Қазақша рефераттар

Киім сөзіне синквейн құрастыру

Сабақ туралы қысқаша мәлімет

Сынып

7-сынып

Сабақтың тақырыбы

Киім кию туралы

Сабақтың түрі

Жаңа сабақ

Пәнаралық байланыс

Әдебиет

Көрнекіліктер

  • Сызбалар папкасы
  • Карточкалар
  • Тест тапсырмалары
  • Суреттер

Сабақтың мақсаттары

Білімділік

  • Киім туралы білімді кеңейту, киім түрлерімен таныстыру, сөздік қорды толықтыру.
  • Етістіктің ашық және шартты райлары мен олардың жасалу жолдарын меңгерту.

Дамытушылық

  • Тақырып бойынша ой-өрісті кеңейту, эстетикалық талғамды дамыту.
  • Ауызекі сөйлеу дағдыларын жетілдіру, білімді шығармашылықта қолдануға үйрету.
  • Оқулықпен өздігінше жұмыс істеуге дағдыландыру.
  • Маңызды ақпаратты іріктеп, кластер құруға машықтандыру.

Тәрбиелік

  • Қазақ тіліне қызығушылықты арттыру.
  • Жас ерекшелікке сай киінуге, киіну мәдениетін түсінуге бағыттау.
  • Әсемдікке, сұлулыққа, ұйымшылдыққа тәрбиелеу.

Оқыту әдістері мен тәсілдері

Әдістер

Сұрақ-жауап Постер Тест Тірек сызба Семантикалық карта Синквейн Тұжырымдылық карта

Модульдер

  1. Білім берудегі жаңа тәсілдер
  2. Сыни тұрғыдан ойлауды үйрету
  3. Бағалау (оқыту үшін және оқуды бағалау)
  4. АКТ-ны пайдалану
  5. Дарынды балалармен жұмыс
  6. Мұғалім — сабақтың менеджері

Айқындайтын негізгі факторлар

  • Көпіршелер
  • Шульманның көмекшілері
  • Оқушылардың жақын арадағы даму аймағы
  • Толерантты қарым-қатынас

Сабақтың барысы

I. Ұйымдастыру кезеңі

Психологиялық дайындық

Гүл өсірсең терлеп — мұның аты еңбек.

Кесте тіксең зерлеп — мұның аты еңбек.

Сабағыңды жөндеп, әзірлесең — еңбек.

Қиындықтың бәрін еңбек қана жеңбек.

Қатысымды бақылау және күнтізбелік сұрақтар

Бүгін нешесі?
Бүгін желтоқсанның үші.
Аптаның нешінші күні?
Аптаның үшінші күні.
Аптаның қай күні?
Аптаның сәрсенбі күні.
Қазір қай ай?
Қазір желтоқсан айы.
Қазір қай мезгіл?
Қазір қыс мезгілі.
Желтоқсан қыстың нешінші айы?
Желтоқсан — қыстың бірінші айы.

Сыныпты ұйымдастыру

  • Сынып бөлмесінің тазалығын қадағалау.
  • Оқушыларды 3 топқа бөлу: 1-топ, 2-топ, 3-топ.
  • Әр топқа спикер тағайындау.

Сабақ мақсатын бірлесіп анықтау

  • Тақырыпты сұрақ арқылы анықтау: «Біздің сабағымыздың тақырыбы қандай?»
  • Мақсатты нақтылау: «Киімдер туралы, етістіктің райлары және олардың жасалу жолдары туралы не білуіміз керек?»
  • Бағалау парақшасына сабақ мақсатын жазу.
  • Дәптерге күнін және «Сынып жұмысы» тақырыбын жазу.

II. Үй тапсырмасын тексеру

Карточкамен жұмыс

«Септеулік шылау» тақырыбы бойынша тапсырмалар орындалады.

Өзін-өзі бағалау

Дұрыс жауаптар тақтаға ілінеді, оқушылар өзін-өзі бағалайды.

III. Жаңа сабақ

Теориялық бөлім

  • Сызбалар папкасы арқылы етістіктің райлары тақырыбын түсіндіру.
  • «Ұлық болсаң, кішік бол» мақалындағы бағыныңқы сөйлемнің қай райда тұрғанын анықтау.
  • Талқылау сұрақтары:
    • Етістіктің рай категориясы неше топқа бөлінеді?
    • Ашық рай қалай жасалады?
    • Шартты рай қалай жасалады?

Сөздікпен жұмыс

Жаңа сөздермен 1–3 ауызша сөз тіркесін құрастыру.

Нәтиже

Оқушылар жаңа сөздерді сөйлеуде қолдана бастайды.

1-тапсырма: Топтық жұмыс (мәтінмен жұмыс)

Әр топқа мәтін беріледі. Топтар бір-бірін суммативті бағалайды.

Бағалау критерийлері

  1. Мәтінді оқу және аудару.
  2. Негізгі ойды табу, постер жасау.
  3. Мәтін бойынша үш «жіңішке» сұрақ құрастыру.
  4. Екі сөзге морфологиялық талдау жасау.

Топ ішіндегі рөлдер

  • Спикер: қорғау және қорытынды айту.
  • Хатшы: негізгі ой мен дәлелдерді жазу.
  • Уақыт сақшысы: тапсырманың орындалуын қадағалау.
  • Дизайнер: постерді рәсімдеу.

2-тапсырма: Жеке және жұптық жұмыс

A) Жеке жұмыс (2 оқушы)

Екі оқушы тақтаға шығып, берілген сөзді септейді және тәуелдейді:

Сөз: киім

Бағалау: оқушылар бір-бірін бағалайды.

Ә) Жеке жұмыс (10 оқушы)

Өлең жолдарындағы түсіп қалған шартты рай жұрнақтарын анықтап, дәптерге көшіріп жазыңыз.

Ер жігіт айтпайды. Айт…, қайтпайды.

Оқи бер…ң — көзің ашылады,

Отыра бер…ң — жалқаулық басынады.

Алтау ала бол… — ауыздағы кетеді,

Төртеу түгел бол… — төбедегі келеді.

Тіл тас жарады,

Тас жарма… — бас жарады.

Атадан ұл ту… — игі,

Ата жолын қу… — игі.

Өзіне келер ұлын

Өзі билеп тұр… — игі.

Бағалау: мұғалімнің формативті бағалауы.

Б) Жұппен жұмыс (2 оқушы)

Жаңа тақырып бойынша диалог құрастыру.

Бағалау: мұғалімнің формативті бағалауы.

C) Үлгерімі төмен оқушылармен жұмыс (2 оқушы)

Сөйлемдерді оқып, түсіп қалған сөздерді тауып, дәптерге көшіріп жазыңыз.

Жылаған шешемен бірге …, жігіттің жігіт болғаны …, өйтсе, кісі уәдеден … ала ма?

Жылаған шешемен … жылап, жігіт үйден … уақытқа алыс жерге …, баласының жылағанын … соң, үйде қалған ананың көзінен жас … ме, көкірегінен сағыныш қасіреті … ме?

Бағалау: мұғалімнің формативті бағалауы.

3-тапсырма: «Киім» сөзіне синквейн құрастыру

Жеке жұмыс. Мұғалім суммативті бағалайды.

  1. 1) Бір зат есім (1 имя существительное)
    _________________________
  2. 2) Екі сын есім (2 имя прилагательное)
    _________________________
  3. 3) Үш етістік (3 глагола)
    _________________________
  4. 4) 4–5 сөзден тұратын шағын сөйлем (тақырыпқа қатынасты білдіреді)
    _________________________
  5. 5) Бір синоним (1 синоним, бір сөз)
    _________________________

IV. Сабақты бекіту

4-тапсырма: Семантикалық карта

Семантикалық картаны толтыру.

Тест жұмысы

Тест тапсырмаларына жауап беру.

Бағалау: оқушылар бір-бірін критериалды бағалайды.

V. Сабақты қорытындылау

Сұрақ

Бүгінгі сабақтың тақырыбы қалай аталады?

Жауап үлгісі: Киім кию туралы; етістіктің райлары және олардың жасалу жолдары.

Сұрақ

Қойған мақсатымызға жеттік пе?

Жауап үлгісі: Иә, қойылған мақсатқа жеттік.

VI. Бағалау

Бағалау парақшалары негізінде оқушыларға суммативті баға қойылады.

VII. Үй тапсырмасы

Тақырып

«Атаның баласы ғана емес, адамның баласы болсам…» тақырыбына шағын шығарма жазу.

Критерийлер

  1. Кемінде 6 сөйлем болуы.
  2. Мәтінде етістіктің шартты рай формаларын қолдану.