Балаларды сабаққа ұйымдастыру
Сабақтың тақырыбы
Геометриялық пішіндер: дөңгелек, шаршы, үшбұрыш ұғымдарымен таныстыру.
Дөңгелек
Тегіс, бұрышы жоқ пішін
Шаршы
Төрт қабырға, төрт бұрыш
Үшбұрыш
Үш қабырға, үш бұрыш
Сабақтың мақсаты
- Балалардың математикаға арналған дидактикалық ойындарға қызығушылығын арттыру.
- Сөздік қорын байыту және жаңа ұғымдарды дұрыс қолдануға үйрету.
- Ойын арқылы ой-өрісін кеңейтіп, логикалық ойлауын дамыту.
- Тіл байлығын жетілдіріп, сұраққа нақты жауап беруге дағдыландыру.
Көрнекіліктер мен материалдар
Көрнекіліктер
- Геометриялық пішіндер: дөңгелек, шаршы, үшбұрыш.
- Сағат, кітап, ойыншықтар және басқа да тұрмыстық заттар.
Таратпа материалдар
Әр балаға пішіндер бейнеленген карточкалар немесе ұсақ үлестірмелер беріледі (дөңгелек, шаршы, үшбұрыш).
Әдіс-тәсілдер
Сабақ барысы
1) Ұйымдастыру кезеңі
Балаларды сабаққа ұйымдастыру:
Кел, балалар, ортаға,
Үлкен шеңбер құрайық!
2) «Жылулық шеңбері»
Тәрбиеші балаларды шаттық шеңберіне шақырып, бір-біріне жылы лебіз айтуға бағыттайды:
Қайырлы таң, Алтын күн!
Қайырлы таң, Көк аспан!
Қайырлы таң, Жер-Ана!
Қайырлы таң, қонақтар!
Қайырлы таң, достарым!
Қолымыздан ұстап, жылулықты бөлісейік!
Құрметті қонақтар, қош келдіңіздер. Бүгінгі сабағымыз ерекше: бізде қонақтар бар. Ендеше, математика бойынша дидактикалық ойындардан не үйренгенімізді бірге көрсетейік.
3) Кіріспе сұрақ (жұмбақ-өлең)
Тәрбиеші балалардың назарын шоғырландыру үшін маусым туралы өлең жолдарын оқиды:
Қар, мұз еріп, су көбейіп,
Сай-салаға толады.
Бүршік жарып, жапырақ ашып,
Жер гүл шашақ тағады.
Айтыңдаршы, балалар,
Бұл қай кезде болады?