Қалаларға саяхат

Ақмола облысы,
Целиноград ауданы, №10 орта мектептің
бастауыш сынып мұғалімі Нурахметова Қарлығаш Кадырхановна

Сабақтың тақырыбы: Көкшенің кедусінде

Сілтеме: Б. И. Иманбеков, П. Қ. Жаманқұл, З. Муфтибеков Әдебиеттік оқу I бөлім
Жалпы мақсаты: Оқушыларға Сәбит Мұқанов жайлы мәліметтерді тыңдай отырып, жаңа мағлұматтар алуына жағдай туғызу, мәтінді ашу, мазмұнын меңгереді.
Міндетітері: Оқушыларға Көкшетау туралы мәлімет алу, шығармашылыққа үйрету;
Оқушылардың ойлау, сөйлеу, қиял қабілеттерін дамыту;
Көкшенің және туған жерінің табиғатын аялауға тәрбиелеу.
Өзекті мәселе: оқушылардың мәдениетті тілмен нақты, дәлелді сөйлеуін қалыптастыру.
Оқу нәтижесі: Шығармашылық жұмыстар арқылы ойлау қабілеті, толық сөйлеу, тыңдай алу, тіл байлығының артуына ықпал жасау, өз бетінше зерттеу, талдау жұмыстарына машықтанып, түйінді ой, өзіндік пікір қалыптастырады.
Мәтінмен жұмыс жасайды, мәтіндегі негізгі ойды таба біледі, ойын толық жеткізеді, толық сөйлеуге үйренеді.
Түйінді идеялар: Топтасып жұмыс жасайды, өзара пікірлеседі, бағалай алады
Топпен бағалайды. Бірін – бірі оқыта отырып, тақырыпты толық меңгереді, ойды ашық айтады.

Мұғалім немен айналысады.
Ұйымдастыру кезеңі
Психологиялық сәт.
Үй жұмысын тексеру (7 мин)
Алтай тау жүйесі - Азия құрлығының орта тұсындағы таулы өлке. Ұзындығы батыстан шығысқа қарай 2000 км - ге созылып жатыр. Алтай солтүстік - батыстан оңтүстік - шығысқа қарай табиғи шекарасы Қара Ертіс өзені мен Зайсан көлі, ал батыс бөлігі Сарыарқадан Қалба жотасы арқылы бөлінеді.
Алтай таулары 4 мемлекеттің шекараласқан территорияларында орналасқан:
Қазақстан (Кенді Алтай — Шығыс Қазақстан обылысы),
Монғолия (Моңғол Алтайы — Баян - Өлгей аймағы, Ховд аймағы, Алтай аймағы, Увс аймағы )
Ресей (Алтай өлкесі, Алтай Республикасы),
Қытай (Шыңжаң - Ұйғыр автономиялы өлкесінің Алтай аймағы).
Қызығушылықты ояту

Топқа бөлу:
Әр оқушының отырған орынына алдын ала дайындалған қағаздарды сабақ басталмас бұрын жапсырып қоямын, сол арқылы оқушылар А - дан басталатын қалаларды алған оқушылар бір топ, К мен Қ әрпінен басталған топ және Ж әрпінен басталған қала аттары қолына алған оқушылар тез - тез топ құрайды.
1 - топ. Астана
2 - топ. Көкшетау
3 - топ. Жамбыл

Жаңа сабақ
1. АКТ - ны пайдалану әдісі
1. Ән тыңдату
2. Слайд
3. Р. Стамғазиев арқылы жазушының өмірбаянымен таныстыру

Ендеше, құрметті, оқушылар, сабақты бастамас бұрын мен сіздерге әнші Рамазан Стамғазиевтың орындауында мына әннің үзіндісін мұқият тыңдаңыздар.

2. Сыни ойлау.
Зерттеушілік әңгіме Сұрақ қою арқылы ой қозғау.
1. Әнді тыңдағанда көз алдарыңа не елестеді, қандай ой туды?
1. Ән не жайлы?
2. Қандай қала жайлы шырқалды?
3. Көкшетау жеріне барып көргендеріңіз бар ма?
Олай болса, бүгінгі өтетін сабағымыздың тақырыбы осы өлеңнің төңірегінде өрбиді. Сабақтың тақырыбы Көкшенің кеудесінде деп аталады.
3. Оқыту мен оқудағы жаңа тәсілдер(Слайд арқылы жазушының өмірбаянымен таныстыру)
Сәбит Мұқанов (1900 - 1973) - қазақ әдебиетінің негізін қалаушылардың бірі, қоғам қайраткері, Қазақстанның халық жазушысы, Қазақстан Ғылым академиясының академигі.
Қазіргі Солтүстік Қазақстан облысы Жамбыл ауданы Сәбит Мұқанов атындағы ауылда туған.
С. Мұқановтың Көкшенің кеудесінде атты мәтінімен таныс болайық.

4. Оқушыларды жас ерекшеліктеріне сәйкес оқыту және оқу (сыныпта тиімді оқыту және оқу әдісі бойынша) Джигсо әдісімен

Көкшенің табиғаты жайлы слайд көрсету
Қызығушылықты ояту: Сергіту сәті: Қалаларға саяхат

5. Талантты және дарынды балаларды оқыту( 5 минут)
Басқа оқушылар сандықшаның ішіндегі сөздіктерге топтасып түсіндірме береді де дәптерге жазып алады.

6. Оқытуды басқару және көшбасшылық
Топтық жұмыс. СТО. Кластер әдісі

Дереккөздер және жабдықтар: Оқулық. Әдебиеттік оқулық Алматыкітап баспасы 2012ж, ғаламтор
Флипчарт, фломастер, стейкерлер үлестірмелі қағаздар, мақал – мәтел, жұмбақ
Кейінгі оқу
Сабақты бағалау (5 минут)
Оқыту үшін бағалау және оқудағы бағалау
Мадақтау
Үйге тапсырма:

Толық нұсқасын жүктеу