Қазақша рефераттар

Көк қалпақ - қорытындылау

Шығыс Қазақстан облысы, Өскемен қаласы

№1 орта мектебі КММ

Бастауыш сынып мұғалімі: Ахметкалиева Ғалия Қалышовна

Тақырып

М. Төрежанов — «Қолғабыс»

Жалпы мақсат

  • Оқушыларға М. Төрежанов және қазақ халқының салт-дәстүрлері туралы мәлімет беру.
  • Шығармашылық қабілеттерін дамыту.
  • Сыни тұрғыдан ойлау дағдыларын жетілдіру.
  • Алған білімдерін күнделікті өмірде қолдануға үйрету.

Оқу нәтижесі

  • Сыни тұрғыдан ойлай алады.
  • Қазақтың салт-дәстүрін жақсы түсінеді.
  • Мәтінді өзіндік сыни көзқараспен талдай алады.
  • Шығармашылық қабілеттері дамиды.
  • Алған білімдерін өмірде пайдалана алады.

Сабақтың барысы

Құрылымы: ұйымдастыру → тексеру → қызығушылық → түсіну → талдау → қорытынды

1) Ұйымдастыру кезеңі

Оқушыларды таңдаған түстеріне қарай топтарға бөлу арқылы сабаққа жұмылдыру.

Қызыл

Белсенділік пен өмірдің, күш-қуаттың түсі. Батыл, табанды, ерік-жігері мықты адамдар ұнатады; кедергіден қорықпайды.

Сары

Жылу мен жарықтың түсі. Белсенді, көпшіл, достыққа берік, еркіндікке ұмтылатын адамдарға тән.

Жасыл

Тыныштық пен тұрақтылықтың түсі. Іске беріле кірісіп, күш-жігерін толық жұмсайтын адамдарды сипаттайды.

Көк

Адамдар арасындағы қарым-қатынасты жоғары бағалайды. Жамандықты, сатқындықты жақтырмайтын ақ ниетті жандар.

Ақ

Шаттықтың түсі. Ақ түсті ұнататындар әсерленгіш, қызба болуы мүмкін; тез еліктеп, ықпалға жеңіл беріледі.

Топ ережесі

  • 1. Тәртіп, тыныштық

    Сыныптағы ортақ жұмысқа кедергі келтірмеу.

  • 2. Өзара сыйластық

    Әр пікірді құрметтеу, мәдени диалог сақтау.

  • 3. Уақытты тиімді пайдалану

    Тапсырманы белгіленген уақыт ішінде аяқтау.

  • 4. Көмек және өзара көмек

    Қиындық туғанда бір-біріне қолдау көрсету.

  • 5. Өз көзқарасын білдіру

    Ойды нақты, дәлелмен жеткізе білу.

  • 6. Топ жұмысына белсенді араласу

    Әр оқушының қатысуы маңызды.

2) Үй тапсырмасын тексеру

а) Мәтін мазмұнын аяқтау

Берілген мәтінді өз ойларымен толықтырып, мазмұнын логикалық түрде аяқтайды.

ә) «Автор орындығы» стратегиясы

«Ана туралы» жазылған эсселерін сынып алдында оқып, ой бөліседі.

3) Қызығушылықты ояту

Мультфильмнен қысқа үзінді көрсетіледі. Оқушылар үзінді негізінде жаңа сабақтың тақырыбы мен негізгі идеясын анықтайды.

4) Мағынаны тану

1. Жеке оқу → жұптық/топтық талқылау

Оқушылар мәтінді өз бетінше оқиды, кейін жұпта және топта түсінгендерімен бөліседі.

2. «Аквариум» стратегиясы

Ойларды ашық талқылап, басқа топтар бақылап, толықтырады.

Топтық тапсырмалар

1-топ

Сурет арқылы мазмұнды ашу

Мәтін мазмұнына сәйкес иллюстрация салады.

2-топ

Диалог және сахналау

Атасы мен немересінің диалогын рөлге бөліп, сахналайды.

3-топ

Мақал-мәтелдер

Мәтін идеясын ашатын мақал-мәтелдер жазып, мағынасын түсіндіреді.

4-топ

«Жуан және жіңішке сұрақтар»

Сұрақтарға жауап беріп, дәлел келтіреді.

  1. 1 Атасы Арғынды неге ертіп келді?
  2. 2 Арғын атасына көмектесе алды ма?
  3. 3 Еңбек ету ауыр ма, әлде жеңіл ме?
  4. 4 Атасы Арғынға нені үйрете алды?
  5. 5 Сенің ойыңша, Арғынның күні қалай өтті?

5) Сергіту сәті

Қысқа қимыл-қозғалыс жаттығулары арқылы оқушылардың зейінін сергіту.

6) Ой-толғаныс

«Алты қалпақ» ойлау стратегиясы арқылы қорытынды жасалады.

Ақ қалпақ

Тақырыпқа шолу: ақпарат, дерек, фактілер.

Сары қалпақ

Оқиғаның жағымды жақтарын анықтау.

Қара қалпақ

Жағымсыз жақтарын талдау және қауіп-қатерді байқау.

Қызыл қалпақ

Эмоция мен сезімді білдіру.

Жасыл қалпақ

Шығармашылық ұсыныстар айту, жаңа идея ұсыну.

Көк қалпақ

Қорытындылау, нәтижені жинақтау.

7) Үйге тапсырма

Мәтінді мазмұндау.

8) Бағалау

  • 1. Өзін-өзі бағалау

    Өзін-өзі бағалау парағы арқылы бағалау жүргізіледі.

  • 2. «Көңіл-күй картасы»

    Сабақ соңында оқушылардың рефлексиясы мен жалпы көңіл күйін анықтау.