Тәуелсіздік - баға жетпес байлығымХронометраж
Тәуелсіздік – баға жетпес байлығым
Хронометраж: 45 минут
Кіріспе
Флешмоб 1
Армысыздар, құрметті ұстаздар, оқушылар және қадірменді қонақтар! Бүгін Қазақстан Республикасының Тұңғыш Президенті күнімен ұштастыра отырып, Тәуелсіздігіміздің 26 жылдығына арналған «Тәуелсіздік – баға жетпес байлығым» атты мерекелік кешімізді ашық деп жариялаймыз.
ҚР Әнұраны
Әнұран орындалады.
«Жас Ұлан» қатарына қабылдау салтанаты
1-жүргізуші
Бүгін мектебімізде тәуелсіздік мерекесі қарсаңында оқушыларымыз «Жас Ұлан» ұйымының құрамына қабылданады. Ендеше, бірыңғай балалар мен жасөспірімдер ұйымының қатарына ұлдар мен қыздарды қабылдау салтанатын бастаймыз.
2-жүргізуші
«Жас Ұлан» ұйымына қабылданатын оқушыларды ортаға шақырамыз: Нұрғали Арайлым, Ермекова Аруна.
(Оқушылар өз тақпақтарын оқиды.)
Ант тапсыру
(Бір мүшесі ант береді, қалғандары «Ант етеміз» деп 3 рет қайталайды.)
Анттың мәтіні
Мен, ____________________, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:
- Өз Отаным — Қазақстан Республикасының патриоты болуға;
- Мемлекеттік рәміздерді құрметтеуге және дәріптеуге;
- Туған елімді, жерімді, Отанымды мақтаныш етуге;
- Ата-анамды қадірлеуге;
- Үлкенге құрмет, кішіге ізет көрсетуге;
- Білімге табандылықпен ұмтылуға;
- Салауатты өмір салтын ұстануға;
- Табиғатты аялауға;
- «Жас Ұлан» ережесін бұлжытпай сақтауға және оны достарымнан талап етуге ант етемін.
Жерлестеріміздің даңқты ерлігі өнегесі негізінде ерлікке үйренуге және Отанға шексіз қызмет етуге салтанатты түрде:
АНТ ЕТЕМІН, АНТ ЕТЕМІН, АНТ ЕТЕМІН!
Галстук табыстау
Құрметті ұстаздар, «Жас Ұлан» ұйымына қабылданған оқушыларға туымыз түстес көгілдір галстук табыстау рәсіміне шақырамыз.
Құттықтау сөзі
Кең байтақ, көз жетпейтін жерім менің,
Таулы орман, жасыл жайлау — көлім менің.
Бүгінде бар әлемге даңқың жетті,
Тәуелсіз Қазақстан — елім менің.
Ерекше құрметпен алғашқы құттықтау сөз кезегін аяулы мектебіміздің директоры Ахметов Берік Тұрғынұлына береміз.
Концерттік бағдарлама
1-жүргізуші
Армандарды жақындатып тым алыс,
Біздің жаққа жеткен екен жылы ағыс.
Егемендік — ел бақыты, ертеңі,
О, халайық! Құтты болсын қуаныш!
Кешімізді ақ домбыраның үнімен бастайық. Алдарыңызда өнер көрсететін Бекшенова Нурикамал!
2-жүргізуші
Қазақпын, еңселі елмін егеменді,
Кеңейттім кең әлемге керегемді.
Мұхиттың ар жағында жатқан жұрттар
Таныды тепе-тең деп тереземді.
Орындаушы: Нұрғали Арайлым
1-жүргізуші
Қасиетті Қазақстан — мекенім,
Ақиқаттың алтын бесігі екенсің.
Елім, жерім, Отаным — бақ-дәулетім,
Болашағым, өнер-білім, өркенім.
Орындаушы: Рахметалина Томирис
2-жүргізуші
Барлық ұлттың басын қосқан — достық,
Ұлы достық, нұрлы достық, күн достық.
Достық деген қасиетті ұранға
Кең даланың жүрегі де үн қосты.
Биші қыздар биімен де үн қосады. Орындайтын: 9-сынып қыздары.
1-жүргізуші
Бейбіт өмір тілеймін мен халқыма,
Туған тілім шұбарланбай жарқыра.
Тарихымызда таланттылар көбейсін,
Бас иемін ата-баба рухына.
Орындаушы: Ақниет Төремұрат
Ескерту
Нөмірлер арасында сахналық ауысымдар жасалады.
2-жүргізуші
Қасым Аманжолов жырлағандай: «Қазақ дейтін менің бір елім, жатыр алып жарты дүние әлемін...» Кең байтақ жерімізде халқымыз талай сынақты бастан кешірді. Қанша қиындық көрсе де, ешқашан мойымады, күресе білді. Азаттық таңы атарына кәміл сеніп, үмітін үзбеді.
Орындаушы: 2-сынып қыздары
1-жүргізуші
Сол күндер ғой жүректің аңсағаны,
Соған шөлдеп, шөліркеп тамсанады.
Өкініш пе, білмеймін, қуаныш па —
Өз-өзінен жүрегім ән салады.
Орындаушылар: Бекшенова Нурикамал, кейін Ашымханова Ұлбану
2-жүргізуші
Қазақ елім! Туды жастық дәуірің.
Алғандайсың жұлдызыңның жарығын.
Тәуелсіздік құтты болсын, қымбаттым,
Туған күнің құтты болсын, алыбым!
Орындаушы: Нәби Асыл (би: «Дариға»)
2-жүргізуші
Бойымда әні-бұлақ жатыр бұрқырап,
Сол бұлақтан сыр ағыздым жыр құрап.
Тілейтінім барша жұртқа бір ғана —
Ырыс, бақыт, татулық пен ынтымақ.
Орындаушы: Ақниет
Соңғы әнде концертке қатысқан оқушылар сахна төріне шарлар мен жалаушаларды ұстап шығады.
Қорытынды
1-жүргізуші
Бүгінгі ұрпақ — елдің ертеңі. Осылайша, «Тәуелсіздік – баға жетпес байлығым» атты мерекелік кешіміз өз мәресіне жетті.
(Мәтінде «23 жылдық» та кездеседі; кештің басындағы дерекке сай 26 жылдық нұсқасы біріздендірілді.)
2-жүргізуші
Қазақ елім! Туды жастық дәуірің.
Алғандайсың жұлдызыңның жарығын.
Тәуелсіздік құтты болсын, қымбаттым,
Туған күнің құтты болсын, алыбым!
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын! Келесі кездескенше — туымыз көкте қалықтап, күніміз нұрлана берсін!