Батыр ата ұрпағымыз

Сабақтың тақырыбы: Батыр ата — ұрпағымыз!

Сабақтың мақсаты: оқушыларға Кеңес Одағының Батыры Рақымжан Тоқатаевтың ерлігін дәріптеу, еліміздің ұлы батырларын құрметтеуге баулу, үлкенге құрмет, кішіге ізет көрсетуге тәрбиелеу және отансүйгіштік рухты нығайту.

Көрнекіліктер: батырлардың суреттері, нақыл сөздер.

Сабақтың барысы: Ұйымдастыру кезеңі

Жүргізуші:

Бейбітшілік деп салған,

Халықтардың ұраны.

Қара күшке жұмсалған

Ел жеңімпаз құралы.

Таң шапағы атқанда

Серпілмейтін күн бар ма?

Әділеттік қашан да

Жеңбей қалған күн бар ма?

Жүргізуші:

Айқаста жаудың алқымын сыққан,

Ақ жолға қимай намысты елін,

Төлеген, Мәншүк, Рақымжан шыққан —

Қазақстан Республикам менің!

Жүргізуші:

Ерлік өлмейді, ер ұмытылмайды.

Ардагер ағалар — еске алар өткенді.

Өмір үшін мақтан етсін ұрпақтары,

Жеңіс алып еліне жеткендерді.

Жүргізуші:

Ұрпақтардың тірегісің қашаннан,

Өнегеңнен өркен жайды жас арман.

Жүректерге шуақ нұрын шашатын,

Ұлағатыңнан бала көңіл жасарған.

Батыр атамыздың есімі — мектеп мақтанышы

Біздің мектебіміз батыр ата Рақымжан Тоқатаевтың есімімен аталады. Бұл — біз үшін үлкен мақтаныш. Енді батыр атамыздың өмірбаянына қысқаша тоқталайық.

Рақымжан Тоқатаев: өмірі мен ерлігі

Туған жылы, жері: 1923 жылғы 5 ақпан, Алматы облысы, Қаракемер ауылы.
Білімі: 1939 жылы Есік қаласындағы Молотов атындағы орта мектепті аяқтады. Сол жылы Қаракемерде ашылған мұғалімдер дайындайтын курстың физика-математика бөлімін бітірді.
Әскерге шақырылуы: 1941 жылдың тамызында Қызыл Армия қатарына алынды.
Соғыс жолы: 1943 жылы Өзбекстан жерінен Ұлы Отан соғысына аттанды. Украина және Чехословакия аумағындағы ұрыстарға қатысты.
Ерлігі үшін берілген жоғары атақ: Чехословакияны азат ету жолындағы шайқастарда көрсеткен ерлігі үшін 1945 жылғы 29 маусымда сержант Рақымжан Тоқатаевқа Кеңес Одағының Батыры атағы берілді.
Еңбек жолы: 1946 жылдың қаңтарында әскерден босап, Қаракемер ауылындағы Киров атындағы орта мектепте мұғалімдік қызметін жалғастырды.
Жоғары оқу орны: 1946 жылдың тамызында Алматыдағы Абай атындағы педагогикалық институтқа түсіп, 1950 жылы бітірді.
Қызмет еткен мекемесі: 1950–1988 жылдары Есік қаласындағы Малкеев мектеп-интернатында түрлі қызметтер атқарды.
Марапаттары мен құрмет атақтары: Ұлы Отан соғысындағы ерлігі мен жанқиярлығы үшін медальдармен, III дәрежелі Даңқ орденімен марапатталды. Педагогикалық қызметінде Қазақ КСР және КСРО халық ағарту ісінің үздігі атақтарына ие болды. Қазақ КСР Жоғарғы Кеңесінің Құрмет грамотасымен марапатталған.

Ел қорғаны болған ерлер мен қаһарман қыздар

Отанды қорғау жолында халқымыздың талай батырлары өшпес ерлік көрсетті. Қаһарман қыздарымыз Әлия мен Мәншүк, батыр ұлдарымыз Қашаған Жаманқараев, Жүнісбай Қайыпов, Ыбырайым Қалдыбаев сияқты ерлер ел мен жерді қорғауда қайсарлық танытты.

Негізгі ой

Батырларды құрметтеу — өткенге тағзым ғана емес, бүгінгі ұрпақтың бойына жауапкершілік, ізет және отансүйгіштік қасиеттерін орнықтыратын тәрбие.