісінің өзгеруі магнит өрісінің пайда болуына әкеп соғуы мүмкін деген жорамал айтқан болатынды. Кейіннен бұл жорамал дәлелденді. Сонымен, электромагниттік индукция құбылысы мынадай екі құбылыстан тұрады екен.