Қане Дымбілмеспен амандасайықшы
Қызылорда облысы, Қазалы ауданы, Қазалы ауылы • №9 «Балауса» балабақшасы
Тәрбиеші: Алпысбаева Күміскүл Әбдіғаниқызы • Мектепалды даярлық тобы
Ұстаз — ұлағатты тұлға!
Бұл оқу іс-әрекеті ұстаз ұғымының биік мәртебесін түсіндіруге, балаларды үлкенді құрметтеуге және адамгершілікке тәрбиелеуге бағытталған.
Мақсаты
- «Ұстаз» ұғымының қадір-қасиетін ұғындыру.
- Үлкенді сыйлауға, ізеттілікке, адамгершілікке баулу.
Құралдар мен тәсілдер
- Көрнекілігі: суреттер, буклеттер.
- Әдіс-тәсілдері: әңгімелесу, сұрақ-жауап, мақал-мәтелдер, тақпақ, өлеңдер.
Ұйымдастыру кезеңі
Сабақ «Ұстазым» әнімен басталады. Тәрбиеші балаларды бір-біріне жылы жүзбен қарап, ізгі тілек айтуға шақырады.
Шаттық шеңбері
Армысың, алтын күн!
Армысың, асыл жер!
Армысың, жан досым!
Жылуыма жылу қос,
Міне, менің қолым!
Балалар бір-біріне жылы лебіздерін білдіріп, көтеріңкі көңіл-күймен оқу іс-әрекетіне кіріседі.
Ұйымдастырушылық-ізденушілік кезең
Сергіту сәті
Алма баққа барайық,
Алма теріп алайық.
Ең үлкенін, жақсысын
Ұстаздарға сыйлайық!
Көрініс: «Дымбілмес қонақта»
Жағдай
Дымбілмес кіріп, тақтадағы қағаздарды шимайлай бастайды. Тәрбиеші балаларға: «Мынау кім? Не істеп жатыр?» — деп сұрайды.
Дымбілмес
«Мені танымадыңдар ма? Мен — Дымбілмеспін!»
Тәрбиеші
«Балалар, Дымбілместің әрекеті әдептілікке жата ма? Қане, Дымбілмеспен амандасайық».
Дымбілмес бастапқыда амандаспайды. Тәрбиеші қонаққа келгенде сәлемдесу қажет екенін түсіндіреді. Дымбілмес: «Мен сәлемдесу керектігін білмеппін. Сәлеметсіңдер ме, балалар?» — дейді.
Негізгі ой
Әдептіліктің басы — амандасудан басталады.
Тәрбиеші балаларға күнделікті балабақшаға келгенде апайлармен амандасатындарын еске салады және ұстаз туралы тақпақтар тыңдауға шақырады.
Балалардың тақпақтары
Алғыстарым көп менің,
Балабақшам, апайым!
Үйреткені — адалдық,
Ұсынғаны — адамдық.
Апайларға мың алғыс,
Текті мінез, даналық.
Бар апайға тілейміз —
Бақыт, табыс, амандық.
Тәрбиеші, ғазиз мұғалім —
Төгілген арай, шуағым.
Арманым қонса қолыма,
Арқаң деп сенің ұғамын.
Тәрбиеші, ғазиз мұғалім —
Сарқылмас мәңгі бұлағым.
Ұланың бүгін тойыңда
Арнайды саған бұл әнін.
Атағым Алатаудай биік болып,
Тұрса да төбем өсіп көкке тиіп,
Алдыңда әрқашанда тағзым етіп,
Тұрармын «Ұстазым» деп басымды иіп!
Мақал-мәтел
Ұстаздық еткен жалықпас,
Үйретуден балаға!
Рефлексия
Білуі керек
Әдептіліктің басы амандасудан басталатынын түсіну.
Болуы керек
Бала бойында жақсы қасиеттердің қалыптасуы: құрмет, ізет, мейірім.
Үйренуі керек
Адамгершілікке, әдептілікке, еңбексүйгіштікке дағдылану.