Дауысты дыбыстарды көрсет
Тоқсандық қайталау: «Білім әлеміне» саяхат сабағы
Бұл сабақ — тоқсан бойы өтілген тақырыптарды жүйелеп, білімді бекітуге арналған саяхат форматындағы қайталау сабағы. Оқушылар әр аялдамада түрлі тапсырмалар орындап, дыбыстар, үндестік заңы, сөз құрамы және лексика (синоним, антоним, омоним) бойынша білімін көрсетеді.
Білімділік
Тақырыптарды тиянақтау, қорытындылау, пысықтау; сауаттылықты тексеру; әртүрлі тапсырмалар орындау.
Дамытушылық
Сөйлеу қабілетін және танымдық белсенділікті арттыру; сөздік қорды молайту; дұрыс сөйлем құру мен сауатты жазу мәдениетін дамыту.
Тәрбиелік
Бір-бірін сыйлауға, құрметтеуге, адамгершілікке баулу.
Сабақ туралы қысқаша мәлімет
- Сабақтың түрі
- Саяхат сабағы
- Көрнекілігі
- Слайдтар, суреттер, кеспелер
- Әдіс-тәсілдер
- Салыстыру, сөздік жұмысы, сұрақ-жауап, әңгімелесу, іздену
- Пәнаралық байланыс
- Әдебиет, орыс тілі
Сабақтың барысы
1) Ұйымдастыру кезеңі
- Оқушылармен амандасу, түгендеу.
- Зейінді сабаққа аудару.
2) Үй тапсырмасын тексеру
«Менің досым» тақырыбындағы жұмысты тексеру.
Мұғалімнің кіріспе сөзі
Қайталау — оқу анасы,
Мақалдың бір данасы.
Өткенді еске түсірсең,
Ешкімнің жоқ таласы.
Бүгін біз өткен тақырыптарды қайталап, «Білім әлеміне» саяхат жасаймыз.
I аялдама: Дыбыстар әлемі
Өлең
Берекесін сыйлауға
Өлкемізге күз келді.
Жемістерін жинауға
Шақырады біздерді.
Сұрақтар
- Өлеңде жылдың қай мезгілі туралы айтылады?
- Өлеңде қандай ерекше дыбыстар бар: Ө, І, Ү, Ғ, Қ? Бұлар қандай дыбыстар?
- Күзде ауа райында қандай өзгерістер болады?
- Адамдар қысқа қалай дайындалады? Күзде нені жинаймыз?
Жауапқа бағыт
Күзде күн салқындайды, ағаш жапырақтары сарғаяды, астық, көкөніс пен жеміс піседі. Адамдар қыстық қорын қамдап, өнім жинайды.
Тапсырма: Дауыссыз дыбыстарды «себетке» жинау
Үнді
Р, Л, М, Н, Ң, Й, У
Ұяң
З, Ғ, Г, Б, Д, Ж
Қатаң
С, Т, П, Қ, К, Ч, Ш, Ц, Х, Һ
Қосымша тапсырма: «Адасқан әріптер» — араласқан әріптерді дұрыс ретпен орналастырып, сөздерді оқыңдар және аударыңдар.
II аялдама: Үндестік әлемі
Талқылау сұрақтары
- Үндестік заңы дегеніміз не?
- Сөз жуан дауыстыдан басталса, қандай дауыстылар жалғанады?
- Сөз жіңішке дауыстыдан басталса, қандай дауыстылар жалғанады?
Ребус
Ребусты шешіп, отбасы мүшелерін атаңдар: ата, әже, әке, шеше, іні, қарындас, аға, сіңілі, әпке.
Тапсырма: Көптік жалғауларын дұрыс жалғау
Жуан
аналар, қарындастар, ағалар, аталар, бауырлар
Жіңішке
әпкелер, әжелер, інілер, шешелер, сіңлілер
Қосымша тапсырма: «Отбасы» тақырыбына байланысты 2 сөйлем құраңдар.
III аялдама: Сөз құрамы
Негізгі сұрақтар
- Қазақ тіліндегі сөз құрамы неден тұрады?
- Қосымшаға не жатады?
- Негізгі түбір дегеніміз не?
- Туынды түбір дегеніміз не?
Тапсырма: Сөздерді құрамына талдау
Күздік, жапырақтар, бақша, көкөністер, ағаштар, жаңбырлы.
Тапсырма: Сурет бойынша сөйлем құрастыру
- Айжан алмұрт сатып алды.
- Жүзім — өте тәтті жеміс.
- Көкөністер денсаулыққа пайдалы.
Сөз тіркестерін құрастыру
IV аялдама: Сөз мағынасы (синоним, антоним, омоним)
Еске түсіру
- Синоним дегеніміз не?
- Антоним дегеніміз не?
- Омоним дегеніміз не?
Тапсырма: Антонимдерді тап
Күн — …, Ақ — …, Биік — …, Үлкен — …, Жаман — …
Тапсырма: Синонимдерді жаз
Оқушы — …, Әдемі — …, Лас — …, Зат — …, Мұғалім — …
Тапсырма: Омоним сөздерімен сөз тіркесін құра
V аялдама: Тест
Сабақты қорытындылау үшін тест жұмысын орындаймыз. Өткен тақырыптарды еске түсіріп, алған білімімізді тексереміз.
-
1) Қазақ әліпбиінде қанша әріп бар?
A) 22 Ә) 18 Б) 30 В) 42
-
2) Қазақ тілінде қанша дауысты дыбыс бар?
A) 8 Ә) 3 Б) 15 В) 12
-
3) Дауысты дыбыстарды көрсет.
A) Ы, И, А Ә) Ә, В, Г Б) Ж, О, Л В) Қ, И, Е
-
4) Ұяң дауыссыз дыбыстар нешеу?
A) 7 Ә) 3 Б) 5 В) 4
-
5) Үнді дауыссыз дыбыстар нешеу?
A) 6 Ә) 7 Б) 5 В) 8
-
6) «Мейірімді» сөзінің аудармасын тап.
A) Учитель Ә) добрая Б) Хорошая В) Нравится
-
7) «Үлкен, дәу, зор» — қандай сөздер?
A) Омоним Ә) Синоним Б) Антоним В) Сөздер
-
8) «Влажный» сөзінің аудармасын тап.
A) құрғақ Ә) жаңбырлы Б) дымқыл В) суық
-
9) Түбір нешеге бөлінеді?
A) 4 Ә) 8 Б) 2 В) 5
-
10) Жылдың неше мезгілі бар?
A) 3 Ә) 5 Б) 10 В) 4
-
11) Көп нүктенің орнына тиісті әріптерді қой.
…ке, …же, …ж, …р, к…л, г…л, т…р
-
12) Дұрыс нұсқаны таңда.
A) Сабағымен мықты Ә) Тамырымен мықты Б) Салмағымен мықты В) Көңілімен мықты
Қорытынды
Бүгін біз өткен тақырыптарды қайталап, дауысты және дауыссыз дыбыстарды, үндестік заңын, сөз құрамын, сондай-ақ синоним, антоним, омоним ұғымдарын пысықтадық. Оқушылар тапсырмалар арқылы меңгерген білімін көрсетті.
Бағалау
Белсенді қатысқан оқушылардың жауабына қарай бағаланады.
Үй тапсырмасы
Достық пен бірлік туралы мақал-мәтелдер жинақтау.