Кинематика негіздерін қайталау

Қызылорда облысы, Шиелі ауданы
№45 Ақ Орда мектеп - гимназиясының
физика пәні мұғалімі А. Е. Сейілова

Сабақтың тақырыбы: Кинематика негіздерін қайталау. Есептер шығару.
Сабақтың мақсаты: Кинематика негіздері тарауын қайталау арқылы, 9 сынып оқушыларының алған білімдерін, икемділіктерін тексеру, пәнге қызығушылығын, ынтасын арттыру.
Білімділік: Оқушылардың теориялық алған білімдерін практикамен ұштастыра отырып білімдерін жетілдіру.
Дамытушылық: Оқушылардың ойлау, есте сақтау қабілеттерін дамыту, өз ойын нақты әрі дәл жеткізе білуге үйрету.
Тәрбиелік: Оқушыларды ұқыптылыққа, ізденімпаздыққа, өздігінен жұмыс істеуге үйрету, бір - бірінің білімін бағалай білуге, өзінің жетістігіне қуана білуге тәрбиелеу.
Көрнекілігі: Карточкалар, дербес компьютер, мультимедиялық проектор, электронды оқулық.
Сабақтың түрі: қайталау сабағы.
Сабақтың типі: Аралас
Сабақтың әдісі: Сұрақ - жауап.
Пәнаралық байланыс: математика

Сабақтың барысы:
І. Ұйымдастыру кезеңі
Оқушылармен амандасып, сыныптың сабаққа дайындығын тексеріп, назарларын сабаққа аудару. (1 минут)

ІІ. Үй жұмысын сұрау
Үй жұмысын тест алу арқылы сұраймын.
1. Жылдамдықтың өзгеру шапшаңдығын сипаттайтын физикалық шама қалай аталады? ж бы: В
А) Жылдамдық;
В) Үдеу;
С) қысым;
Д) масса;

2. Нүктенің шеңбер бойымен бір айналым жасауға кеткен уақыты қалай аталады? ж бы: В
А) айналу жиілігі;
В) айналу периоды;
С) айналу саны;
Д) масса;