Қазақша рефераттар

Екі топқа бөлу

6-сынып. Информатика

Сабақтың тақырыбы: §19–20. Нөмірленген және таңбаланған тізім. Баған

Мақсаты

  • MS Word мәтіндік процессорында тізім құрудың негізгі тәсілдерін көрсету.
  • Тізім түрлерімен таныстырып, практикалық дағды қалыптастыру.
  • Мәтінді бағандарға бөлуді үйрету.
  • Оқушылардың шығармашылық қиялын дамыту.

Оқушылар білуі тиіс

  • Тізім және баған ұғымдары.
  • Тізім түрлері және баған жасау мүмкіндіктері.
  • Дайын мәтінді бағандарға орналастыру.
  • Баған бойынша мәтін теру.

Оқушылар үйренуі тиіс

  • Әртүрлі тәсілдермен тізім жасау.
  • Тізімдегі нөмір мен мәтінді пішімдеу.
  • Дайын мәтінді берілген бағандарға дұрыс орналастыру.
  • Бағанмен жасалған құжатта мәтін теру.

Сабақ түрі

Көрсете баяндау, практикалық жұмыс.

Әдісі

Топтық жұмыс.

Пәнаралық байланыс

Қазақ тілі, әдебиет, орыс тілі, математика.

Көрнекілігі

  • Теледидар арқылы слайд көрсету.
  • Проектор арқылы Merits бағдарламасын пайдалану.
  • Стикерлер.
  • Кадоскоп.

Сабақ жоспары

1) Ұйымдастыру бөлімі

  • Сыныпты түгендеу.
  • Оқушыларды екі топқа бөлу.
  • Тақтаға алдын ала стикерлер жапсырылады. Оқушылар стикерді суырып алып, жазуына қарай топтасады: «Алгоритм» және «Мәтін».
  • Сабақ сайыс-бәсеке түрінде өтеді: білімді ұрпақ болу үшін бәсекеге қабілеттілік маңызды.

Сұрақ: «Алгоритм» және «мәтін» дегеніміз не? Кім айтады?

2) Үй тапсырмасын тексеру

«Өткенсіз өрге жүзбеспіз» қағидасы бойынша өткен материалды қайталау жүргізіледі. Кадоскоп слайдындағы тапсырма: «Сәйкесін тап». Оқушылар маркермен дұрыс сәйкестіктерді сызып көрсетіп, қысқаша түсіндіреді.

Қысқаша еске түсіру: MS Word мәтіндік процессорының терезесін ашу және негізгі мүмкіндіктері.

3) Негізгі ұғымдарды қайталау (MS Word)

Абзац

Абзац — мәтіндегі әр бөлімнің (ойдың) алғашқы жолын тұтас қатардан сәл шегіндіріп бастау.

Жоларалық интервал

Жоларалық интервал — мәтін жолдарының арасындағы қашықтықты реттейтін параметр.

Сызғыш (Ruler)

Сызғыш — шегіністерді (сол/оң жақ), өрістерді және туралауды визуалды түрде басқаруға арналған құрал. Оны Көрініс (View) мәзірінен қосуға болады.

Шегіністер мен пішімдеу

  • Шегіністі ұлғайту/азайту — абзацтың сол жақтан басталу орнын өзгерту.
  • Пішімдеу — мәтіннің сыртқы көрінісін (қаріп, өлшем, туралау, т.б.) өзгерту.
  • Мәтін түсін өзгерту — мәтінді ерекшелеудің бір тәсілі.

4) Жаңа сабақ: §19–20. Тізімдер және баған

Тізім дегеніміз не?

Тізім — белгілі бір мақсатқа қажет элементтерді ретімен көрсету тәсілі. Күнделікті өмірде тізім жиі қолданылады: мысалы, сабаққа дайындалу үшін қажетті құралдардың тізімі.

Мысал: сабаққа қажет құралдар

  1. Сөмке
  2. Күнделік
  3. Кітап
  4. Дәптер
  5. Қалам
  6. Қарындаш

Тізім түрлері

  • Маркерленген тізім (маркированный список)
  • Нөмірленген тізім (нумерованный список)
  • Көпдеңгейлі тізім (многоуровневый список)

MS Word-та таңдау жолы: Басты (Главная) мәзірі → Абзац (Paragraph) тобы → қажетті тізім түрін таңдау.

Бағанмен жұмыс (жалпы түсінік)

Баған — мәтінді бірнеше тік жолаққа (колонкаға) бөліп орналастыру тәсілі. Бұл әдіс газет-журнал стиліндегі материалдарда, хабарландыруларда және ақпаратты ықшам көрсету қажет болғанда қолданылады.

  • Дайын мәтінді бағандарға бөлу және орналастыру.
  • Бағанға сәйкес мәтін енгізу және құжат құрылымын сақтау.