Тапсырмада мәтінді форматтаудың мүмкіндігінше көп әрекеттерін пайдаланыңдар
Ашық сабақ жоспары (8-сынып)
Мәлімет
- Өңір
- Шығыс Қазақстан облысы, Абай ауданы, Қарауыл ауылы
- Мектеп
- Қарауыл гимназиясы
- Пән мұғалімі
- Кунафина Меруерт Нуржановна
Сабақ сипаттамасы
- Сабақтың тақырыбы
- Мәтіндік редакторда мәтінді форматтау
- Сабақтың типі
- Қорытындылау және бекіту сабағы
- Әдіс-тәсілдер
- СТО ойлау стратегиялары (ой қозғау, «ақпараттар бұрқанысы», «кіші үстел», ББҮ, сергіту сәті), деңгейлеп оқыту технологиясы
- Көрнекіліктер
- Компьютер, проектор, презентациялар, карточкалар, тапсырмалар, плакат
Сабақтың мақсаттары
Білімділік
Алған білімдерін қорытындылау, теориялық білімді жүйелі түрде тәжірибеде қолдану дағдыларын қалыптастыру.
Дамытушылық
Компьютерде жұмыс істеу дағдыларын, ойлау қабілетін, өз білімін сауатты жеткізуін және пәнге қызығушылығын дамыту.
Тәрбиелік
Оқушылардың белсенділігін арттыру; құжатпен жұмыс істеуге қажетті компьютерлік сауаттылыққа, өзара көмектесуге және өзін-өзі бағалауға тәрбиелеу.
Сабақтың барысы
1) Ұйымдастыру кезеңі
- Оқушылармен сәлемдесу және танысу.
- Әр оқушы өз атының бас әрпінен басталатын сипаттама айтады. Мысалы: «Мен Меруерт мұғаліммін — мейірімді, мейірбанмын».
2) Сабақ кезеңдері
А) Кіріспе
Компьютерлік сауаттылық — қазіргі заман талабы. Қай салада болмасын (дәрігер, мұғалім, инженер, архитектор және т.б.), жұмыс компьютермен тығыз байланысты. Сондықтан компьютерді тиімді қолдану дағдылары күн сайын маңызды бола түсуде.
Мысалы, белгілі бір пәннен реферат жазу тапсырылды делік. Егер сен рефераттың сыртқы мұқабасын компьютерде сауатты әрі мәдениетті етіп рәсімдесең, өз біліміңнің нәтижесін нақты көрсетесің және кез келген мұғалімнің көңілінен шығасың.
Сабақ соңында білімімізді дәлелдеу үшін берілген тақырыпқа сай рефераттың сыртқы мұқабасын жасап, нәтижеге жетеміз.
Ә) Теория
Сабақтың тиімділігін бағалау үшін тақтадағы ББҮ кестесін (Білемін — Білгім келеді — Үйрендім) толтырамыз. Нәтижеге жету үшін мәтінді форматтау кезіндегі негізгі әрекеттерді еске түсірейік және «мәтінді форматтау» моделін құрайық.
Ассоциациялық карта: «Мәтінді форматтау»
- Мәтінді туралау
- Шрифт түсі
- Шрифт көлемі
- Шрифт түрі
- Шегіністер
- Бетке рамка қою
- Шрифттің жазылуы (қалың, курсив, асты сызу)
- WordArt объектісі
- Сурет кірістіру
ББҮ кестесі
…
…
…
Жұмыс форматы (СТО)
- «Кіші үстел» — модельді аз толтырған оқушыға толық толтырған оқушы көмектеседі.
- «Ақпараттар бұрқанысы» — оқушылар бір-бірінің моделін толықтырып, идея алмасады.
- Экраннан дұрыс жауаптар көрсетіліп, оқушылар өзін-өзі бағалайды.
Б) Сергіту сәті
Практикалық жұмысқа кіріспес бұрын сергіту сәтін өткіземіз. Информатика сабағында ойлау белсенді жүретіндіктен, кезең ауысқанда миға қысқа демалыс қажет.
Тапсырма: «ИНФОРМАТИКА» сөзінің әр әрпінен басталатын, информатикаға қатысты сөздер мен терминдерді жылдам айтып шығу.
Үлгі терминдер
- И — информатика, информация, иілгіш диск, интернет, интерфейс
- Н — ноутбук, номер, надпись
- Ф — формат, файл, флешка, фигура, формула
- О — орналастыру, орау
- Р — реттеу, редактор, рисунок
Жалғасы
- М — меню, монитор, маус, маркер, модем
- А — ақпарат, архивтеу, антивирус, абзац
- Т — тақырыптық жол, тізім, термин, түс
- И — информатика пәні мұғалімі
- К — компьютер, көшіру, клавиша, клавиатура
- А — ақпараттандыру, айналдыру жолағы, адаптер, ашу, алмастыру
Бұл сергіту сәті оқушылардың терминдерді еске түсіруін, есте сақтау қабілетін және компьютерлік сауаттылығын көрсетеді.
В) Практика
Карточкалардағы пән атауы мен тақырыпты пайдаланып, рефераттың сыртқы мұқабасын құрастырыңдар. Жұмыста мәтінді форматтаудың мүмкіндігінше көп құралын қолданыңдар.
Нұсқаулық
- Тақырып пен мәтінді стильге сай орналастыру.
- Шрифт түрі, өлшемі, түсі және жазылу стилін қолдану.
- Шегіністер, туралау, рамка, WordArt және сурет кірістіруді пайдалану.
Ескерту
Тақтада 2–3 үлгі мұқаба көрсетіледі. Жұмысты аяқтаған соң ББҮ кестесінің «Үйрендім» бағанына бүгін не түсінгендеріңді және нені қайта еске түсіргендеріңді жазып, ойларыңды жинақтаңдар.
3) Оқушыларды бағалау
Бағалау парағы төмендегі критерийлер бойынша толтырылады.
| Тапсырмалар | Оқушының аты-жөні | Бағалау |
|---|---|---|
| Мәтінді форматтаудың моделін құру | ____________ | ____ |
| Сыртқы мұқабаны жасау (практика) | ____________ | ____ |