Отандарыңның астанасы қай қала
Қызылорда облысы, Қазалы ауданы, Ғ. Мұратбаев ауылындағы №15 «Балдәурен» балабақшасының І санатты әдіскер-тәрбиешісі — Жұлдызбаева Гүлбану.
Құрметті ата-аналар, кішкентай бүлдіршіндер және балабақша ұжымы! Баршаңызды 25 қазан — Республика күні мерекесімен «Құлагер» мектепалды тобы атынан шын жүректен құттықтаймын!
Баршаңызға отбасылық бақыт, дендеріңізге саулық, еңбектеріңізге жеміс, мерекелік шат көңіл тілейміз.
Республикаға тағзым
Ақжайық пен Алтай арасы — Қазақтың шалқар даласы. Республикама қарашы!
Жерімнің дәні маржандай, қырманы асқар таулардай. Республикама қарашы!
Шолсаң да биік аспаннан, қарқырар кені тастардан. Республикама қарашы!
Шырқаған сайын тірегі — Республикама қарашы!
Тәрбие сағатының ашылуы
І. Әнұран
Тәрбие сағатын ашу үшін балабақша меңгерушісі Нұрмағанбетова Эльмира апайға сөз беріледі.
Құрметті қонақтар! Бүгінгі 25 қазан — Республика күніне арналған «Мен — Отанның бақытты ұлымын!» атты қысқаша тәрбие сағатын тамашалаңыздар.
Сахналық көрініс: «Елшімен сұхбат»
ІІ. Хор
«Егеменді Қазақстан»
Елші:
— Өзі бұл жер қай ел екен, жөн сұрап білейін?!
Жүргізуші:
— Сәлеметсіз бе? Сіз кім боласыз? Қателеспесем, біздің елге басқа жақтан келген сияқтысыз.
Елші:
— Мен ел аралап жүрген елшімін. Сыңғырлаған балалардың күлкісін естіп, қай елдің бақытты балалары екенін білейін деп келдім.
Жүргізуші:
— Олай болса, қош келдіңіз! Қазір бізде 25 қазан — Республика күніне арналған тәрбие сағаты өтеді. Балалардан сұрап біліңіз.
Сұрақ-жауап
Елші:
— Сәлем, балалар! Сендер өте көңілді әрі бақытты көрінесіңдер. Сендердің Отандарың, қасиетті мекендерің қай Республика?
Балалар: — Қазақстан Республикасы.
Елші:
— Президент кім?
Балалар: — Нұрсұлтан Әбішұлы Назарбаев.
Елші:
— Отандарыңның астанасы қай қала?
Балалар: — Астана қаласы.
Елші:
— Елдерің қандай қасиеттерімен айбатты?
Балалар: — Әнұран, Туы, Елтаңбасымен.
Елші:
— Өте жақсы. Осы елдің бақытты ұл-қыздары екендеріңді қалай дәлелдейсіңдер?
Балалардың тақпақтары
1) Шыңғыс
Әнұраным — жан ұраным,
Айтар әнім, сөйлер сөзім.
Туған жерім — сағынарым,
Мәңгі-бақи шырқалады:
Республикам, Әнұраным!
2) Назлы
Елтаңбасы елімнің —
Неткен көркем, әдемі!
Тұнығындай көңілдің
Ортада аспан әлемі.
3) Манас
Жарасқан байрақтың мәні бар:
Көк аспан, көк қыран сәні бар.
Көк байрақ — ашық көк кеңістік,
Алтын күн — жеңістің белгісі.
ІІІ. Ән
«Ойнаймыз да күлеміз» (Жанназар, Жанна)
Отан ұғымы: бала жүрегіндегі ең жақын сөз
Жүргізуші балалардан сұрайды: сүйікті Отанымыздың қасиетті белгілерін білесіңдер. Ендеше, «Отан» дегеніміз не?
Балалар: — Отан — бұл біздің әке-шешеміз, туған-туыстарымыз, ауыл-қалаларымыз, өзіміз туып-өскен жеріміз.
Ернұр
Отан — сенің ата-анаң,
Отан — досың, бауырың.
Отан — өлкең, астанаң,
Отан — аудан, ауылың.
Жанна
Отан — атам, Отан — әкем,
Осы сөзім қате ме екен?
Қате болса, неге біздер
Дейміз оны — атамекен?
IV. Би
Армян биі (Бишілер тобы)
Түйін: Отанға қызмет — әр күнгі еңбек
Жүргізуші Бауыржан Момышұлының сөзін еске салады:
«Отан үшін отқа түс — күймейсің».
Отанды батыр ағаларымыз бен апаларымыз жырлап, қорғап, қастерлеген. Қажет кезде оның жолында өмірін қиған ерлер де болған. Сондықтан біз де Отанымызды қадірлеп, қорғауға дайын болуымыз керек.
Балалардың бүгінгі еңбегі — жақсы оқу, тәртіпті болу, ізгі мінез көрсету.
Соңында жүргізуші балаларға ой тастайды: «Ал, балалар, біз Отан туралы қандай нақыл сөздер білеміз?»