Даналығын халқымның мақтан етем
Мақсаты
Оқушылардың бойында әдептілік пен алғырлық қасиеттерін қалыптарып, ұлы ғұламалардың сөздерін жатқа айту қабілеттерін дамыту. Аталы сөзден ғибрат алып, сыпайылық пен мәдениетті қарым-қатынасты дәріптеу.
Кештің барысы
Төменде жүргізушілердің кіріспе сөзі мен сайыстың басталу сәті ұсынылады.
1-жүргізуші
Достым, бүгінгі кештің сайысы ерекше сияқты. Айналаңа қарасаң, бәрі саған ақыл айтып тұрғандай. Оның үстіне, қонаққа келген ұлағатты ұстаздар мен жолдастарымның алдында бір түрлі толқып тұрмын.
2-жүргізуші
Несіне толқисың? Алдымен амандасайық. «Сөз атасы — сәлем» демей ме?!
Сәлемдесу
1-жүргізуші: Армысыздар, ұстаздар, ата-аналар!
2-жүргізуші: Бармысыздар, оқушылар!
Кешке қош келдіңіздер
1-жүргізуші: Бүгінгі «Даналығын халқымның мақтан етем» атты сайысқа қош келдіңіздер!
2-жүргізуші: Ендеше, бүгінгі кешке келгендеріңізге өкінбейсіздер. Себебі сіздер көптеген аталы сөздермен, ақылдың кені — бабалар өсиетімен танысасыздар.
Сайыскерлерді шақыру
1-жүргізуші: Олай болса, сайысқа қатысып, кешімізге нәр беретін сайыскерлерімізді ортаға шақырайық!
(Сайыскерлер — оқушылар ұлттық киіммен ортаға шығады.)
Шақыру жыры
2-жүргізуші:
Уа, халайық, халайық,
Мұнда назар салайық.
Ата жолын жалғамақ,
Ел дәстүрін қолдамақ,
Ел намысын қорғамақ —
Топтар шықсын ортаға.
1-жүргізуші:
Қайсысы күйші, кім биші —
Талабына қарайық.
Кімдер зерек, кім жылдам —
Таланттарын табайық.
Әділқазы алқасы
2-жүргізуші: Оу, достарым, бұл топтардың өнерін бағалайтын әділқазы алқасы болмай ма?
1-жүргізуші: Дұрыс айтасың!
Ақты — ақ деп, аққа жақ болып баға берер
Әділқазы алқасы — кемеңгерлер.
Әділ бидей әділ баға беріңіздер,
Шындықты ұрпақтарың сонда көрер.
(Әділқазы алқасымен таныстыру.)