Қазақша рефераттар

Алғырлар тобына сұрақтар

Тақырыбы: «Күш — білімде»

Мақсаты

  • Оқушылардың пәндер бойынша алған білімдерін саралау.
  • Ой ұшқырлығын байқату, жылдам әрі нақты жауап беруге баулу.
  • Топпен бірлесе жұмыс істеу мәдениетін қалыптастыру.
  • Ұйымшылдыққа, еңбекқорлыққа тәрбиелеу.

Кіріспе сөз

Армысыздар, құрметті оқушылар мен ұстаздар, сондай-ақ сайысқа қатысушы оқушылар! Ш. Уәлиханов: «Халықтың кемеліне келіп, өркендеп өсуі үшін ең алдымен азаттық пен білім қажет» — деген. Ал Қ. Сәтбаев: «Ғылым майданының қатардағы жауынгері тек үнемі оқу, іздену, талпыну, тану, өмір мектебінен өту арқылы ғана ірі қайраткер дәрежесіне көтеріледі» — деп атап өткен.

Ендеше еліміздің болашағы — білімді жастар. Сол білімді жастардың қатарын болашақта сендер толықтырасыңдар. Осы мақсатпен 4-сыныптар апталығы аясында 4-сынып оқушылары арасында «Күш — білімде» атты интеллектуалдық сайыс өткізілмек.

Ұйымдастыру

Топтарға бөліну

Ойыншылар екі топқа бөлінеді:

  • I топ — «Алғырлар» (6 сайыскер). Топ басшысы: Теңелгенова Зарина.
  • II топ — «Тапқырлар» (6 сайыскер). Топ басшысы: Смағұлов Мирас.

Топтардың сәлемдесуі

I топ — «Алғырлар»

Бастары компьютердей, Бойлары бәрі бірдей. Балалықты бірге өткізген, Тапқырларға бір сәлем!

II топ — «Тапқырлар»

Келешекке үмітпен қарар, Атақ-даңққа бөленер. Сегіз қырлы ойшылдар, Алғырларға бір сәлем!

Сайыс басталмас бұрын әділқазылар алқасымен таныстырамыз. (Аты-жөні алдын ала толтырылады.)

Сайыс құрылымы: 5 кезең

1-кезең: «Бәйге»

10 сұрақ. Тез және нақты жауап. Әр дұрыс жауапқа — 1 ұпай.

2-кезең: «Тіл өнері»

Жұмбақты шешіп, жауабын орыс тіліне аудару. Әр дұрыс жауапқа — 2 ұпай.

3-кезең: «Жеті жұмбақ»

Әр пән бойынша 7 сұрақ. Әр дұрыс жауапқа — 3 ұпай.

4-кезең: «Ұшқыр ой»

«Сайыскерлер» сөзінен 1 минутта мүмкіндігінше көп сөз құрау. Жеңімпаз топқа — 4 ұпай.

5-кезең: «Сын сағаты»

Топ басшыларға 10 сұрақ. Әр дұрыс жауапқа — 1 ұпай.

Әр кезеңнің шарты ойын барысында еске салынып отырады. Ендеше білімге деген құштарлықты дәлелдейтін алғашқы кезең — «Бәйге» сайысын бастаймыз.

1-кезең: «Бәйге» сұрақтары

«Алғырлар» тобы

  1. Адам тіршілігіне қажет жылуды қайдан алады?
  2. «Қара-көк» сын есімнің қай түрі?
  3. Тіктөртбұрыштың ұзындығын еніне көбейту арқылы нені табамыз?
  4. 10-ның кубы нешеге тең?
  5. Дені сау адамның тамыр соғысы қанша?
  6. Жалғауы жоқ септік?
  7. «Әлсін-әлсін» қандай қос сөз?
  8. 3845 санында неше мыңдық бірлік бар?
  9. «Мәлімдеме» сөзінде неше буын бар?
  10. –да, –де, –та, –те қай септік жалғаулары?

«Тапқырлар» тобы

  1. Ауа қоспасында ең көп таралған газ?
  2. 109699 санынан кейінгі санды тап.
  3. «Жетім» әңгімесінің авторы кім?
  4. Сөз мағынасын өзгертетін қосымша?
  5. «Әдемі» сөзінің мағынасы қандай?
  6. Абайдың анасы кім?
  7. «Әке-шеше» сөзі қандай қос сөз?
  8. –нан, –нен, –дан, –ден, –тан, –тен қай септік жалғаулары?
  9. «Жұмысшылар» сөзінде неше буын бар?
  10. 4-тің кубы нешеге тең?

2-кезең: «Тіл өнері»

Мемлекеттік тілмен қатар сендер орыс тілін де меңгеріп жүрсіңдер. Орыс тілі — ұлтаралық тіл, үйренудің пайдасы көп. Қазір әр топқа 4 жұмбақ оқылады: шешуін табасыңдар және жауабын орыс тіліне аударасыңдар. Топ мүшелері бір-біріне көмектеседі. Әр дұрыс жауапқа — 2 ұпай.

«Алғырлар» тобына жұмбақтар

  1. Білімнен мол сый асы, Балғындардың ұясы.

    Жауабы: мектеп — школа

  2. Ұшып-қонып тынбайды, Суға салсаң батпайды, Жерге соқсаң сынбайды, Түскен жерге жатпайды.

    Жауабы: доп — мяч

  3. Алыстан қарасаң аппақ, Татып көрсең тәтті-ақ.

    Жауабы: қант — сахар

  4. Аузы бейне шалғы-орақ, Шөп емес, бірақ мал орады.

    Жауабы: қасқыр — волк

«Тапқырлар» тобына жұмбақтар

  1. Өзі таудың бөктерінде өседі, Жаңа жылда үй төріне көшеді.

    Жауабы: шырша — елка

  2. Бұдан кір қорқады, Судан бұл қорқады.

    Жауабы: сабын — мыло

  3. Онсыз астың дәмі жоқ, Ассыз оның мәні жоқ.

    Жауабы: тұз — соль

  4. Мұртымен туады, Мұртын күнде жуады.

    Жауабы: мысық — кошка

3-кезең: «Жеті жұмбақ»

Бұл кезеңде әр пән бойынша 7 сұрақ беріледі. Әр дұрыс жауапқа — 3 ұпай.

«Алғырлар» тобына сұрақтар

  1. «Батырлар жыры» дегеніміз не?
  2. Бірыңғай мүше дегеніміз не?
  3. Бірдей 4 жәшікте 80 кг жүзім бар. 100 кг жүзімді салу үшін осындай неше жәшік керек?
  4. Пайдалы қазба дегеніміз не? (Мысал келтір.)
  5. Табиғи материалдарға нелер жатады?
  6. Что такое имя числительное?
  7. Жеңіл атлетика дегенді қалай түсінесіңдер?

«Тапқырлар» тобына сұрақтар

  1. Эпостық жырлар дегеніміз не?
  2. «Қарындаш» сөзін жекеше және көпше түрде тәуелде.
  3. Тіктөртбұрыштың ұзындығы 10 м, ал ені одан 2 м кем. Тіктөртбұрыштың ауданы нешеге тең?
  4. Тау жыныстары дегеніміз не? (Мысал келтір.)
  5. Икебана дегеніміз не?
  6. Что такое местоимение?
  7. Ұлттық ойын түрлеріне қандай ойындар жатады?

4-кезең: «Ұшқыр ой»

Тапсырма

«Сайыскерлер» сөзінен 1 минут ішінде мүмкіндігінше көп сөз құрап жазыңдар.

Бағалау

Ең көп сөз жазған топқа 4 ұпай беріледі.

Нәтиже

Жазылған сөздер оқылады және саны есептеледі.

5-кезең: «Сын сағаты»

Бұл кезеңде топ басшылары сынға түседі. Әр топ басшысына 10 сұрақ қойылады. Жауап жылдам берілуі тиіс. Әр дұрыс жауапқа — 1 ұпай.

«Алғырлар» тобының топ басшысына

  1. 3-тің кубы нешеге тең?
  2. Қораптың ұзындығы 9 см, ені 5 см, биіктігі 2 см. Көлемін тап.
  3. Квадраттың периметрі 20 см. Бір қабырғасы неше сантиметр?
  4. «Оқушының» сөзінің түбірін тап.
  5. 1 тоннада неше килограмм бар?
  6. Заттың санын білдіретін сөз табы қайсы?
  7. Барыс септігінің жалғауларын ата.
  8. Абылайдың шын есімі қандай?
  9. Ұя салмайтын құс.
  10. 1 жылда неше ай бар?

«Тапқырлар» тобының топ басшысына

  1. Әнұранның авторлары кімдер?
  2. Күндіз көрмейтін құс.
  3. Жер бетінде неше материк бар?
  4. «Білімді» сөзінің түбірін тап.
  5. 81 санының квадраты нешеге тең?
  6. Заттың қимылын білдіретін сөз табы қайсы?
  7. Ілік септігінің жалғауларын ата.
  8. Адам денесінің тірегі не?
  9. Текшенің бір қабырғасы 3 см. Көлемін тап.
  10. Қабанбай батырдың шын есімі қандай?

Қорытынды

Осымен 5 кезеңнен тұратын сайысымыз өз мәресіне жетті. Оқушылардың білімін, ойлау қабілетін және оқуға деген құштарлығын арттыратын осындай зияткерлік сайыстар көбейе берсін.

Енді сөз әділқазылар алқасына беріледі. Жеңіске жеткен топ марапатталады.

Марапаттау

  • Ұпай саны есептеледі.
  • Жеңімпаз топ анықталады.
  • Марапаттау рәсімі өткізіледі.