Сынып тазалығына көңіл бөлу, тақтаның даярлығын тексеру
Сабақ туралы мәлімет
Бұл материал 8-сынып алгебра сабағына арналған. Тақырып — Виет теоремасы.
Негізгі ақпарат
- Пән
- Алгебра (8-сынып)
- Сабақтың тақырыбы
- Виет теоремасы
- Сабақтың түрі
- Дәстүрлі сабақ
- Сабақтың типі
- Жаңа білімді беру және қалыптастыру
Әдістеме және ресурстар
- Әдісі
- Деңгейлеп оқыту, сұрақ-жауап
- Көрнекілігі
- Компьютер, интерактивті тақта, деңгейлік тапсырмалар, слайдтар
- Пәнаралық байланыс
- Информатика, геометрия
- Әдебиеттер
- 8-сынып «Алгебра» оқулығы, алгебра есептер жинағы
Сабақтың барысы
I. Ұйымдастыру кезеңі
- Оқушылармен сәлемдесу.
- Сынып тазалығына назар аудару, тақтаның дайындығын тексеру.
- Оқушыларды түгендеу, сабаққа әзірлігін қадағалау.
II. Өтілген материалды қайталау (сұрақтар)
- 1. Жалпы квадрат теңдеу қалай өрнектеледі?
- 2. ax² = 0, ax² + bx = 0 және ax² + c = 0 теңдеулері неліктен толымсыз квадрат теңдеулер деп аталады?
- 3. Келтірілген квадрат теңдеу дегеніміз не?
- 4. b² − 4ac формуласымен есептелетін сан қалай аталады?
- 5. Толық квадрат теңдеу дегеніміз не?
- 6. Кез келген квадрат теңдеудің түбірлерін табу үшін қандай формуланы қолдануға болады?
- 7. 2x² − 5x − 3 = 0 теңдеуінің коэффициенттерін атаңдар.
- 8. Егер квадрат теңдеуде коэффициенттердің бірі (b немесе c), не екеуі де 0-ге тең болса, мұндай теңдеулер қалай аталады?
Дискриминантқа байланысты логикалық тапсырмалар
Төмендегі өлең жолдарын оқып, әр жағдайға сәйкес қорытындыны түсіндіріңдер: дискриминанттың таңбасы түбірлердің санына қалай әсер етеді?
1) D > 0 жағдайы
Дискриминантым ғаламат, “Теріс” таңбасы қиянат.
Оң сан шықса түбірден, Шәкірттің ісі оңалады.
Неге?
2) D = 0 жағдайы
Дискриминантым менің жоқ, Түбірге төнер күмән көп.
Сонда да қорқар жөнім жоқ, Көңілім менің мүлде тоқ.
Себебі?
3) D < 0 жағдайы
Дискриминантым болды-ау теріс, Табылар ма екен түбірлер тегіс.
Уақытты босқа жіберме енді, Түбірлер мұнда болмайды мүлде.
Неліктен?
Негізгі түйін
- D > 0 болса, квадрат теңдеудің екі түрлі нақты түбірі болады.
- D = 0 болса, квадрат теңдеудің бір (қос) нақты түбірі болады.
- D < 0 болса, квадрат теңдеудің нақты түбірі болмайды.