Қазақша рефераттар

Жеті байлықты ата

Мақсаты

1-мақсат

Оқушыларды ойын арқылы ойландыру, қазақ халқының мол мұрасымен сусындату.

2-мақсат

Ой-өрісін кеңейту, тілдік дағдыларын дамыту.

3-мақсат

Командада жұмыс істеуге, ұжымшылдыққа тәрбиелеу.

Барысы

I. Ұйымдастыру кезеңі

  • Сыныпты екі топқа бөлу (әр топта 10 оқушы).
  • Әр топтан басшы (капитан) сайлау.
  • Әділқазылар алқасымен таныстыру.

II. Негізгі бөлім

1-конкурс

Өзін-өзі таныстыру

Әр топ өзінің ұранын және мақсатын таныстырады.

2-конкурс

«Кім жылдам?» ойыны

Жүргізуші сөзі

Қайсысы күйші, қайсысы биші — Талабына қарайық. Кімдер зерек, кім жылдам — Таланттарын табайық.

Әр топ бір-біріне өз жаңылтпаштарын айтады. Тапсырма: жаңылтпашты дұрыс әрі жылдам айту.

3-конкурс

Капитандар сайысы

Әр топтың капитаны ортаға шығып, сұрақтарға жауап береді:

  • 1-топ: Жеті қазынаны ата.
  • 2-топ: Жеті байлықты ата.

4-конкурс

Ұлттық ойын: «Орамал тастамақ»

Ойынның мақсаты

Кім? Кімдер? Не? Нелер? сұрақтарының қойылуын және қолданылатын орнын ажырата білу. Сөйлем құрау дағдыларын жетілдіру.

Шарты

Жүргізуші орамалды кез келген оқушының алдына тастап, «кім?» немесе «не?» сұрағының бірін айтады. Оқушы сол сұраққа жауап беретін сөзді атайды. Келесі оқушы сол сөзді қатыстырып сөйлем құрайды.

5-конкурс

Тест

Плакаттарға сөздер жазылып ілінеді. Әр топ өзіне арналған плакаттағы тапсырмаларды орындайды.

1) Жемістер

Жемістердің атын білдіретін сөздерді белгіле:

Сұлы Арпа Шабдалы Алма Өрік Алмұрт Шие Күріш

2) Жер-су атаулары

Жер-су аттарын білдіретін сөздерді белгіле:

Асқар Әсет Балқаш Ақтау Көкшетау Есік Іле Ақмола Пияз

3) Заттың атауы

Заттың атын білдіретін сөздерді белгіле:

Ағаш Үлкен Қонақ үй Айбек Дәптер Арба Сары Нан Аппақ

6-конкурс

Сөйлемдерді дұрыс құрастыру

1-топ

  • Мал өріске жайылды.
  • Құс бұтақта отыр.

2-топ

  • Асқар сабақ оқыды.
  • Мен үйді жинадым.

7-конкурс

«Жорға» сұрақтары

Екі топқа кезекпен сұрақтар қойылады.

  1. Жеті атаны ата.
    Ата, әке, бала, немере, шөбере, шөпшек, немене.
  2. Оқушының алғашқы кітабы.
    Әліппе.
  3. Мемлекетіміздің астанасы.
    Астана қаласы.
  4. Төрт түлікті атаңдар.
    Жылқы, сиыр, түйе, қой, ешкі.
  5. Төрт түліктің пірлерін ата.
    Жылқы — Қамбар ата, сиыр — Зеңгі баба, түйе — Ойсыл қара, қой — Шопан ата, ешкі — Сексек ата.
  6. Сүттен жасалатын тағамдарды ата.
    Айран, құрт, ірімшік, сүзбе, май, қатық, қаймақ және т.б.
  7. Жеті күнді ата.
    Дүйсенбі, сейсенбі, сәрсенбі, бейсенбі, жұма, сенбі, жексенбі.
  8. Тұңғыш қазақ ғарышкері.
    Тоқтар Әубәкіров.

8-конкурс

Көрермендермен ойын

Әділқазылар ұпайларды есептеп жатқан кезде, көрермендерге иллюстрациялар көрсетіледі. Тапсырма: сурет қай ертегіге қатысты екенін табу.

Ертегілер тізімі

  • Бауырсақ
  • Қарлығаштың құйрығы неге айыр?
  • Екі жалқау
  • Түлкі мен ешкі

Жүргізушіге ескерту

Иллюстрацияларды кезекпен көрсетіп, жауаптарды қол көтеру немесе ауызша айту арқылы қабылдауға болады.

III. Қорытынды

Әділқазылар алқасы сөз алып, жиналған ұпай санын жариялайды, жеңімпаздарды анықтайды және әр топқа тиісті сыйлықтарды табыстайды.