Балалар мұнда көптеген шыршалар бар екен қане санап көрейікші
Оқу қызметінің бағыты мен мазмұны
Білім беру салалары
- Таным
- Әлеумет
- Коммуникация
Бөлімдер
- ҚМҚТ
- Көркем әдебиет
- Сөйлеуді дамыту
Тақырып
5 цифры бойынша өткенді бекіту, 4 пен 5 сандарын салыстыру. Заттың пішінін геометриялық фигуралармен сәйкестендіру. Кеңістікті бағдарлау ұғымдарын бекіту: алдында, үстінде, астында, артында.
Мақсаты
Оқыту міндеттері
- Заттарды саны бойынша салыстыруға үйрету: «қанша — сонша», «бірдей».
- Санау дағдыларын дамыту және 4–5 сандарын салыстыру.
- Пішіндерді ажырату және заттарды геометриялық фигуралармен сәйкестендіру.
- Кеңістікте орналастыруына қарай анықтап, салыстыруға үйрету.
Дамытушылық және тәрбиелік міндеттер
- Ойлау қабілетін, тілін, танымдық қызығушылығын және логикалық ойлауын дамыту.
- Әр баланы өз жұмысын орындап қана қоймай, жолдастарына көмектесуге тәрбиелеу.
- Алдында, үстінде, астында, артында ұғымдарын бекіту.
Көрнекіліктер мен материалдар
Ертегі кейіпкерлері
- Үйшік
- Тышқан
- Бақа
- Қоян
- Қасқыр
- Түлкі
Дидактикалық құралдар
- Көкөністер (муляж) 1–5 сандық карточкалар Ғажайып қоржын
- Шеңбер Үшбұрыш Шаршы Сопақша
Билингвальды сөздік
- аю
- медведь
- бақа
- лягушка
- қоян
- заяц
- түлкі
- лиса
- қасқыр
- волк
Мотивациялық-қозғаушылық бөлім
«Шаттық шеңбері»
Ағаштардан шық түсті,
Терезеден қарады.
Ояндың ба, балақай,
Қайырлы таң, қайырлы таң, алақай!
Өткенді еске түсіру (5 саны)
- Үшінші орында қандай ойыншық тұр?
- Қоян нешінші тұр?
- Аю нешінші тұр?
- Қай ойыншық бесінші орында?
- Маймыл нешінші орында орналасқан?
Ұйымдастырушылық-ізденістік бөлім
Ертегі әлеміне саяхат
Балалар, сендер қандай ертегілерді білесіңдер? «Үйшік» ертегісін еске түсіріп, кейіпкерлерге орманға қонаққа барайық. Мен сендерге жұмбақ жасырамын: шешуін тапсақ, орманға қандай көлікпен баратынымызды білеміз.
Бір керуен қатарында өңшең түйе,
Ауызынан жалын шығар қара күйе.
Жүрмейді ұрса-дағы басқалары,
Бәріне жалғыз бура болған ие.
Жауабы: пойыз.
Орманға жол және санау тапсырмасы
Пойызға отырып, орманға жол шығайық. Мұнда көптеген шыршалар бар екен — қане, санап көрейік. Орманға кіру үшін шыршаларды рет-ретімен қойып, тапсырманы орындауымыз керек.
Үлгі
Үстінде — 5 шырша,
Ортасында — 4 шырша,
Астында — 3 шырша.
Берілгені
Үстінде — 4 шырша,
Ортасында — 2 шырша,
Астында — 0 шырша.
Сұрақтар
- Неше шырша қосу керек?
- Шырша қандай пішіндерден құралған?
Жарайсыңдар! Енді пойыздан түсіп, орманға жаяу кірейік.
Көпір құрастыру (өлшем және пішін)
Мына көпір бұзылып қалыпты. Ағаштардан көпір құрастырып, өзеннен өтейік. Ағаштардың көлемін салыстырып көрейік: қайсысы үлкен, қайсысы кіші? Сондай-ақ, ағаштың пішіні қандай геометриялық фигураға ұқсайды?
Тапсырманы орындадыңдар — жарайсыңдар!
«Үйшікке» жақындау
Қараңдаршы, мұнда үлкен үйшік тұр екен. Бұл үйшікке бірінші болып кім келеді — бірге бақылайық.