Қазақша рефераттар

Қонақ оқушылар

Сабақ тақырыбы мен мақсаттары

Сабақтың тақырыбы

Қысқы киімдер

Сабақтың мақсаты

  • Білімділік: модуль бойынша алған білімді саралап, қорытынды жасау.
  • Дамытушылық: оқушының ой-өрісін кеңейту, білімге деген ынтасын арттыру, сұрақ-жауапқа машықтандыру.
  • Тәрбиелік: ұлттық салт-дәстүрге, соның ішінде ұлттық киімге деген сүйіспеншілікті арттыру.

Сабақтың түрі

Қорытынды сабақ

Сабақтың әдістері

Сұрақ-жауап, сөйлесу, әңгімелесу, топтық жұмыс.

Көрнекіліктер

  • Киімдер мен ұлттық киімдердің суреттері
  • Сиқырлы сандық
  • Доп, қуыршақтар
  • Қағазға жазылған сөздер, плакаттар

Сабақтың мазмұны мен жүрісі

I. Ұйымдастыру кезеңі

Оқушылармен амандасу, қонақ мұғалімдермен сәлемдесу, оқушыларды түгендеу, сабақтың тақырыбы мен мақсатымен таныстыру.

Мұғалім сөзі

«Сәлеметсіңдер ме, балалар! Отырыңдар. Сабаққа дайынсыңдар ма? Топқа бөлініп отырдыңдар ма? Дайын болсаңдар, сабағымызды бастайық.»

II. Үй тапсырмасын тексеру

Сұрақ-жауап арқылы өткен материал қайталанады. Оқушылар күн, ай және жыл мезгілдері бойынша жауап береді.

  • Бүгін аптаның қай күні? Бүгін — аптаның бейсенбі күні.
  • Қазір қай ай? Қазір — желтоқсан айы.
  • Желтоқсан айы қай мезгілге жатады? Желтоқсан айы қыс мезгіліне жатады.
  • Тағы қандай жыл мезгілдерін білесіңдер? Қыс, көктем, жаз, күз.

III. Жаңа материалды бекіту және топпен жұмыс

Сабақ барысында оқушылар жыл мезгілдеріне сәйкес киім атауларын қайталайды, топ болып тапсырмалар орындайды және білімдерін көрсетеді.

«Сиқырлы сандықтағы» конверттерден топ атаулары таңдалып, төрт топ құрылады:

Қысқы киімдер тобы

Көктемгі киімдер тобы

Жазғы киімдер тобы

Күзгі киімдер тобы

Тапсырма

«Қыста, көктемде, жазда, күзде қандай киімдер киесіңдер?» (2 минут). Жауап сапасына қарай 3, 4, 5 ұпай беріледі.

I топ: Көктемгі киімдер

Күртке, шалбар, бәтеңке, джемпер.

II топ: Жазғы киімдер

Жейде, көйлек, қалпақ, туфли.

III топ: Күзгі киімдер

Пальто, күртке, бәтеңке, джемпер.

IV топ: Қысқы киімдер

Тон, құлақшын, бөкебай, пима, етік, қолғап.

Оқушылар бір-бірінің жауаптарын тыңдап, қателерін түзетеді.

Қонақтармен диалог: ұлттық киім

Сабаққа қазақы киім киген ұл мен қыз (Қаһарман мен Кәмшат) кіріп, оқушылармен қысқа диалог құрылады. Оқушылар ұлттық киім түрлерін атап, кейіпкерлердің киімдерін сипаттайды.

Оқушылар атайтын ұлттық киімдер

Тақия, бөрік, сәукеле, қамзол, ішік, бүрмелі көйлек, шапан, мәсі.

Киім сипаттамасы

  • Кәмшат: бүрмелі көйлек, оюлы қамзол; басында — тақия.
  • Қаһарман: үстінде — шапан; басында — қалпақ.

Қонақтар оқушыларды мақтап, қоштасады. Оқушылар да сыпайы түрде шығарып салады.

IV. Бекіту: дәптермен жұмыс және ойын тапсырмалары

Дымбілмес келіп, оқушылардан 2-тапсырманы орындауға көмектесуді сұрайды. Оқушылар тапсырманы топ болып орындайды: берілген сөздердегі түсіп қалған әріпті тауып, фонетикалық талдау жасайды (әр топтан бір оқушы тақтаға шығады).

Берілген сөздер

Қ...лақшын, ет...к, к...йлек, бәте...ке

Сынып тапсырманы бірге тексеріп, дұрыс нұсқаларын талқылайды.

«Ойнайық та ойлайық»: тәуелдік жалғауын қайталау

Мұғалім допты лақтырып «менің» дейді. Допты қағып алған оқушы сөзді тәуелдік жалғауымен айтып жауап береді (мысалы: «қолғабым»). Ойын «қалпақ», «етік», «көйлек» сөздерімен жалғасады.

«Пирамида» ойыны: сөзден сөйлем құрау

Берілген сөздер арқылы сөйлемді біртіндеп кеңейту тапсырмасы орындалады.

Жейде

  1. Мынау — жейде.
  2. Мынау — менің жейдем.

Бөкебай

  1. Мынау — бөкебай.
  2. Мынау — менің бөкебайым.