Қазақша рефераттар

Сөздердің лексикалық тәсіл арқылы жасалуы

5-сынып. Қазақ тілі пәні бойынша қысқа мерзімді жоспар

Бұл жоспар 5-сынып оқушыларына арналған «Сөзжасам» бөлімін меңгертуді көздейді. Сабақ құрылымы теорияны түсіндіру, талдау, топтық және жұптық жұмыстар арқылы бекітуге бағытталған.

Топтамадағы сабақ тақырыптары

  • 1) Лексикалық тәсіл

    Сөздердің лексикалық тәсіл арқылы жасалуы

  • 2) Жұрнақ арқылы

    Жұрнақ жалғану жолымен жасалған туынды сөздер

  • 3) Бірігу арқылы

    Бірігу жолымен жасалған туынды сөздер

  • 4) Қосарлану және тіркесу

    Қосарлану және тіркесу жолымен жасалған туынды сөздер

  • 5) Орта мерзімді жоспар

    Қазақ тілі пәнінен орта мерзімді жоспар

Сабақ тақырыбы

Сөзжасам. Сөздердің лексикалық тәсіл арқылы жасалуы

Мақсаты

Сөзжасам туралы түсінік қалыптастыру; сөздердің лексикалық тәсілдер арқылы жасалуын меңгерту; алған білімді талдау жұмыстарында қолдануға үйрету.

Күтілетін нәтиже

  1. 1 Сөзжасам ұғымын түсінеді және сөздердің лексикалық тәсіл арқылы жасалуын меңгереді.
  2. 2 Талқылау арқылы ой қорытып, білімін жүйелейді.
  3. 3 «Сөзжасам. Лексикалық жолмен жасалу» тақырыбында постер дайындап, қорғайды.

Қажетті құралдар

моноблок проектор постер маркер

Сабақ барысы: мұғалімнің іс-әрекеті

1) Ұйымдастыру және топқа бөлу

Мұғалім қазақ тіл білімінің негізгі салалары бойынша (лексика, фонетика, морфология, синтаксис) ережелер жазылған қима қағаздарды таратады.

Оқушылар қима қағаздағы ереженің қай салаға тиесілі екенін анықтап, топтастырады. Әр топтың үстеліне топ атауы жазылған көрсеткіш қойылады.

2) «Миға шабуыл» (жетелеуші сұрақтар)

  • Сөздер қалай жасалады?
  • Жаңа сөз жасаудың қандай қажеттілігі бар?

3) Оқу және талдау (топтық жұмыс)

Әр топқа тақырыпқа қатысты қима қағаздар беріліп, мәтінді оқып, талдау тапсырмасы орындалады:

1-топ

Сөзжасам ережелері

2-топ

Сөзжасам тәсілдері

3-топ

Сөзжасамның маңызы

4-топ

Лексикалық жолмен жасалған жаңа сөздер

Тапсырма нәтижесі бойынша оқушылар «Сөзжасам. Сөздердің лексикалық жолмен жасалуы» тақырыбында постер дайындап, қорғайды.

4) Жұптық жұмыс (жаттығулармен жұмыс)

356-жаттығудан үзінділер таратылып, жұппен орындау және талдау жұмысы жүргізіледі.

Үй тапсырмасы

  1. 1 363 және 364-жаттығуларды орындап келу.
  2. 2 Сөзжасамды зерттеген қазақ тілші ғалымдары туралы ақпарат жинақтау және олардың еңбектерінің маңызы туралы қорытынды ой жазу.

Бағалау және кері байланыс

Формативті және жиынтық бағалау

Сабақ барысында тапсырмаларды орындау сапасына, талдау дәлдігіне және постер қорғау кезіндегі дәлелді пікір айтуына қарай бағалау жүргізіледі.

Кері байланыс: «Рюкзак» әдісі

Оқушыларға төмендегі сөйлемдер жазылған қима қағаздар таратылады. Әр оқушы сабақтан алғанын қысқаша белгілеп, «рюкзакқа» салады:

  • Мен үйрендім: …
  • Мен мына нәрсені түсіндім: …
  • Мен есте сақтап қалдым: …