Үстел үстіндегі театры
Үйірме: «Біз және театр»
Кіріспе
Ертегілердің бәрі де жақсылықпен аяқталады. Кедергілермен алысып-жұлысқан кейіпкерлер ең ақырында бар мұратына жетеді: жетім жетіледі, жарлы байиды; кеткенің келеді, кемісің толады.
Ертегі аяқталған сәтте жеңіске жеткен кейіпкерлермен бірге қуанып, көңілің көтеріліп кетеді. «Ізгі ниетіңнен айналайын, қазақ ертегісі!» — деп сүйсінесің.
Ертегі — халқымыздың ертеден келе жатқан мәдени мұраларының бірі. Халық өз дүниетанымын, қоғам тіршілігін, тұрмыс-тіршіліктегі іс-әрекетін, мұң-мұқтажын, күрес-тартысын, талап-тілегін шынайы ертегілер арқылы бейнелеп, суреттеген.
Негізгі ой
Театрдың басты мақсаты — балаларды этикалық және эстетикалық көзқарасқа тәрбиелеу.
Балаларға арналған театрланған ертегілер түрлері
Саусақ театры
Қол қимылы · СөйлеуСаусақ театрында саусақтардың көмегімен кез келген ертегіні немесе өлең-тақпақ шумағын сахналауға болады. Бұл тәсіл баланың сөйлеуге деген талпынысын күшейтіп, қабілетін дамытады, ынтасын арттырады және шығармашылық әрекетіне жол ашады.
Саусақ ойынын ойнай отырып, балалар қоршаған ортадағы заттар мен құбылыстарды, жан-жануарларды, құстарды және ағаштарды бейнелей алады.
- Бала саусақ қимылын бақылап, қуанып-шаттанады, сөз айтуға тырысады.
- Өлеңде үйренген сөз тіркестерін қайталап айтып, есте сақтау дағдысы нығаяды.
- Екі қолын қатар қимылдата отырып, «оң–сол», «жоғары–төмен» сияқты кеңістік ұғымдарын меңгереді.
Үстел үсті театры
Көркем сөз · ҚимылТақпақ пен қысқа өлеңдерді әсерлі жеткізу үшін үстел үсті театрын қолдану өте қолайлы. Мұнда үстелде құламай тұратын және қозғалтқанда еш кедергісіз жүретін ойыншықтар пайдаланылады.
Үстел үсті қуыршақ театрының түрлері:
- Әр түрлі биіктіктегі конус, цилиндр, қораптардан жасалған ойыншықтар
- Таяқшадан жасалған театр
- Киндер-театр
- Магнит театры
- Мочалка театры
- Тоқымадан немесе ілмекпен (крючокпен) тоқылған кейіпкерлер (пішінін сақтау үшін пластик бөтелкеге кигізіп қоюға болады)
- Ағаш ойыншықтар
- Саздан жасалған ойыншықтар (мысалы, дымков ойыншықтары)
Қорытынды
Театрланған ертегілер — баланың қиялын оятып, тілін дамытып, эмоциясын байытатын әсерлі құрал. Саусақ театры мен үстел үсті театры арқылы балалар көркем сөзді сезінеді, рөлге еніп ойнайды, кеңістік пен қимыл-қозғалысты меңгереді және шығармашылыққа батыл қадам жасайды.