Қазақша рефераттар

Токтың жұмысы мен қуаты және Джоуль - Ленц заңы формулаларын пайдаланып есептер шығаруға үйрету

Жалпы мақсат

Ақпарат беру

Токтың жұмысы мен қуаты және Джоуль–Ленц заңы туралы түсінік қалыптастыру.

Есеп шығару

Формулаларды қолдана отырып есептер шығаруға үйрету.

Ынтымақтастық

Топпен және жұппен жұмыс істеу дағдыларын дамыту.

Күтілетін нәтиже

  • Токтың жұмысы мен қуаты және Джоуль–Ленц заңы туралы білімін толықтырады.
  • Формулаларды қолданып есеп шығаруды меңгереді.
  • Топпен жұмыс істеп, пікір алмасуды үйренеді.

Негізгі идея

Токтың жұмысы мен қуаты, сондай-ақ Джоуль–Ленц заңы ток күшіне тәуелді.

Сабақ барысы

I. Ұйымдастыру

3 минут
  1. Сыныпта жағымды психологиялық ахуал қалыптастыру.
  2. Өлшеуіш құралдардың (электроскоп, амперметр, вольтметр, реостат) суреттерін әртүрлі фигураларға қиып, сыныпты 4 топқа бөлу: үшбұрыштар, квадраттар, тіктөртбұрыштар, көпбұрыштар.

II. Миға шабуыл

5 минут

Оқушылар сурет қиындыларын құрастырып, қандай өлшеуіш құрал екенін анықтайды және оның нені өлшейтінін түсіндіреді. Сонымен бірге құралдың қолданылу аймағын қысқаша сипаттайды.

III. Жаңа сабаққа көшу сұрақтары

5 минут

1) Елімізде 2017 жылы қандай маңызды шара өтті?

Жауап: ЭКСПО 2017 көрмесі.

2) Көрменің тақырыбы қалай аталды?

Жауап: «Болашақ энергиясы».

3) «Қуат» ұғымын бұрын қай тақырыпта кездестірдіңдер?

Жауап: 7-сыныпта механикалық қуат тақырыбында.

4) Қуат неге байланысты?

Жауап: жұмысқа байланысты.

Осы сұрақтарға жауап беру арқылы оқушылар сабақтың тақырыбы мен мақсатын өздері анықтайды: «Токтың жұмысы мен қуаты. Джоуль–Ленц заңы».

IV. Топтық жұмыс: мәтінмен жұмыс

13 минут

Әр оқушы берілген мәтінді алдымен жеке оқиды. Одан кейін топтарға талқылауға арналған сұрақтар ұсынылады. Әр топ өзара талқылап, баяндамашы арқылы жауап береді. Жауаптар критерий бойынша формативті бағаланады.

1)

Электр тогы жұмысының формуласы қалай өрнектеледі? Өлшем бірлігі қандай?

2)

Тізбектің бөлігі үшін Ом заңын пайдаланып, ток жұмысының формуласын түрлендіріңдер.

3)

Электр тогы қуатын есептеуге арналған формуланы қорытып шығарыңдар. Өлшем бірлігін атаңдар.

4)

Джоуль–Ленц заңы қалай жазылады? Түсіндіріңдер.

V. Жұптық жұмыс: есептер шығару

10 минут

1-есеп

Егер шаңсорғыш 220 В кернеуге және 0,5 А ток күшіне ие болып, қалалық желіге қосылса, оның электрқозғалтқышы 0,5 сағат ішінде қанша жұмыс атқарады?

2-есеп

Троллейбустың электрқозғалтқышы 200 А ток күшін тұтынады және 600 В кернеумен жұмыс істейді. Оның қуаты қандай?

3-есеп

Ток күші 5 А желіге жалғанған, кедергісі 30 Ом электр пешінен 1 минутта қанша жылу бөлінеді?

Формативті бағалау

Жұптар жауаптарын үлгімен салыстырып, «бағдаршам» әдісі арқылы бағалайды: 1 қате — жасыл, 2 қате — сары, 3 қатеден көп — қызыл.

VI. Жеке жұмыс: кеңейтілген тапсырма

6 минут

Оқушы 1-тапсырманы орындап болған соң, келесі тапсырманы алады. Осы ретпен 2-тапсырмаға, кейін 3-тапсырмаға өтеді.

1-тапсырма

Сәйкестендіріңіз.

Сабақтағы тапсырмалар

Топтық жұмыс

Мәтінмен жұмыс, талқылау, баяндамашы арқылы жауап беру.

Жұптық жұмыс

Есептер шығару және «бағдаршам» әдісімен өзара бағалау.

Жеке жұмыс

Кеңейтілген тапсырмалар арқылы білімді бекіту.