Үшбұрыштың барлық қабырғалары тең
Сабақ туралы
Сабақтың тақырыбы
Үшбұрыштар теңдігінің белгілері тақырыбын қайталау.
Сабақтың түрі
Дәстүрден тыс сабақ: саяхат сабағы.
Сабақтың мақсаты
- Үшбұрыштар теңдігінің белгілері бойынша алған білімдерін тексеру және қорытындылау; есеп шығаруда қолдана білу.
- Ойлау қабілетін дамыту, пәнге деген қызығушылықты арттыру.
Көрнекіліктер
Мультимедиа, интерактивті тақта.
Сабақтың жоспары
- Ұйымдастыру
- «Үшбұрыштар еліне саяхат» көрінісі
- Сұрақ-жауап
- Деңгейлік тапсырмалар
- Логикалық есеп (сергіту)
- Кітаппен жұмыс
- Үй тапсырмасы
- Оқушыларды бағалау
І бөлім. «Үшбұрыштар еліне саяхат»
Ерте, ерте, ертеде, ешкі жүні келтеде, Үшбұрыш атты хан болыпты. Үшбұрыштар әулеті бір-біріне тең, тату ру болыпты.
Тең қабырғалы үшбұрыш
Интерактивті тақтада тең қабырғалы үшбұрыш көрсетіледі.
Сұрақ
Көріп отырғандарың қандай үшбұрыш? Қандай қасиеттері бар?
Оқушылардың жауабы
- Үшбұрыштың барлық қабырғалары тең.
- Барлық бұрыштары тең.
- Үшбұрыш төбелері латын алфавитінің бас әріптерімен белгіленіп, сол бойынша оқылады.
Тең бүйірлі үшбұрыш
Экранда тең бүйірлі үшбұрыш көрінеді. Ол өзін таныстырады:
«Менің атым — тең бүйірлі үшбұрыш. Себебі екі бүйір қабырғам тең, ал үшінші қабырғам — табаным.»
Қасиеттері
- Табанындағы бұрыштары тең болады.
- Табанына жүргізілген медиана бір мезгілде биіктік те, биссектриса да болады.
Әртүрлі қабырғалы үшбұрыш
Экраннан әртүрлі қабырғалы үшбұрыш шығады:
«Атым — әртүрлі қабырғалы үшбұрыш. Себебі қабырғаларымның ұзындықтары әртүрлі. Жүру қиын болғандықтан көзге көп түсе бермеймін.»
Бұрыштарына қарай үшбұрыштар
Экранға өлең жолдарымен сүйір бұрышты үшбұрыш шығады:
«Бұрышым менің сүйір,
Ақылың болса егер бір түйір,
Ойланшы өзің —
Сонда қалай атанамын?»
Оқушылар жауабы: сүйір бұрышты үшбұрыш.
Экранға өлең жолдарымен доғал бұрышты үшбұрыш шығады:
«Доғал менің бұрышым,
Білсең айтшы дұрысын:
Қалай деп мені атайды?
Үшбұрыштар әулетінің бірімін.»
Оқушылар жауабы: доғал бұрышты үшбұрыш.
ІІ бөлім. Сұрақ-жауап
Сұрақ
а) Үшбұрыштың түрлерін ата.