Әңгімелеу тобы
Сабақтың тақырыбы: «Жусан иісі»
Бұл сабақта Сайын Мұратбековтің шығармашылығына тоқталып, «Жусан иісі» әңгімесі арқылы оқушылардың мәтінді түсіну, сипаттау, әңгімелеу және мінездеме беру дағдыларын дамыту көзделеді.
Білімділік мақсаты
- Сайын Мұратбековтің өмірі мен шығармашылығымен таныстыру.
- Жинаған білімді мәтінмен жұмыста қолдануға бағыттау.
- Сипаттау, әңгімелеу, мінездеме беруді жүйелі орындау.
Тәрбиелік мақсаты
- Жанашырлық пен мейірім сезімін қалыптастыру.
- Аяушылық пен адамгершілік құндылықтарын түсіндіру.
- Қиындыққа төзе білуге баулу.
Дамытушылық мақсаты
- Автор ойын жалғастырып, қиял мен ой ұшқырлығын дамыту.
- Сөздік қорды байыту.
- Негізгі ойды табу, жоспарлау және өз пікірін дәлелдеп айту.
Жаңа сабаққа дайындық
Оқушылардың қатысуын күшейту және мәтінді әр қырынан талдау үшін сынып үш топқа бөлінеді.
1) Әңгімелеу тобы
Мәтінді толық мазмұндап, оқиғаның желісін жүйелейді.
2) Оқу тобы
Мәтінді мәнерлеп оқып, маңызды тұстарын дауыс ырғағымен айқындайды.
3) Ой қорыту тобы
Жоспар құрып, негізгі ойды түйіндейді және қорытынды пікір ұсынады.
Сабақтың кіріспе әңгімесі
Мұғалімнің сұрағы
«Осы сабаққа қатысып отырған қонақтар, балалық шағыңыздан бір көріністі еске түсіріп, бөлісіп берсеңіздер. Әркімнің балалық шағында әртүрлі қиындықтар болған. Сол естеліктерді ойға ала отырып, бүгінгі әңгімені Оқу тобы мәнерлеп оқып шықсын».
Мәтінмен жұмыс
Оқу кезеңдері
- Мәтінді мәнерлеп оқу.
- Жаңа жолдан бөліп оқып, мазмұнын нақтылау.
Сезімге назар аударту
Мұғалім: «Балалар, бұл әңгіме сендерге қандай сезім тудырды?»
Оқушылардың ықтимал жауабы: «Аянышты». Осыдан кейін мәтіндегі ең әсерлі, аяныш тудыратын тұстар белгіленеді.
Теріп оқу тапсырмалары
Мәтіннен төмендегі эпизодтарды тауып, дәлел ретінде оқып шығыңдар:
- Аянның «қара қағаз» алған тұсын тауып оқу.
- Аян кірген қораның ішін сипаттайтын жерді тауып оқу.
- Аянның қора ішіндегі кейпін суреттеген тұсты тауып оқу.
- Соғыстың адамдарға салған қиындығын бейнелейтін жерді тауып оқу.
- Аянның балалар үйіне баруға жиналған тұсын тауып оқу.
Мәтінді құрылымдау
Мәтінді бөліктерге бөліп, әр бөліктің мазмұнын қысқа әрі нақты айтып шығу.
Ой қорыту және жоспар құру
Ой қорыту тобы әңгіменің логикалық желісін сақтай отырып, жоспар құрады:
- Соғыс зардабы
- Аянға келген қаралы қағаз
- Аянның қорадағы кейпі
- Аянның балалар үйіне кетуі
- Аянды еске алу
- Жусан иісі
Әңгімелеу тобының міндеті
Жоспарға сүйене отырып, әңгімені толық мазмұндап беру.
Өздік жұмыс
Төмендегі сұрақтарға жауап беріп, мәтінге жеке көзқарастарыңды білдіріңдер: