Қазақша рефераттар

Тарихтың қалыптасуы және дамуы

Сабақ тақырыбы

§1. Тарих туралы түсінік, Қазақстан тарихының кезеңдері: ежелгі дәуір, орта ғасырлар, жаңа және қазіргі заман тарихы.

Жоспар және оқу ресурстары

Негізгі құжаттар

  • Білім стандарты
  • Пән бағдарламасы

Оқулық және авторлар

«Қазақстан тарихынан әңгімелер», 5-сынып.

  • Артықбаев Ж. О.
  • Сабданбеков Ә. Ә.
  • Әбіл Е. Н.

Қосымша дереккөздер

  • Интернет материалдары
  • Wiki материалдары

Сабақтың мақсаты мен міндеттері

Жалпы мақсат

Оқушыларға тарих ұғымын түсіндіру, Қазақстан тарихының негізгі кезеңдерін жүйелі түрде таныстыру және тарихи ойлау дағдыларын дамыту.

Міндеттері

  1. Тарих ұғымын ашу.
  2. Тарих ғылымының қалыптасуы мен дамуын түсіндіру.
  3. Тарих ғылымы туралы нақты мағлұмат беру.

Күтілетін нәтиже

Оқушылар тарих ұғымымен және тарихи кезеңдермен таныса отырып, топпен жұмыс істеуді, пікір алмасуды, қорытынды жасауды және өз ойларын ашық әрі толық жеткізуді үйренеді.

Негізгі идея

Оқушылар заттай және жазбаша деректермен танысу арқылы тарих пәні ұғымының қалай қалыптасып, қалай дамитынын түсінеді.

Оқу форматы және тапсырмалар

Топтық жұмыс

Тақырыпты талқылау, постер дайындау, өзара бағалау.

Жеке жұмыс

Деңгейлік тапсырмалар орындау, кесте толтыру.

Материалдар

  • Мәтінмен жұмыс
  • Wiki материалдары
  • Таратпалар

Сабақ барысы (мұғалім мен оқушы әрекеті)

I. Ұйымдастыру (шамамен 4 минут)

  • Сәлемдесу, сабаққа дайындығын тексеру.
  • Оқушылардың назарын сабаққа аудару, жағымды ахуал қалыптастыру (2 минут).
  • Топқа бөлу: «Археология», «Этнография», «Антропология» жазылған таратпалар арқылы 3 топқа орналастыру (2 минут).

II. Жаңа сабақ

2.1 Қызығушылықты ояту — ойталқы (3 минут)

  1. «Тарих» сөзі қандай мағына береді?
  2. Тарихи оқиға дегеніміз не?
  3. Тарих пәні дегеніміз не?

Оқушылар бастауыш сыныптағы «Дүниетану» пәнінен алған білімдерін еске түсіреді.

2.2 «Қара. Оқып шық. Жап. Жаз.» — мәтінмен жұмыс (15 минут)

Оқушылар мәтінді оқып, тірек-сызбалар арқылы постерге түсіріп баяндайды.

Бағалау: «Бағдаршам» (2 минут)

  • Қызыл — өте жақсы
  • Жасыл — жақсы
  • Сары — әлі де толықтыруды қажет етеді

Әр топ бір-бірінің жұмысын өзара бағалайды.

III. Бекіту

3.1 Кестемен жұмыс (8 минут)

«Тарих пәні» тақырыбы бойынша кестені толтыру және жеке деңгейлік тапсырмаларды орындау.

«Сен — маған, мен — саған» (2 минут)

Оқушылар бір-бірінің тапсырмаларын тексеріп, геометриялық фигуралар арқылы бағалайды.

IV. Қорытынды, бағалау және рефлексия

  • Сабақты қорытындылау, бағаларды хабарлау.
  • Рефлексия: «Бүгінгі сабақ саған ұнады ма?» — оқушылар стикер арқылы смайликтерге өз ойларын жазады.