Сіздердің алдарыңызда осы бүлдіршіндермен бүгін біз Қош бол, құтты әліппем
Мақсат пен мазмұн
Бұл ертеңгіліктің негізгі мақсаты — оқушылардың сауат ашу пәні бойынша алған білімдерін қорытындылау, өз өнерлерін ата-аналарына көрсету, эстетикалық талғамдарын тереңдету, өзін-өзі басқаруға баулу және ана тілін сүйіп, қастерлеуге тәрбиелеу.
Көрнекіліктер
- Тақырыбы жазылған плакат
- Шарлар және әріптер
- «Әліппе», «Ана тілі», «Математика», «Дүниетану» оқулықтарының макеттері
- Тапсырмалар жинағы
Тақырып
Ертеңгіліктің барысы
Мұғалімнің сөзі
Құрметті ата-аналар мен ұстаздар! Бүгін — қуанышты күн. Кеше ғана қолдары гүлге толып, мектеп табалдырығын аттаған кішкентай балапандарым сүйікті де сүйкімді «Әліппе» кітабын қолына алған еді. Бүгін сол Әліппемен қимастықпен қоштасқалы отырмыз.
Сіздердің алдарыңызда біз «Қош бол, құтты Әліппем!» атты ертеңгілігімізді өткізгелі отырмыз. Балаларымыздың білім шыңына жасаған алғашқы қадамдары құтты болсын! Ендеше, ертеңгілігімізді бастауға рұқсат етіңіздер.
Өлең жолдары
Әліппені бітірді балаларым,
Әліппеден нәр алған даналарым.
Өзі оқып, жазатын хәлге жетті,
Құтты болсын білімі балалардың!
Көрерменге үндеу
Сынып оқушылары қызықты да ғаламат өзгерістер сыйлаған, білім нәрімен сусындатқан, өмірде өз жолдарын табуға бағыт берген ұстаздары мен ата-аналарына өнерлерін көрсетуге дайын.
Ендеше, оқушылар, сөз кезегі — өздеріңізде.
Хормен айтылатын жолдар
Үлкенге де — сіз,
Кішіге де — сіз.
Қонақтарды құрметтеп,
Бас иеміз біз.
Жүргізушілер сөзі
1-жүргізуші — Досымжан
Сахнаға шығуАссалаумағалейкум, уа, халайық!
Армысыздар, аналар,
Бармысыздар, балалар,
Сөзіме құлақ салыңыз,
Бір серпіліп қалыңыз.
Әліппеге арналмақ
Бүгінгі жыр, әніміз!
2-жүргізуші — Дана
ҚұттықтауКөз салып қараңызшы бойымызға,
Ортақ боп бүгінгі өскен ойымызға.
Хош келіпсіз, ұстаздар, ата-аналар,
Әліппемен қоштасу тойымызға.
Қорытынды шумақ
Екеуі біргеӨтті оқу сан сабақ,
Бүгін — үлкен салтанат.
Оқулықпен достасып,
Әліппемен қоштасамыз.
Өсті білім, ойымыз,
Құтты болсын тойымыз!